搜尋此網誌

2009年7月27日 星期一

努力~~努力

其實婚禮應該要辦的事
暫時都可以叫做完成啦

1) 訂左酒席

2) Book左影pre-wedding photo
(今年11月)

3) 揀左租借禮服o既公司

4) 睇中左對Wedding bands
(8月中左右去訂造)

5) 預約左個MUA
(未去試粧架,不過因為佢幫過我好多FD化粧,所以對佢好有信心)

6) 減肥
(革命尚未成功,同志們仍需繼續努力)

7) 護膚美容 (其實由諗住明年結婚開始,已經join左做facial o既course,依家一直keep住做)


8) 婚禮洗費預算
(呢個budget,我好早已經做好左,一路諗到d乜野就加上去,其實依家見到個budget總和,都仍然有一段距離,不過我都已經好努力咁慳錢架o勒,希望明年年中可以到達目標啦)

努力呀))))))


2009年7月22日 星期三

一個月了

時間過得幾快
我係新公司咁就過左一個月啦
工作得尚算愉快
老闆亦比想像中友善
但唯一不足o既係....我竟然仲未同過任何一個同事lunch
可能我太掛住舊同事啦
一個星期都有一兩日同佢地lunch
淨返果幾日...我就通常唔多食野 (減肥嘛)
又或者出街搞下d私人野...去下bank、買下野...etc....
呢樣有d唔似我囉...因為我係應該好易同人混熟果類人黎架嘛 :p
唔緊要啦,仲有咁多日子
我相信我都會係呢度識同一班好朋友o既 ^^

2009年7月21日 星期二

漸見成續

哈哈....由6月開始減肥 (不健康減肥法....食藥 XDDD)
到依家都已經有返咁上下成續啦
仲爭8磅左右,就可以去返我歷史中最輕o既磅數啦
其實依家我最想減o既係手臂囉....
雖然都幼左d,但都仲好麒麟臂呀 >0<
但我又唔想比幾百蚊一個月join Physical喎 (要等到年尾先join先有優惠)
唉..都唔知點

仲有...Jerry都開始有成效啦....大家一齊加油呀

2009年7月18日 星期六

我都想出去報仇 (含殺人犯內容)

好耐未試過睇一套戲
睇到O晒咀...然後不停鬧架
尋晚睇完<殺人犯>
入場前我完全冇睇過任何影評
我只係聽過一兩個FD話套戲唔好睇
亦都有人話簡直係垃圾
算啦, 我睇過預告, 都幾吸引呀

其實套戲前半Part係幾好o既
一路佈局...將所有野都指向凌光
令你不斷係度諗...點解呢?!?!? 點解呢?!?!?
但到揭盅時...簡直係急轉直下呀
雖然中途我都發現個細路有好多好奇怪o既地方
邊有細路見到老豆係屋企揮刀都完全唔驚 & 仲咁悠閒咁係度踩單車
但..有冇搞錯呀, 諗唔到點埋尾都唔好咁呀
又冇解釋點解大廈閉路影唔到個殺人凶手 (個凶手都好突出下架....)
又冇講點解個凶手要將凌光由9樓搬去7樓 (明明個泵房係9樓架嘛, 呢樣又係好無謂....)
仲有果d配音...差到冇人有...
唉....
其實城城o既表現真係幾好
好表現到果種瘋狂o既感覺
如果唔係個編劇寫到個結尾咁...呢套戲都可以一看o既
淨係睇城城都唔錯呀


2009年7月14日 星期二

同陽光玩遊戲

終於等到一個星期日有陽光啦
三個星期...足足等左我三個星期
執好左帶去游水o既袋放左係房裡面足足三個星期冇郁過

今年我o既夏天o既目標係...
盡可能都想個個week去沙灘 & 唔好曬黑
所以我已經買好防晒啦
仲都好乖, 每逢上水都立即補油...唔可以比自己好似上年咁
曬到成個賓賓咁
最衰未買到新泳衣啦
算....家陣都係七月o者, 仲有時間買 & 著
因為都叫打完風
去到石澳....真係好大浪, 大浪有大浪o既玩法
不過就唔敢游出浮台囉
玩足一日, 好彩最好雖然曬黑左少少 (手臂同埋背脊)
但真係超爽呀))))))))))))


2009年7月11日 星期六

回到基本步

究竟愛係乜野?!?!?!


係大家互相包容..互相愛護..互相尊重
還是互相傷害?!?!


我真係愈黎愈唔明....
記得之前我好任性..鐘意講乜就講乜
自己鐘意點就點..嘈交咪講分手...發脾氣咪掟野囉...幾日唔聽電話都仲得
終於就係一句衝口而出的說話令到我失去左大家當初o既關係
到關係去到終結時, 才知道原來我就係呢句說話搞到大家咁
後來我學會了
點解要對住鐘意o既人講d傷害性o既說話呢?
只為一時之氣???? 但其實細心諗...就係呢一時之氣
可能就令大家o既關係有著不能修補的裂痕

然後我開始改善自己o既脾氣
係自己唔開心又或者發晦氣時
最多唔出聲....匿埋喊....唔好比自己講d晦氣說話
但係咪就係咁比人覺得我好蝦??!!??!!
我唔反駁就等於你有道理?!?!?!
我唔出聲就等於你可以繼續用說話去傷害我?!?!??
其實我記得我都表達過我自己o既想法
係你善忘? 還是愛我不夠?

好唔開心....好耐都未試過喊咁耐
亦都未試過, 腦海裡面浮現出一個想法....
我....究竟有冇揀錯?!?!?


2009年7月6日 星期一

CI...晚裝分享

嘿嘿.....share返兩張相比大家睇下啦
因為我即時confirm左join CI....佢地都立即比我影相
呢兩件我都好鐘意架....不過我諗到時佢地有新衫返
我又會鐘意D新款架o勒







2009年7月2日 星期四

新的工作

襯lunch坐係位有少少時間
不如講下我份新工呀

其實都係返左幾日o者
但已經好似好多野都要迫住上晒手
雖然大部份都係手板眼見o既工夫
但都要少少時間去消化o既

返工時間同之前一樣咁長
不過呢度返930至1800....咁都好,要我再早d起身好似幾難咁 :p
係公司o既時間過得好快
因為都真係幾忙
一路學,一路做
跟本冇時間比你慢慢了解
唯有有時間果時就拎d file出黎睇囉


不過老闆娘都算幾好啦
基本上你搞得掂d野,佢都唔會成日monitor住你做野o既
希望我可以係下個week上晒手啦