喜帖

本來今日節目好豐富架
點知夜晚o既火鍋party取消左之後
再加上Jerry今晚約左朋友去玩
搞到我只有一個人無無聊聊咁周圍hea下
橫掂都係，我乘機去埋長沙灣o既昌記望下d帖
決定究竟係出面印還是比返酒樓印
wahahahahahah....我呢個路痴有睇過地圖就走去長沙灣
果然係唔得o既
唯有打電話去昌記問清楚個位置
用左唔少腳骨力先行到去 (因為落錯車囉)
去到見到昌記只係一間好細o既地舖
我同佢講我想睇下d請帖
看舖果位女士就拎左一大本file出黎
我望過d帖，唔係咁岩我心水
之後問多少少資料後就走左啦
最後o既決定係...........
唔好煩o勒，比返酒樓印
因為帖呢樣野，人地一收到都會擺埋一邊
無耐就會掉，所以可以煩少一樣就得一樣啦
之前我問過酒樓要預早三個月時間去搞印帖o既野
最遲4-5月要去處理呢樣啦 ^^

看相後感

用左四個半小時去完成睇相呢個步驟
自以為我都算睇得慢架啦
點知May話，我已經比佢預期中快
可能自己要求唔算高啦，基本上8成半o既相我都好滿意
所以要求修改o既野都唔算多，只係寫左一張白紙咋
全部都係一d細微野
其實我唔知d相佢地之前有冇執過，還是我好好彩
基本上d相都唔見有途人同垃圾出現
當我見晒d相後
May就黎教我點樣將d相分落唔同o既file作相簿 & 油畫分配
可能3V得返May一個係office啦
佢都無教過我應該點樣揀先至最好
最初果一刻我都有d束手無策，唔知點做好
Jerry仲問我洗唔洗幫手，但我諗佢都幫唔到我d乜
所以我叫佢休息一下，到我揀油畫同相架果時先叫佢
好彩我之前都做過下功課，知道每個景起碼揀三張排版出黎先至靚
咁我就由大相簿開始一路揀落去
慢慢個速度就加快左
但中途亞May突然走黎話我知
7寸同10寸相簿果d係唔洗加兩張相做封面的
即係7寸揀18張相同10寸揀20張相已經包括兩張封面了
等我又要係揀好左o既相簿裡面揀返2張出黎
依家我總共有9本相簿
2本15寸 (水晶面) 2本12寸 (普通面)
3本10寸 & 2本7寸
另外，我又用d介紹人相簿換左d油畫，相架同埋旋轉水晶等
到揀油畫我就拉埋Jerry一齊黎幫手o勒
之前已經好鐘意3V拎出黎做sample果張12x26油畫o既排版
即係用一張相做主相，然後用多張不同o既相拼出一個心心
我一見到張sample立即拎去問亞May可唔可以做一張咁o既油畫
原來我地個package唔包油畫排版架
所以要做一張咁o既油畫就要加RMB200去做
呵呵，Jerry肯比我加錢去整呀，開心到痺 ^^
希望出黎個效果靚靚啦

最後真係要多謝3V所有幫過我o既staff
佢地都好有耐性咁招呼我呢個問題多多o既新娘子
另外，亦都多謝咁多位搵我做介紹人o既新人
因為你地我先可以換到我想要o既野
好開心可以同你地分享我影相o既野，亦都歡迎你地問我其他wedding野 ^^
我希望到我睇排版果日唔洗咁辛苦啦
亦預祝所有將會去3V影相o既朋友一切順利，影到靚相

偷拍成功 @ 3v (3)

東部華僑城 (攝影師：劉老師)

好動感的一張相，我揀左做15寸華僑城水晶相簿封面之一

天同花田o既比例好好，又影得我地唔錯，我揀左做大油畫

張相感覺好sweet，有諗過做油畫，但我唔鐘意張油畫個人咁大個
所以最後放棄左

嘩....簡直係我最愛o既感覺呀

又一喜愛相

個感覺捕捉得唔錯

Jerry話我平時都鐘意擺呢個pose，所以對我來講無難度喎

好似抱得好輕鬆咁 XDDDDDDDDDDDDDD

偷拍成功 @ 3v (2)

空中花園 (攝影師：劉老師)

偷拍成功 @ 3v (1)

嘩....等到頸都長埋
終於等到睇相呢一日啦
由於我要揀星期日睇相，所以要等到年初八 (21/2)
一路去緊3V o既途中，Jerry已經不斷問我係咪好緊張 XDDD
都係架，好擔心影得唔好要重影呀嘛
最怕係攝影師技術好，但我表現唔好呀嘛
去到3V，得返亞May一個係office (因為3V係HK擺EXPO)
大部份staff都唔係度
wahahahahahaha....我簡直係執到好籌呀
可以盡情咁去偷怕
其實Jerry都有問我，你遲早都有得拎d相架啦
為乜要偷怕呢?!?!?!?
哈哈......我話我想快d比人睇下d相嘛

May招呼我坐低後，就叫我睇一次d相先
然後先教我點揀相
一睇個file...兩輯相夾埋總共276張相
真係有排睇呀
估唔到果然不負所望，大部份o既相我都好滿意 (可能我要求唔高卦)
係咪好心急呢.........立即去片 (由於係偷拍，所以質素差d)

世界之窗 (攝影師：亞杰)

唔笑o既我好cool呀

好鐘意呢張，所以揀左做12寸水晶相架

15寸水晶封面相之一 ^^

瀑布景好靚呀

我帶上去影相o既kitty都好靚

優惠分享

各位準備買奇華餅卡o既JM
有好消息
28/2 (正月十五) 奇華做優惠 (我尋日專登落門市證實過架o勒)
全線門市餅卡8折
咁我地唔洗專登入EXPO買啦
記住呀, 只做呢一日, 有買襯手呀

想得太多?!?! 有壓力?!?!

大家有冇諗過自己婚禮當日會發生以下o既事呢

• 所有安排都亂七八糟，乜野都未準備好


• 褂冇去拎、婚紗禮服原來都未揀好


• 化粧師同攝影師遲遲都未到，原來係因為你早一日唔記得提點佢地


• 甚至唔知醒，d賓客仲早過我到酒樓


• 係酒樓又唔知自己要做d乜咁，由得d賓客自己坐係度等

哈哈.......聽落都覺得好恐怖
我諗呢d事情都冇乜可能會發生
但我偏偏成日發夢見到呢d事情出現
仲要唔止一次
我諗起碼發過呢d夢超過8次或以上
每次夢醒都好擔心
我唔係擔心自已當日真係會發生呢d事
係擔心究竟我係咪比左自己好大o既壓力呢??
其實我覺得自己已經冇最初籌備婚禮時咁緊張架o勒
同埋慶幸我同Jeery冇因為籌辦婚禮而發生爭執
但無奈間唔中都會發下d咁得人驚o既夢囉
希望其他JM唔會好似我咁啦
仲有7個月左右就到大日子，希望黎緊o既事都可以順順利利

大年初一 + 情人節

今年難得年初一同埋情人節係埋同一日
我諗個個都花點時間去安排節目行程
不過大多數都係上午去拜年，夜晚就同情人出街啦
我都唔例外
今年係我同Jerry一齊過第四年o既情人節
其實除左第一年佢係有特別安排過之外
之後佢都任我話事
雖然每年我都同佢講我唔洗佢送禮物
但我自己每年都會一早準備定
不過我今年冇比咩特別驚喜佢呀 (因為份禮物我同佢一齊買架)
但話晒今年都可以叫做最後一年o既"單身"情人節嘛
下年我地就唔再係情人啦...(呵呵, 係兩公婆呀)
所以總係會發夢Jerry可以比我一d特別驚喜
到情人節當日，我地分別去親戚家拜年
完成之後就約出黎行街
本來Jerry諗住同我去食我最鐘意o既壽司架
但我又想兩個坐得好好咁食返餐
所以建議搵間樓上cafe食
最後去左瓊華中心7樓o既pancake colours食
果度環境都幾好，但果晚o既氣氛就真係好似好得滯
冇乜燈光囉，搞到我幾想叫佢開燈呀

因為唔知做乜唔多舒服，所以諗左食乜就去洗手間啦
返到埋位發現有份禮物放左係枱面
第一個反應係以為餐廳送o既禮物

之後先諗到係Jerry送o既，真係好開心同埋好驚喜呀
食埋美味o既心太軟之後就拆禮物啦
yeah....係我睇中果隻錶呀，原本我諗住自己買比自己架
估唔到Jerry已經買左，佢仲細心到改埋錶帶添
開心到我立即想走去咀佢一啖 XDDDDDDDDDDDDDDDDD

告別四眼 @@

都唔係好記得幾多歲開始戴眼鏡o勒
總之就係白痴啦
因為果時好鐘意小雲，成日都靜雞雞拎daddy d舊眼鏡黎戴
想搞到有近視可以戴眼鏡
好啦，願望成真左之後，就知道戴眼鏡唔好
細個唔可以戴隱形眼鏡
成日戴住個厚"dup dup" o既眼鏡不知幾唔舒服 (我成7百幾度架)
大個後開始戴con都有唔方便
有時會戴得唔舒服，un住un住咁
搞到我成日卒眼
所以係早四、五年度我已經有做激光矯視o既決心架o勒
因為有朋友經威爾斯成功矯視 (而且價錢激平)
所以我都有排期係威爾斯睇
雖然威爾斯都批左我做激光矯視，但可惜我o既眼角膜太薄
做唔到舊式激光矯視 (做完仲有二百幾度，都唔知做黎為乜)
好彩依家有新式激光矯視技術 Lasik可以幫我地呢d眼角膜太薄o既人
我尋晚約左3月頭去驗眼
如果驗眼結果出黎係適合做手術的話
就會係3月中完成埋個手術
咁我就完完全全可以擺脫四眼妹呢個稱號啦
不過係等待驗眼同埋做手術前
我都要戒戴隱形眼鏡，所以我會keep住有一段時間做四眼妹啦

獎勵自己之大出血

公司上年豐收，亦好闊綽地令到每位員工都可以過肥年
我呢個做左半年o既小職員亦有幸得到半份豐厚o既花紅
為左獎勵自己
決定買set靚d o既精華黎做微針用

一盒裝裡面包含兩種精華
"複合生長因子細胞重組極緻精華" & "銅胜肽精華"
大約可以用到10次啦
今次真係落重本架
另外，之前用o既卸粧油已經用晒
立即叫表妹搵佢舊同事幫我買支HABA o既卸粧油
呢支卸粧我表妹極力推薦
我試用過後都立即決定買

真係大出血啦

男禮 @ MODE Tuxedo ($100 Discount for 新客)

終於到男主角試衫
我一直都無當Jerry係我o既陪襯架
所以我決定係MODE或者VA租兩套禮服比佢當日著

明明我約左2點鐘上去試衫
一直我都係同Jerry講2點鐘要到MODE
但唔知做乜我訓醒後完全記錯晒囉，以為自己約左2點半
然後約2點3左右先突然醒起.........咦...我好似約左2點鐘喎
但果時已經冇計啦，唯有行快兩步
最衰今日Keep住落大雨，搞到我地行得唔快.....(冇得切線 XDDD)
我差唔多2點45分先到達MODE
一入門口我立即道歉話比佢地知我記錯時間
咁佢地就立即放低D相簿比我地睇下
然後就打比下一位客人睇下會唔會遲少少到
希望可以幫Jerry試衫

今日招呼我地o既Allen最後都話盡快幫我地揀衫
希望唔會太影響下一位客人
真係唔該晒佢呀
其實上去前我已經有心水，諗定幾款比Jerry試
我講完我o既要求後，Allen就馬上拎恤衫西褲比Jerry換
第一件禮服，就係我強烈要求一定要先試的英式燕尾
嘩)))))))) 估唔到Jerry真係著得好好睇 (*0* 立即流露出傾慕o既眼光)
Allen話因為Jerry個體格較橫，所以"long"得起套衫
第二件禮服就試左日式燕尾
呢件都著得Jerry好slim
但感覺就普通少少，我都係覺得佢著第一套最好
第三件禮服就試左一套香檳金平腳
件西裝仲係新架，d袋同個尾都未開
估唔到又唔錯喎

所以依家我都係join左租2套o既plan
因為我落單時間距離婚期超過半年，所以有9折優惠
依家連埋其他配件約3千蚊左右
今日就揀左兩套衫，婚期前兩個月可以再去揀多次 (係無收費的)
另外，MODE依家仲有多一個promotion
就係舊客介紹新客的話
每人都可以全單減一佰蚊 (但要我比我張優惠卡拎埋去落單先得)

由於已完成婚禮, 我張優惠卡已經被收了
各位可以係yahoo blog 搵其他blogger幫手 ^^

試粧 @ 化粧間Yomi

一決定結婚，已經諗住搵Yomi幫手架o勒
本來都冇諗住咁快book佢
但我個fd話，既然係決定左就唔好等
一陣佢無期就麻煩啦
所以我上年年中已經叫Yomi幫我hold左個期
如果唔係朋友問我幾時試粧
我都未動身去搵Yomi呀
好開心，佢肯收返我舊價 (幾年前佢收我個fd o既價錢)
不過唔同o既係我要用高清槍上粧
所以會加返少少錢

估唔到用高清槍上粉
感覺係咁得意架
個感覺就好似噴d空氣上面
上完粉後望落去就好似無毛孔咁
而且好輕好貼
Yomi幫我set左四個頭比我做reference

第一個set褂頭，由於我特別少少
所以叫Yomi幫我set左呢個玫瑰頭
出黎個效果的確唔錯
但Yomi話我頭髮太過黑，所以個效果唔算特出
所以叫我到時要染啡紅色就最好

第二個頭，我叫Yomi是但幫我set
因為我真係咩款o既髮型都試過晒咁滯

第三個頭，係我個fd叫Yomi set o既
但我唔多鐘意，Yomi亦覺得同我唔襯
額頭上o既美人啄好明顯，有d怪囉

最後一個，係我要求的
因為我都好想當晚set返一個短髮
Yomi set呢個短髮比我係3v set果個更加貼
望落冇咁大個頭 XDDDDDDDD

試完後就落埋訂.....差唔多完成果時Jerry黎左
睇左我d相後講左句........乜化粧前後真係分別咁大架
激死我 XDDDDDDDDDD

新裝後的皇廷

因為約左試粧o既時間未到
所以抽左少少時間行去新世皇廷
影一影佢地新裝後o既樣
最大變化係個入口reception
因為新裝後入口闊左好多
令到個reception大左....千秋都可以放埋係呢邊
到時我可以係reception放多d野啦

其他o既都係裝飾o既改動
好開心佢地依家o既主色係我同Jerry都好鐘意o既紫色
同埋換走左我唔鐘意o既桃花變成金銀色o既葉
其實我包全場，到時會有三個禮堂比我用
咁我當然唔會用晒啦
可惜尋日因為冇婚禮，佢地冇搭到個主禮堂出黎
所以影唔到

另外我都有再望一望佢地d帖 (其實都睇過兩次架o勒)
黎黎去去我都未揀到
只有幾張可以諗下
所以我出去印o既機會都幾大