聖淘沙 Sentosa: http://www.sentosa.com.sg/en/
話咁快就玩到最後一日啦
其實如果小朋友大個d，應該唔夠玩添呀
原本第一日去o既聖淘沙，改為最後先去
先check out，再存放好行李後
先到酒店附近o既商場食早餐
之後...........比我地見到 Barney & Friends o既電動車呀
食飽就同班小朋友去玩
車未開動時，大家睇下朗朗幾開心 ^^
之後..................
真係唔知點解，朗朗次次坐呢d車
一郁都驚到大喊
冇見過咁細膽o既小朋友架 = =
入聖淘沙有幾個方法
可以搭車直接入啦，又可以係VivoCity搭纜車入...等等 (入島方法: http://www.sentosa.com.sg/en/getting-to-around-sentosa/getting-to-sentosa/)
我地就揀左搭MRT去VivoCity站，轉搭Sentosa Express入去)
SG3.5已包來回車程 (依家好似加到SG4/位)
由於我地今次只係周圍逛下，影相等
所以揀左係英比奧站落車
一離開車站，就見到象徵著新加坡o既巨型魚尾獅啦
hehe...我地之前都冇去到影，係度影返夠本
仲有條Q版魚尾獅呀
同朗朗一樣咁可愛
然後經電梯一路上去
經過幾個影相位
就係去玩 Luge & Skyride啦
有Family Package買，包Luge & Skyride各10次
如果小朋友係同家長一齊玩就唔洗用票，但要另加錢一次
小朋友最少要有85cm先可以玩，如果單獨玩就要有110cm
一入到就要戴好頭盔，再等工作人員簡單教授點樣控制架車
唉....朗朗勁憎戴帽或擺任何野係頭上
所以係咁喊，但唔戴又唔玩得
搞左好耐，夾硬禁實佢就開車啦
衰仔去到中途又除左個頭盔 >0<
除左後當然冇喊啦，仲覺得好開心添
話咁快就去到終點啦，咁我地就搭返Skyride返上去玩多一次
係都想我抱佢
嘩.....吊到半空時，我真係唔敢抱佢呀
容乜易甩手架，所以要係咁氹氹氹
約5分鐘左右就返到山頂啦
第二次就由爸爸陪朗朗玩
朗朗唔係度，我當然渣快車啦
點知爸爸仲利害，話咁快就過左我頭
好快又玩完第二次
唔怪得我上網見d人講，玩一次一定唔夠皮啦
如果唔係帶住個仔，我可能會再玩呀
朗朗最終係我地食晏時訓左
咁我地就有啖好食啦 XDDDDD
最後再影多陣就要回程準備返香港啦
一直訓到我地差唔多到酒店拎野先醒
等下次再黎，會預多d時間係度玩
可以選擇買Pass架，咁樣會比較著數
然後我地就極速咁係酒店附近o既Supermarket掃貨
買麵再醬料等
爸爸就幫我餵朗朗食晏
最後就搭返MRT去機場
告別我地四日三夜之旅啦
總括黎講，成個旅程都係非常之開心
第一次幾個家庭遠行
大家可以互相照應
去到邊都可以食多d野，同以前兩個人去玩真係好大分別
我地已經約定係反斗星們上小學之前黎多次星馬遊啦
期待下次更愉快o既旅程
