First Light 有機驅蚊噴霧

朗朗大左，我好鐘意帶佢周圍玩
郊外、主題公園、沙灘.....等等
成日見到朋友o既小朋友比惡蚊針到面腫眼腫
真係心都痛埋呀
所以每次都必定要做好防蚊措施
貼蚊貼、噴驅蚊劑....etc

今次試用左澳洲出產o既First Light 有機驅蚊噴霧
產品成份100%天然，而且當中96%為有機認證成份
不含化學成份DEET
(避蚊胺)、人造防腐劑、色素及有毒化合物
因為成份天然，令我更放心比仔仔使用

驅蚊噴霧係由10種特選香薫油配方而成，含有淡淡的香茅味外
我仲聞到陣陣檸檬o既味道
相比我之前用過的我覺得味道更容易接受
使用方法好簡單，只需要外出前直接噴到身體各部位或身體周圍就可以
不過我習慣噴完後再按摩，咁樣就更容易發揮功效
以後外出就靠你啦

銷售點：
銅鑼灣希慎廣場629舖 電話： 3105 9728
APITA 太古城中心2期1樓 [溜冰場旁] 電話： 3583 1250
灣仔譚臣道141號大業大廈28樓 電話： 3583 1232
鑽石山荷里活廣場213A舖 電話： 3102 9320
網址：www.ecog.com
查詢：3583 1232

售價：HK$220 / 100ml

麥當勞® 「開心樂園餐®」x 藍精靈 2

有一段時間冇參加Blogger Event啦
今次要感謝Mrs Chik Chik o既通知
並有幸得到麥當勞公關公司邀請，出席『麥當勞® 「開心樂園餐®」x 藍精靈 2』活動
真係非常開心
為此我更搵返朗朗一唯一一件藍精露Tee出黎
貼合主題

今次活動o既地點好近我
選址係荃灣大河道麥當勞進行
正正就係朗朗一歲生日會果個場地
除左參加生日會外，我冇帶過朗朗去麥當勞食野架
但佢未坐低已經同我講...我要薯條 ^____^
惹味好食o既野，小朋友又點會唔記得呀
去到已經見到坐滿晒人，非常之熱鬧
立即同朋友會合後就叫野食啦
朗朗係度，我當然叫健康D o既選擇
走醬的魚柳包、粟米杯同埋利賓納

等候期間、麥當勞叔叔黎到啦
由細到大我都係叫佢麥當勞叔叔架
但呢日先知佢全名係.............Ronald McDonald

朗朗未見過Uncle Ronald，第一次見到時佢真係有D驚
你地睇下佢個呆樣 = =

打完招呼，Uncle Ronald就離開準備一陣同小朋友玩
我地就開餐食野
呢兩個小朋友又點會同我地客氣呀

  

醫肚後，豐富o既節目又黎啦
就係由Uncle Ronald同大家表演魔術同埋玩遊戲
最後就係跳舞啦
經過一輪時間，朗朗已經唔再驚Uncle Ronald
仲可以一齊跳Uncle Ronald教o既獨特舞步.....『跳跳、拍拍、笑』

  

玩完所有遊戲，Uncle Ronald更加大派禮物
令到在場所有小朋友都非常興奮

  

之後又點少得同Uncle Ronald一齊影相呀
大會安排好每個家庭輪流影相

Kiss goodbye Uncle Ronald後
我地就返埋位食埋剩餘o既食物....然後就到壓軸環節....
就係送大禮啦...yeah!!!!
麥當勞為每個出席家庭準備左一套12隻o既藍精靈公仔
呢套公仔將於稍後日子推出
只要大家去麥當勞食個開心樂園餐，就會附送一隻公仔
又或者可以購買任何套餐加$8換購

 

  

多謝麥當勞同埋公關公司o既邀請
我同朗朗都玩得好開心
仲又食又拎添，希望下次仲有機會參加由麥當勞主辦o既活動

**是次活動是應麥當勞/麥當勞公關公司邀請出席的

**活動中所享用的食物及飲品、取的禮物及活動中的特別節目是由麥當勞/麥當勞公關公司應是次次活動特別安排予參加者的