咁快就有機會參與佢地舉辦嘅活動
而且仲係可以帶埋朗朗一齊出席嘅親子工作坊
今次 WeShare 請到國際專業香薰治療師 Kylie 教我哋點運用植物精油"Essential Oil" 去整蚊怕水同埋止癢膏
活動安排左係WeShare位於觀塘嘅寫字樓進行
我地按時出席，到場拎好label就食少少野
Kylie 亦已經一早到場
仲同我地分享一下有關嘅植物精油運用添
活動開始後 Kylie 先講解市面邊類型蚊怕水對人有害
唔知大家有冇留意，依家市面驅蚊產品都有標明"不含DEET (避蚊胺)"
因為DEET係有害嘅化學物質，會透過皮膚滲入人體，構成中毒架
為著小朋友同自己嘅健康，盡可能都避免使用啦
然後 Kylie 好細心咁講解不同精油嘅特性
香精同精油嘅分別在於成份
香精係人工合成的模仿水果和天然香料嘅香油
精油就係由植物中萃取出來
有驅蚊功效嘅精油包括:
1) 薰衣草Lavender (Lavandula angustifolia)
2) 天竺葵 (又名驅蚊草) Geranium (Pelargonium graveolens)
3) 藍膠尤加利 Eucalyptus blue gum (Eucalyptus globulus)
4) 檸檬尤加利 Eucalyptus citrodora (Eucalyptus citrodora)
5) 檸檬香茅 Lemongrass (Cymbopagon citratus)
6) 香茅 Citronella (Cymbopogon nardus)
唔係全部精油都可以直接使用，或者用係小朋友身上架
藍膠尤加利會影響小朋友神經系統，檸檬香茅又會增加眼壓
所以使用精油尤其要小心，唔好隨便使用呀
講解完就開始製作自己嘅蚊怕水啦
朗朗雖然係活動中最細嘅小朋友
但開始DIY後，佢都好專心
聽住我嘅指示去做
蚊怕水製作材料:
1) 噴霧瓶
2) 純蒸餾水
3) 3種自選精劑，共12滴
4) 精油溶解劑 (1:1)，即12滴
*如製作小朋友用蚊怕水，即精油及溶解劑份量各減半
先將蒸餾水倒進瓶內約一半份量
再加入精油及溶解劑，輕輕搖搖後再注入蒸餾水至滿即可
我就整左"薰衣草+藍膠尤加利+香茅"
而朗朗呢，就整左"薰衣草+檸檬尤加利+香茅"
完成後就整埋止痕膏
止痕膏製作方法亦好簡單
止痕膏製作材料:
1) 無味蘆薈凝膠
2) 薰衣草及茶樹油精油各2滴
*如製作小朋友使用，即精油份量減半
將適當份量嘅蘆薈凝膠放入膠盒
然後加入精油
再將佢地攪拌至奶白色，咁就完成啦~
真係簡單方便
完成後朗朗已經急不及待試用
睇黎佢好滿意自己嘅製成品
其他參加者都各自完全自己嘅蚊怕水同止痕膏啦
之後當然要黎返個大合照啦
再次感謝WeShare讓我參與今次嘅活動
希望日後再次參加 WeShare不同嘅Blogger活動啦嘅製成品
WeShare仲剪輯左活動當日片段重溫添
大家見到我同朗朗嗎?
WeShare blog: http://www.weshare.hk/pandacarmen/articles/4493733
