剛剛係Mrs Chik Chik個blog見到佢share左一個
非常好用o既DIY網站出黎
立即走去試用
的確如佢所講
好多正野
又可以customize喎，揀好左你指定o既item後
再輸入電郵，個網站好快就會send返個file比你架啦
有好野又點可以收埋呢
同大家分享一下
http://www.weddingchicks.com/freebies
Putting Martha Stewart To The Test From Studio 222 Photography
Do It Yourself Fabric Table Numbers
DIY Manzanita Tree and Wish Card Templates
曼迷?!? 漫迷?!?
即係點呀!!!!!!!!!!
呵呵....其實就係講我同Jerry係"曼"聯迷之外
仲係一個切切實實o既"漫"畫迷
我同Jerry由讀書果時都已經好鐘意睇漫畫
亦都各自收藏左不少經典漫畫係屋企
因為真係無可能將全部鐘意睇o既漫畫都買晒返黎
所以我地拍拖後，就開始左每個星期租漫畫睇o既日子啦
我唔敢話我地睇好多漫畫
但我諗要我數出睇過邊d都有d困難
畢竟未計我地買返黎睇果d
我地已經keep住四年來每個week租7本返家慢慢睇
就咁計的話......一年52個星期，四年就有208個星期
粗略估計呢四年都睇左接近千五本漫畫啦 XDDDDDDDDDD
如果真係要買晒，真係唔知邊度有位置放
仲埋邊有咁多金錢喎
當然...超愛看果D，我點都會買架
Jerry特別鐘意One Piece
一直好想買返一set黎收藏
終於比我地係動漫展用八折o既價錢買到一套全新o既書啦
好開心~~~58本...有排我睇lu~~
我扮搬咋....呢2袋野拎到Jerry索晒氣
排晒出黎好壯觀 ^^
去到動漫展，當然唔會錯過周圍行睇figure啦
不過唯一我唔太滿意o既係
天下竟然無得碌卡.........即係唔帶夠錢你都唔洗旨意買到野
反而零食物語有得用信用卡囉
真係吹脹
熊貓車控制室
Jerry飛佛....星矢黃金聖衣版
One Piece figures
呢個好cute呀
係零食物語度買到o既小新脆星餅
黃色果盒係日本出o既香蕉味
我食過好好味呀
各位睇左我blog好耐o既朋友
都應該知我o既習慣係所有野都早早安排好晒架
到依家埋門o既時候
我先去處理呢一個項目
的確有少少匪夷所思
其實早於落訂訂酒席前
我已經開始做research睇下搵邊一位證婚律師好架o勒
果時仲諗住搵Anthony Lam架
仲問齊晒所有資料，但當時因為太過早啦
未可以hold期住
之後就放左係度o勒
後來我參加過幾個朋友o既婚禮
都係有即場註冊的 (入席後開始)
我發現即場註冊個比我個感覺唔夠莊嚴
所以打消左呢個諗法
之後我有好多idea，有諗過honeymoon時係英國或者瑞士註冊
又搵一大堆資料
後來又覺得，去honeymoon仲要我搞婚禮o既事
好似太辛苦自己了
之後又擱置左
種種不同o既原因，令到我到最後先有決定
本來我有諗過不如兩個人honeymoon前一日到註冊處簽個名就算
但原來Jerry都想有人參觀我地o既註冊儀式
因此最後得出個答案係
都係搞返..................."即場證婚"
由落實呢個決定到搵到證婚律師
只不過用左3日時間
星期六決定，星期一返到公司就搵資料
上網search search search，打電話問問問
雖然Anthony Lam個期已經full左
但都比我搵到都有不少好評o既Richard Lau 律師
由於請帖冇印到會係酒樓註冊
所以立即通知dad, mum, 6299佢地派帖時知會一聲親朋戚友們
有時間可以早少少到 (其實我唔想太多人囉....個諗法係咪好怪呢)
依家confirm係2010年9月17日下午5時30分舉行我的證婚儀式
然後就約埋Jerry下個星期一上律師樓辦埋其他手續
仲有個多月，我就正式成為梁C9啦
感覺好奇妙
我的證婚律師
劉啟興律師
劉林陳律師行
香港干諾道中21-21號華商會所大廈5樓及7樓
電話 2110-1450 /8114-1963/ 9202-5074
電郵 richardlau@asia.com
由於Jerry大老闆係外籍人士
因此專誠為佢做左一張英文邀請insert
攝係我地張帖裡面比佢
呵...早前比我係Jerry公司o既網站內
發現佢o既大老闆原來以前同我同一間公司架 (隔離team head黎架)
Jerry話如果佢真係出席
唔知佢認唔認得我喎 XDDDDDD
我諗都幾難啦
講緊8年前o既事咁滯
我諗佢唔會記住之前係隔離team做team secretary o既肥妹仔卦
由於介紹左不少朋友到3V影相
所以有機會免費拍一輯單人照
原先無諗過去影架，因為一個去太無聊了
但blog友Cammy問我有冇興趣一齊去玩下
我又覺得有個伴都唔錯喎
心動不如行動，立即同3V約期
要等星期日就要約到25/7，無計啦......等
終於等到呢日啦
初頭仲怕會天氣唔好
點知一早出門口已經烈日當空
天朗氣清........HAPPY~~~~
我準時去到3V，由於早一日上左去揀衫
所以好快可以開始化粧
今日幫我手o既工作人員有
MUA-雪梨、助手-曈曈、攝影師-亞海、攝影助手-亞盧
影個人照，當然冇影婚紗相咁緊張啦
今次我想營造三個不同o既感覺
我將我o既諗法講比雪梨知
要佢自己發揮 (今次懶到連造型書都冇帶上去)
第一個景點係空中花園
唔知點解硬係覺得婚紗比較襯
所以都係著婚紗出去影
之前係小魚個blog見佢著deep v婚紗好靚
我都唔執輸，我都揀左黎著 XDDDDDDDD
由於都影過空中花園好多地方
所以今次主要影我上次冇乜影過o既樓梯 (包括旋轉梯同埋上3V果條梯)
仲有係佢地放係空中花園o既假櫻花 (定係桃花呢???)
之後就轉室內景
室內景就揀左條深紫色o既晚裝
入到內景，亞海問我上次影過乜野咩景
我第一件事話....嗯，我係世窗影過琴架o勒，今次唔想影 (因為佢地個琴太假啦)
今次影左梳化同埋鏡
室內景冇影花絮
出到黎遇到我個fd Wicky
佢今日黎睇相，我又走去八卦下 XDDDD
影完景內就轉最後一個造型啦
今次我想要活潑o既感覺
所以叫雪梨幫我set呢個爆炸頭
Wicky行過黎比意見我
叫雪梨幫我set個Angelbaby o既爆炸頭
我冇頭緒係點樣，咁岩佢有帶張報紙上黎
拎出黎比我地睇，正正就係我想要o既造型
估唔到我地兩個咁岩key架
其實呢日遇到好多blog友
包括Glanice、Joyce同埋Vicky......哈哈.....^^
我同Cammy仲同埋Glanice一齊影相添
出發前影返張
坐緊車又要自拍
未有得影相又影一餐
等到差唔多6點先開始影
爬高叭低，好落力
我成日周圍訓
眼見好多水蟑螂係身邊爬過
我不知幾驚
又成日係d凹凸不平o既石上面行黎行去
好驚PK囉
曈曈都幫我影左好多花絮相呀
MUA-雪梨、攝影師-亞海
臨走前又再合照
雖然呢日影得好辛苦
又熱，又爬高又訓低，之前影婚紗相我都冇咁樣架
但真係影得好開心
一來有個伴，二來見到所有幫我手o既3V員工都好落力
無話因為我係免費黎影相而馬馬虎虎
亞海仲有比d play back我睇
有好多我都好鐘意呀，所以好期待睇相
但因為臨近婚期，因此我約左9月中先去睇 (我婚期前兩日會返大6整甲 ^^)
再一次多謝3V
因為佢地又比左一次開心o既拍攝經驗比我
溫馨提示：
各位夏天去影婚紗相o既JM們，可以的話盡量唔好著Gridle出去啦
我尋日全程著nu bra都熱到痴肺呀
哈哈....除nu bra時係裡面發現水珠.......痴根架 XDDDDDDDDDD
今日終於揀埋最後一次禮服啦
去之前o既目標係轉走婚紗 + 送客晚裝
今次由好姊妹Carman 同埋媽咪陪同去試
去到當然睇相簿揀款先啦
見到有2本新相簿第一時間睇左先啦
先試晚裝，其實都試左好多件
由於上次揀左4件都係low cut
因此我今次著重試其他款式
下面呢件deep v大露背我都試過
我著出黎都唔錯，但我好似有個好姊妹著過類似款式
加上呢件晚裝裡面只可以著nu bra, 可能我又有少少肉地啦
硬係形住好易走光
送客我唔想就住就住
所以out左
另外試左件淺粉藍色o既蛋糕裙款
著上身，成個人感覺好young好清新
但我諗住著黎送客架嘛
呢件晚裝一定要落圈先好睇
所以out左
後來試左一件新晚裝，淺黃色+紫色立體花
好清新好靚
立即hold左先
之後開始揀婚紗
我將我o既要求講比佢地知
佢地都幫我揀左幾個款出黎
媽咪亦幫我揀左件心型胸o既象牙色婚紗
但試咁多件都冇件岩我心水
最後試返之前hold果一件
都係發現自己鐘意呢件多d~~~所以最後決定唔轉
試試下中途，佢地話我知我剛剛hold果件原來無期
原來之前幫我試衫個女仔以為我係9月7日呀 >0<
又要再揀過，後來我hold左件淺紫色單膊晚裝 (新貨黎架)
最後經過2個多小時停又著又除
又nu bra 又 gridle
終於落實左......只係轉走送客晚裝
以下就係我big day當晚會著o既晚裝同婚紗
迎賓
match in婚紗
敬酒
送客
過大禮...話咁快就搞掂啦
有上一次細妹結婚過大禮o既經驗
我諗住媽咪都唔會有咩蝦碌啦
點知臨時都會唔記得呢樣唔記得果樣.
哈哈...無計啦...又嫁一個女啦
事前o既準備功夫我都有份幫手架
原來80個唐餅 + 2對龍鳳餅 + 3盒禮盒 + 2個過禮盆
的確唔係少野
出動到4個人先拎得晒....好誇張
其實佢地過大禮o既期間
我係匿埋左係房裡面同姨甥仔玩
估唔到佢地係出面都搞左成粒鐘咁滯
悶死我呀~~~
一張枱當然放唔晒啦
哈....媽咪中途唔記得有d咩要比返男家
就打電話黎問我
然後我又突然諗起有d野要交帶
又打返比媽咪
呢個過大禮，就係符符碌碌
甩甩漏漏o既情況下完成啦
不過最緊要大家開心 ^^
好野....所有餅卡過晒黎啦
我終於都可以入埋女家o既帖啦 *\^____^/*
我都係聽青衣城o既奇華staff講
先知中環IFC店有8折優惠
因此今日再落去買多幾張餅卡過大禮換禮餅用
雖然聽日係最後一日
但都通知各位係中環返工同住o既靚女們
未買就快d去買啦 ^^
搞結婚咁耐，未試過覺得有呢一刻咁累架
可能一直未到埋門一腳卦
呢兩日我心情都唔係好好
太詳細我唔講出黎啦
總之我感覺好似好無助
咩都係我搞掂咁
係...你地係戥我開心
但係你地有冇諗過突然令我超出晒預算
你地有咩想要係咪可以一早提出呢，而唔係殺到埋黎
先突然醒起，要呢樣要果樣
比我覺得........你地呢邊先係女家咁.........
唉........唔識講
不過我知唔關99事o既.......算啦
做得到我都會做，錢解決到o既問題就唔係問題
唔開心有第二件事
當初99果邊一早約晒話18/7食飯
過大禮當日我媽咪約好晒d親戚黎湊熱鬧
之後一齊食飯，我咪通知Jerry囉
點知佢一句.........我家可能都要一齊食飯架bor
我話......吓.....我諗住18/7係食埋架bor，咁咪岩岩好囉
一晚女家，一晚男家
佢竟然一句得埋黎.......咁分開食囉........OMG
咩分開食呀....咁你可以同媽咪講聲啫
冇理由我成日就要join你家庭活動，而你就一句"你自己出席"就算
第二日仲同我講，依家有可能唔係18/7食改17/7
What the hell..........你一早講左女家17/7食咁佢地咪唔會改日子囉
我都唔明，叫親佢做o既野都係做得唔好
叫佢同佢媽講聲，又唔識粉飾下用語
搞到我好似好霸道咁
令我唔開心o既仲有好多好多........
之前都冇因為搞婚禮而唔開心架
但.....好似突然所以唔開心o既野都走晒出黎囉
一路慢慢完成婚禮其他雜項
今次同大家分享下我DIY o既floor plan
原先我要求酒樓比floor plan o既soft copy比我
但佢堅持話個file我唔會用得到
所以我只好退一步要佢地o既hard copy啦
其實我真係打死都唔信有file我地開唔到囉
我諗係佢冇果隻software啫
算....咁少野唔同佢拗
Floor plan 1st version
