剪髮

秀髮留左差唔多羊年啦
終於由碎陰留到可以分界
原本碎濕濕o既頭髮亦都留到厚"dup dup"
我專登唔影相前幾日先剪
係怕一陣有乜依郁
剪得唔好時都有兩個星期時間留返好
本來想挑紅色highligt架，但係紅色又真係好快甩色
到兩個星期後都唔知仲睇唔睇到色呀 (好似誇左少少 XDDD)
但我又怕染淺色會令到D頭髮好似好旱咁
同埋深色頭髮亦有佢o既美
所以最後我揀左染blue black
即係o係室內同埋晚上
大家只會覺得我有一頭烏黑o既秀髮
但係陽光下就會透現出寶藍色
染出黎個效果我好鐘意呀
我諗我會keep住呢個色一段長時間 = =v

仲有半個月

仲有半個月就影相啦
哎吔，呢半個月重左兩三磅 (鬼叫自己恃住瘦左食多左野咩)
我一直都係黎緊半個月減返落去
進入11月，我係唔會再沾半滴酒精架o勒
直到影相後為止
所以11月頭搞生日的朋友，真係唔好意思
我係出席唔到o既 XDDDDDD
尋晚我都好叻架o勒，飲左兩支唔夠
已經全程係度飲冰茶
聽晚哈佬喂出黎飲野，我都係諗住咁咋
為左靚靚，無計啦
玩少d就玩少d，飲少d就飲少d啦

我的BEAR BEAR

收到我對bear啦，原來對bear真係好大隻架
我諗都可以簽到唔少名上去

幾大個箱pack住黎

每隻都附有網紗袋

Carmen & Jerry

Jerry ^^

Carmen ^^

我不是高高在上

做左咁多年野
我不嬲都認為大家都係打份工
所以對同事都好客氣，亦唔會話分高低
做乜都一視同仁
(咁當然, 真正o既高層就應該要尊敬d o既)
自從轉左呢份工，我發現多左好多人對我"勁"客氣
高高在上o既只係我上司，而唔係我
真係好怕人姐前姐後咁叫我
仲要係果d平時比人叫開亞姐亞哥o既人喎
聽到都有d打冷震 ~.~lll

突發奇想 - 註冊篇

尋日係度諗呢諗路o既時候
突然諗到，既然我唔會做即場註冊
又唔想之後普普通通咁去返註冊處搞
又唔知叫唔叫人黎觀禮好
叫人黎即係又要租過衫啦，又唔係好想
不如我去honeymoon果時註冊啦
好似特別d
所以今日立即search下係英國註冊之手續
好似唔係好麻煩
唯一一個問題係，佢要你stay足7日先可以處理註冊手續
跟本冇可能stay英國咁多日 (唗時間)
但逗留證明可以係一封家書 / 朋友書信證明
等我再暸解清楚辦理手續先得

熱臉貼上冷屁股

最憎見到o既回覆message係
「哦」「是但」「你鐘意」
雖然我見你唔到，但已經比我感覺到你好敷衍
尤其係我興致勃勃o既時候
簡直係一盤水倒落我度咁
試過咁多次我都未學乖
算啦~~我都係乜都懶懶閒好過

多用途Wedding Bear Bear對熊

一直都冇諗過搵Decoration公司搞佈置
一來唔想唗$$$$
二來酒樓o既佈置我覺得都幾靚啦
所以，我依家有空閒就會參考下人地d佈置
希望除左酒樓原有的佈置外，再加少少心思
後來發現原來外國好多人興買對公仔放係reception比人簽名用

係呢度都有介紹過類似的公仔 ↓↓ (轉貼自Wedding結婚blog)
http://wedding1314.blogspot.com/2008/03/blog-post_24.html

所以我就上網search下究竟香港有冇類似product買
搵左好耐先搵到對日本製造o既公仔
但要千多元一對，又好似貴得滯
果然皇天不負有心人
終於比我搵到位台灣朋友幫我親手造一對
(比日本果對平少少啦，但我覺得仲靚d添)
佢今日已經完成左個作品，仲send左相比我睇添 ^^
超期待，希望快d收到呢對熊仔
我首先會帶佢地去影相，然後用佢地做車頭公仔
最後當然係放係reception比賓客簽名啦 (當然我都會預備埋簽名布)
之後就要黎留念 ^0^

熊仔熊女 (其實可以做其他公仔架，隨你鐘意)
坐 ~ 30公分高        企 ~ 40公分高
手腳可以轉動，質料為軟皮
仲繡左我同Jerry個名添

大件事...響警號啦

慘啦！！！
一心掛住減肥瘦身影相靚d嘛
瘦得利害得滯，連胸都細埋 T^T
其實自己都感覺到架啦，因為feel到d胸圍有少少離罩 >0<
尋日去買gridle同nu bra果時
試完個gridle後問sales我呢個咩size
一聽立即呆左....竟然細左成個cup...嗚...
不過算啦，身型比例ok就可以了 (唯有咁安慰自己)
個sales仲話，我再瘦d又再扣入一格，再瘦d就扣到最入
但....我諗我都唔會再瘦啦，一陣胸都冇埋 XDDDDDDDDDD

皮鞋

籌備婚禮咁耐
好似買o既野都係比我用o既
尋日終於同未來老公買返對皮鞋啦
我不嬲都唔待薄Jerry架
所以一早都預左買對貴少少靚d o既皮鞋比佢
經過幾次試款
最終Jerry都係決定買Clarks
對鞋幾好架, 有air之外, 又係我同佢都鐘意o既令皮方頭款
係貴左少少, 但都未過我o既budget喎
呢對鞋我諗都可以著好多年啦 (因為平時佢都唔著o :p)

晚裝心水 II

岩又買多左本婚禮書黎睇 (又唗錢lu)
揭揭下見到CI都有幾套衫借左比model著
嘩~~有兩件我地鐘意呀
post出黎比大家睇下

呢件係我鐘意o既紫色，感覺好清新，又唔誇張

 

呢件我勁鐘意，係我最愛o既顏色，仲係deep v款 XDDD

*圖片copy from Wedding Magazine

感想

好開心又見到一位好朋友搵到佢人生另一半
仲可以見證佢地o既婚禮
每一次見到朋友結婚
都會諗自己幾時會姞婚，到時會點點點.....
今次參加婚宴就諗得更多
因為我真係已經訂左明年結婚嘛
係席間仲同將會和我同一個月結婚o既姊妹不斷咁分享添
仲比Jerry話我地兩個雞啄唔斷
話晒一世人一次喎，我地當然想做到最好架啦
我希望盡我自己最大能力
去令到自己個婚禮更加完善

另外我地都發現到一個問題
就係怕大家係婚禮過後都會出現空虛落寞o既情況
因為依家我地日又掛住個婚禮
夜又掛住個婚禮
完成後就突然好似冇左寄托咁
不過結婚後都應該會多左野做o既
始終做左人老婆，淨係做家頭細務都忙到死啦

XDDDDDDDDDDDDD

忙

呢輪好忙...
主要忙工作, 忙plan行程, 同埋忙住準備影pre-wedding
所以冇乜寫blog

岩岩得閒係度睇繄d wedding野
仲幫自己整左個wedding map添