第一日收獲
冇乜買野比自已呀，大部份都係幫人買野
對絲襪返HK著，覺得好正，勁抵...HK$58咋
個蒸氣眼罩係見某forum裡面有人推介過，所以買一盒細o既黎試用下
第二日收獲
呢日多左少少收獲
有日清拉麵博物館親手整o既兩個杯麵啦
Jerry收獲比較豐富，係outlet買左件adidas外套外
仲UNIQLO買左d短襪同一副太陽眼鏡添
我都唔執輸架，都買左唔少Kitty野，不過包住左冇拆開黎影相
另外，個蒸氣眼罩真係幾好用，所以買多一盒大盒 ^^
第三日收獲
呢日冇乜時間shopping啦
淨係o係清水寺求左兩個護身符同埋買左兩個隨身煙灰缸送比朋友
唔洗講，個Kitty鏡當然又係我架啦 :p
第四日收獲
最後衝刺o既呢一日
買o既大部份都係野食呀
另外，終於買左個Agnes b袋比亞妹啦
Jerry又送左個Kitty公仔比我
杯麵我地都買左10個呀，因為之前係HK Citysuper買過個芝士咖哩杯麵黎食
覺得勁正，係日本買一個平一半價錢呀
點可以唔買呢 :p
Jerry係環球影城買比我o既Kitty ^^
Day 5
行程 - 酒店 > 難波 > 關西空港 > 香港
歡樂o既時光真係過得特別快
又到左要離開o既一日o勒
以往去旅行都總會有d好掛住香港o既心情架
但今次真係完全無喎
一來，可能係同埋男朋友一齊去啦
二來，我唔捨得走住囉
但點唔捨得都要走架啦
之前一晚執拾行李搞到好夜
緊係啦，買左咁多野食....我晏d先post d手信上黎 ^^
今日係搭AI315 (Depart: 12:00pm)返香港的
我地首先由酒店搭去難波，然後再轉南海電鐵去關西空港
最後一程地下鐵o勒
其實原本應該早少少出門口架，但搞搞下都已經9點幾o勒
所以決定去到關西空港先食野
因為時間緊迫，一入閘我地見到車就上啦
點知上左架[普通]車.....站站停...
一路搭，一路留意下有無機會轉返架[急行]
好彩過多幾個站，終於比我地轉到
唔係真係有排搭呀
哎吔，到遠機場都已經11點o勒
我地都預左無得坐定定食野lu
無法啦，鬼叫自己遲出門口咩 :p
再見o既大阪，我地會再黎探你架
咦.....原來我地班機delay左個半鐘喎
好野，有時間坐低食返餐啦
check-in後立即去搵野食
最終我地又揀左去食拉麵
我地叫左天婦羅冷麵 + 海鮮拉麵
味道都幾好 :)
食飽後都仲有少少時間比我地最後衝刺
我再買左盒香蕉朱古力大福添 ^^
上到機，四個好似傻仔咁
無無聊，勁玩自拍合照....好快又等到起飛了
咦.....估唔到返HK呢程個飛機餐
望落都幾ok喎，就咁睇都好似比黎果程好
味道都係好左，d咖哩都幾香
好過之前果個我完全食唔落咁滯啦
係機上，無野做
張呢幾日o既收據放埋一埋影返張相
最貴果張唔洗諗，當然就係食蟹果一張啦
咁就完成左我實質四日四夜o既行程lu
我希望我可以快d再重遊關西就好了
我一定唔只去5日咁少呀 ^^
Day 4
行程 - 酒店 > 梅田 > 環球影城 (USJ) > 心齋橋、難波及道頓堀 > 酒店
早餐 - 梅田 午餐 - 環球影城內 (漢堡 + 薯條) 晚餐 - 心齋橋 (迴轉壽司)
離開USJ，諗住係附近搵下拉麵食啦 (下午茶黎咋 XDDD)
但好似附近d食店都比較貴，咪諗住去到難波先食
行行下....咦...有『MOS Burger』喎
都係入去食個餐先
Jerry叫左個"國產牛"漢堡飽餐
而我就淨係叫左個雙層芝士漢堡，然後痴Jerry d薯條黎食
夾埋都係1千yen多d咋，抵食
"國產牛"漢堡飽果然好味d喎，好juicy呀
跟手見附近有間賣手信o既舖頭，立即唔放過呢個機會
去掃下手信先
睇下我，買到面紅耳熱咁呀
滿載而歸
然後，搭返JR去梅田o既『大丸』shopping
因為應承左買個Agnes b 袋送比亞妹做生日禮物
所以去『大丸』o既目的只係呢一個o者
一早知道Agnes b係3樓架o勒，但無諗過搭電梯上到3樓
就見到間Agnes b，真係好，搵都唔洗搵...good
係日本買Agnes b果然係平過HK好多喎
我買果個袋，比HK賣平成4XX蚊呀
任務完成....再轉戰心齋橋o勒
yeah...去到心齋橋o既Sanrio Gallery
又可以同Kitty影相o勒
呢間Sanrio好大架，有成3層咁多
哈哈....睇緊我遊記o既人，可能會有個疑問
點解我食咁多餐，點解都好似冇食過壽司、刺身呢?!?!?!?
原因好簡單
同行的另外三位人兄，都唔食魚生架 >.<"
對於我呢個熱愛食刺身同壽司o既人黎講，的確唔係一件好事
但.......今日終於有得食o勒
唔係我提議架，係個fd認為黎到日本無理由唔食o既
本來我好想試下幾多人推介o既『魚心』架
但都去到心齋橋咯，無理由又返轉頭去梅田食飯架嘛
所以諗住隨街搵下，求其入一間啦
咦...經過『Ryagutei亭』...記得呢間野旅遊書都有介紹過喎
係迴轉壽司放題餐廳黎架
見佢平平地，又介紹過...好啦，入去試試
我地揀左任食放題 + 麵豉湯一碗及生啤一杯o既套餐
盛為女仔每人1,500 yen & 男仔每人1,800yen (連稅)
估唔到都幾多人架喎，座無虛席架
開餐.....^^/
講真，其實質素麻麻
但咁o既價錢仲有咩可以要求呢
你地睇下我地食完o既碟 XDDD
(其實有D唔係我地食架，不過見佢d碟放到咁高，影返張相扮下野o者)
飽晒，各位都好滿足呀~~
因為個fd想去返『激安之殿堂』買少少野
好啦，又行過
哈哈，去到我地先發現原來呢間野有成6層高架
之前淨係行左地下果層囉
真係on居，如果唔係個fd要去買野返轉頭我地都唔發現呀
好啦，食到咁飽做下運動啦
行上6樓慢慢行返落黎
果度每層都有好多唔同o既野賣
終於幫朋友買到又平又靚o既煙灰缸o勒
去到賣野食果層，我同Jerry仲掃左好多芝士咖哩杯麵添
(因為係HK得citysuper有得賣咋)
嘩...買到拎唔到咁滯呀
行到去頭髮護理果度見到d染髮劑o既包裝盒上o既公仔(上面果行)
係我地追開o既《男兒當隻揪》o既角式黎架
好正，幫佢地影返張相先
最終站就係去左道頓堀o既固力果店買手信
又用左6千幾yen lu
無計啦，最後衝刺嘛
跟住打道回府，要執拾行李lu....仲要收拾下我o既心情o勒
因為....過埋呢一晚，我就要離開大阪o勒
Day 4
行程 - 酒店 > 梅田 > 環球影城 (USJ) > 心齋橋、難波及道頓堀 > 酒店
早餐 - 梅田 午餐 - 環球影城內 (漢堡 + 薯條) 晚餐 - 心齋橋 (迴轉壽司)
Oh Oh Oh....終於都到左阪京之旅最後一日o勒
好...玩 / 買得幾多得幾多
今日預左一日時間係環球影城裡面盡情遊樂
呢四張飛我係o係HK東X遊買定架，因為同佢地買有9折 (9折後5,220yen / 位)
仲要係無需要再換飛o既直接入場券
首先去梅田食個早餐先
嘻...因為我地太過"擒青"啦，忘記左影下個早餐就食晒lu
所以今次淨係影餐牌 XD
我地四個人，叫左兩個B餐兩個C餐
去USJ得一個方法架o者，就係係梅田搭JR o既大阪環狀線
去到西九条轉JR夢咲線去USJ站落車
行去USJ o既途中(未入到去樂園裡面)，又已經謀殺左我地唔少memory啦
因為周圍佈置都已經好靚了
一入到場已經見到Betty同埋啄木鳥係度歡迎我地啦
立即影相先 ^^
唔知點解，Betty同埋啄木鳥都好鐘意我Jerry喎
係咁捉住佢要我地幫佢影相 XDD
但到我想同啄木鳥影果陣，佢唔理我呀
扮下野之後先同我合照 :P
再行下行下....OMG...見到我最鐘意o既Hello Kitty
我又點會錯過同佢合照o既機會呀
本來想去Hello Kitty對面o既Hollywood Dream過山車玩架
但仲未開喎.....激死...再行下先啦
然後我抽左一隻Hello Kitty扭蛋....成300yen一個架
但佢隻蛋有埋USJ 個名同埋少少圖案的
而且隻Kitty都好靚，無所謂啦
跟住行過『Terminator 2 』
就走入去玩我地入場後第一個game啦
原來呢個係一個3D戲再配合埋少少現場演出o既劇場
遺憾o既係全程都係講日文
又冇得揀聽英文
即係唔知佢地up乜
玩左一個game之後，我個fd已經叫餓了
之前係forum度有人話過可以叫USJ d staff幫我地係手蓋印
就可以去一去園外食野，咁我當然試一試係咪可以啦
但...原來係唔可以o既
只有全年票果d先可以咁做
黎得玩都預左係裡面食貴野架o勒
搵食其間再預到卡通人物....佢地就係啄木鳥(仔)、古惑狼同埋企鵝o勒
之後行下4D影院準備播放『史力加』
我地就拿拿聲去睇埋先，唔好浪費時間嘛
後尾我地揀左去『Mel's Drive-In』度食burger + 薯條
細細一個餐就食左我千幾yen了
食飽後巧遇傻豹
跟住係對面o既『Hollywood Dream』過山車重開
馬上入去排隊，排左15分鐘左右就到我地啦
坐上列車，仲可以揀自已想聽o既音樂添
果日真係幾凍下，因為起初係舉起雙手黎玩架
但d風吹到我對手僵左，我馬上收返埋啦
但...發現對手已經立即爆左拆 *0*
之後去左玩眾人推介o既『Spiderman』啦
果然如朋友所講，真係玩得過
呢個我地排左5分鐘左右就可以玩了
跟住周圍逛，周圍影
每條街都有佢地o既特色
好有美國風味，有d景靚到好似一副畫咁
睇地圖先發現，其實USJ都唔算好大
好快我地已經行左一大半了
玩完『Back to the Future - The Ride』
我地去左『Jurassic Park』坐船仔
最後玩o既一個game就係『Jaws』
再坐船仔 XDDDDD
然後就係園內shopping啦
Jerry仲送左隻Kitty比我添，好抵呀
咁岩佢50% off喎，折左之後都係1,200yen咋
臨走先仲撞到史力加
影返張合照先 :p
後話，初初plan果時係揀第三日黎架
但撞岩果日係日本成人禮日，係公眾假期
我怕人多要排好耐隊，所以延後一日
果然係無錯呀，呢日排得最耐果個game都只係用左我15分鐘時間咋
除左d冇開或者去到已經做左尾場o既表演冇去外
基本上大部份都玩晒了
但個人認為既然黎到大阪就點都要黎一黎
但下次去我就未必會重遊了
因為實質game唔多，遇著人多排長龍都係唔抵
買express仲唔抵啦，好彩我地今次唔洗o者
未玩到關門，我地已經離場了
