年資

今日突然係度諗...我究竟寫左幾耐blog呢
原來都已經有差唔多6年o勒
點解會開始寫
好記得果時有個追我o既男仔
專登開個blog黎寫低一d同我相處o既事
然後send比我睇
我見幾得意，而且我又鐘意寫日記o既
無耐...我都加入左blogger行列o勒
哈....我以前寫blog冇比朋友知架，因為我寫blog只為忬發
冇諗過會有人回應，遇然一兩個回應都比到我繼續寫o既動力
我都轉過好幾個寫blog o既地方
轉轉折折黎到yahoo blog
我諗係呢度都寫左4年有多o勒 (因為我記得未同Jerry拍拖前已經係度)
想不到我個blog開始轉做wedding blog後
比我識到好多朋友
雖然大部份都未見過，但都好似好熟識咁
我會繼續寫，結婚、旅行、生仔.........etc
希望到時候仲會見到大家 ^^

DIY 時間

又黎DIY時間啦~~
我知好多blogger都想為自己o既婚禮做多一點
所以我都係度分享一下我係網上面搵返黎幾有用o既網站

MS Office - Wedding Templates Collection
估唔到MS office都有wedding template，除此之外，仲有好多其他有用o既template
所以強烈建議所以save起呢個網站
Wedding Help
呢個網站裡面有大部份o既template都幾好用
全部都係d人自己做好左之後，再分享出黎架

The Knot
呢個網站除左有template比大家下載黎用之外
仲有教大家點樣去DIY一d特別o既野去美化你o既婚宴架

Jody Prouse
呢個網站有好多免費template比大家下載黎用

好o勒~~~post住咁多先，等我又講下我今次整左d乜
第一樣係Save the date card
其實我冇諗過會自己落手整請帖之類
但見其他blogger整得咁靚
又手痕整返張
不過係好簡單架咋
主要諗住係Facebook用........(create event 邀請人出席婚宴)
XDDDDDDDDDDDDDDDDDDDDDDDD
都話我無聊架啦

另一樣就比較實際少少少少
就係檯號卡
我真係左諗右諗，都諗唔到點整先好
最後整左樣咁o既野出黎 XDDDDDDDDDDDDDD
未知係咪final version
但已經比我之前o既idea略為好少少啦 (由於係word file, 用print screen出黎resolution冇咁好，請見諒)
哈....岩岩發現下圖有d 箭咀show左出黎 XDDDDDDDD
由於係print screen...請大家多多包涵

過大禮日子 ^^

又黎update下進度先
其實都唔係做多左好多野
首先係租左褂
然後就係confirm埋過大禮o既日子
最後又係DIY左少少野

過大禮日子
7月17日 (農曆六月初六)
宜: 祭祀、求財、簽約、嫁娶、訂盟 (黃曆資料)
最適合時宜: 申時 (15:00)、酉時 (17:00)
嘻...下面呢張日曆係豆豆B幫我影架

仲有兩個幾月就到啦~~~開始準備定d野了 ^^

1) 帖盒 (禮金盒) - 奇華送，己取
    1. 禮金2封
    2. 利是各2封 (代表海味、三牲、椰子) *封面需註明代表事項
    3. 扁柏、紅頭繩各2份
    4. 男女家對聯各1對
    5. 龍鳳燭2對
    **盒內撒蓮子、百合、紅棗

2) 禮餅盒 - 借用奇華禮餅盒 (按金: HK$800)
    1. 唐餅 (8-16個)
    2. 龍鳳餅2對 
    3. 西、唐餅卡

3) 包羅萬有利是2封
4) 酒4支
5) 生果籃2個
6) 四京五穀2份 (合桃，荔枝乾，龍眼乾，花生，蓮子，百合，紅棗，紅豆，綠豆)
7) 茶葉2罐
8) 金器 (如有)
9) 乳豬 (非必要，因酒樓送果隻太細，所以用黎過大禮)

女家回禮 (回所有禮品的一半)
1) 禮金1封
2) 包羅萬有利是1封
3) 茶葉1罐
4) 生果籃1個
5) 四京五穀1份
6) 酒2支

另外
7) 利是2封，註明"五代同堂" 及 "百子千孫"
8) 女婿金 (可用利是代替，註明"衣料金")
    長褲(長命富貴)、銀包(內置利是)、皮帶(腰纏萬貫)、襪(甜甜蜜蜜)、皮鞋(同偕到老)
9) 茶禮禮封1個

其實唔知齊唔齊，因為拎返黎o既資料份份o既過大禮物品都有分別，我都係綜合咁多個資料得出以上個list咋 XDDDD
不過有個包羅萬有利是封就萬無一失o勒卦

奇華都有篇講中式禮儀o既細節架
大家可以參考下: http://www.kee-wah.com.hk/public/ct.pdf

頭痕啦 @@

同Jerry商量完之後
初步都決定去歐洲honeymoon
而且佢仲想係big day後一兩日出發 @口@
真係頭都痕o勒, 因為真係要著手plan o勒
收工第一時間去旅行社拎d單張做下參考
返到屋企食飽就馬上上網周圍睇
依家我仲好似一頭霧水咁.....毫無頭緒
應該點行會比較順路?? 英超賽程幾時出呀??
Jerry又要過左probation先可以請假....(7月先到囉)
咁我究竟搞唔搞得成個trip呀.....有冇人去過歐洲
可以幫下我呀 T__________T"
我主要想去以下地方
英國: London, Manchester & Oxford
法國: Paris
瑞士: Geneve & Zurich

HELP!!!!!!!!!!!!!!!!!!!!!!!!!!!!!!!!!!!!!!!!!!

令人期待的Honeymoon有阻滯?!?!?!?

由決定結婚果一刻開始
已經諗好左會去歐洲 (英國、法國同埋瑞士) 渡蜜月
完全唔係因為覺得去歐洲浪漫過人
而係好想好想去一次Manchester朝聖
入奧脫福睇一次精采o既球賽
淨係諗起都已經好開心好期待
再加上姑姐住係瑞士，帶老公去探下佢嘛
但籌備結婚o既期間已經太多野要處理
實在唔想係婚前再抽d時間出黎安排行程
所以原先諗住11年頭先去啦
尋晚未來99同我地講佢5月會去蘇梅
又挑起我想去旅行o既衝動
立即同Jerry講，不如婚後先去一個短trip relax
之後再去歐洲正式渡蜜月啦
點知Jerry同我講........
佢依家呢份新工好難請長假架，除非結婚啦
要放仲要一次過放，最好唔好分開放
Oh my god))))))))))))
咁點算好呀，有少少失預算啦
因為真係諗住遲d先計劃
依家咁o既情況，係咪真係要焗我開始決定蜜月地點
如果真係要我婚後立即動身去旅行
咁鬼攰，我怕我享受唔到旅程o既樂趣囉
咁我係咪要改變初衷，唔應該去歐洲呢~~~~
我尋晚都叫Jerry睇下到時可唔可以申請到遲少少先放大假去旅行
如果得就唔洗我咁頭痕啦
God Bless Me !!!!!

過大禮用禮餅盒

見咁多姊妹原來唔知奇華有得送禮金盒
我估可能都有D姊妹唔知奇華仲可以借過大禮用o既盒
古時過大禮都會有一個禮餅盒入住d餅拎過去女家o既
禮餅盒內要放以下物品

龍鳳餅一對
唐餅數個（約八個）
龍鳳燭一對
對聯一幅
餅卡

只要你係過大禮前預早一個星期
向附近o既奇華分店查詢借用就可以了
以下兩款都係奇華o既禮餅盒
唔知依家佢地借邊款比新人用架呢 ^^

圖 copy from somewhere

KO 裙褂 - 錦發 ^^

終於同媽咪去左睇裙褂啦
原本Jerry唔肯陪我出架，佢話無聊喎
咁我都想問下佢意見架嘛
佢終於敵不過我o既可憐o既聲音
一齊去睇褂啦 XDDDDDDDDDDDDD
由於之前同Jerry探過路
亦都收集過其他JM o既意見
其實已經鎖定目標，想係永隆租褂架o勒
但無理由淨係去一間睇架嘛，所以我地就去左錦發先
去到起碼有3個女仔試緊褂
咁我唯有耐心等候啦
點知原來我媽咪已經同個老闆講佢想睇d咩褂
等其中一大班人走左之後就開始到我試o勒
之前細妹著過果件褂係有金銀線加珠片的
所以媽咪都想睇下呢款褂

我係錦發共試左三套褂之後
問埋價錢就同老闆講想行多陣先返
但當時已經有心頭好架o勒

哈哈.....唔好介意我頭髮蓬鬆 XDDD
左1: 金銀線中五福, 波浪腳
左2: 金銀線 + 水晶珠片, 波浪腳
左3: 金銀線 + 水晶珠片, 波浪腳
左4: 淨水晶珠片, 波浪腳 (呢件係返轉頭再試o既)

行到去永隆
又再要求老闆拎d金銀線加珠片o既款式出黎
我係美華就試左3套

左1: 金銀線 + 水晶珠片, 平腳
中: 金銀線 + 水晶珠片, 波浪腳
左3: 淨水晶珠片, 波浪腳

但我係美華揀唔到心水，所以決定返轉頭租之前睇中果套
哈....入到去叫老闆拎多套淨水晶比我試下啦
嘩!!!! 好彩再試咋!!!!!!
錦發呢套淨水晶好閃，好搶眼
我又鐘意套褂o既地較紅，真係一流
其實原先我睇中左2果套架
咁我就不斷咁諗應該揀邊套啦，媽咪都覺得呢2套都唔錯
再問下老闆意見，佢認為現場睇，一定係最後果套搶眼同埋靚
但上鏡計，就應該左2果套好d
幾經爭扎之後，終於決定要現場搶眼果套
因為我地都認為依家用傻瓜機影出黎效果可能淨水晶褂冇咁出啫
但到當日攝影師d機影出黎效果應該會好d
好開心，咁就confirm左我出門o既裙褂啦
等我post張大d o既相出黎比大家睇清楚個款啦 ^^

其實錦發同永隆d褂都好新淨，價錢又相宜喎 (仲可以講少少價添)
我試咁多套，每套大約都係500-700內有交易
呢2間都聲稱會封褂o既 (意思即係你hold左之後就唔會再租比人)
雖然唔知佢地係咪真係會咁做
但聽落真係唔錯....而且佢地又專係做褂o既
始終d褂係靚過係租婚紗禮服o既地方o既

錦發地址: 旺角上海街523號 (朗豪坊停車場斜對面)

後話.....其實途中我都有問過Jerry o既意見
但佢既然答我，我覺得套套差唔多，睇唔出有咩分別 XDDDDDDDDD
我諗男人都係咁架o勒...哈哈

小發現

今日係度點算緊自己買漏d咩結婚用品時
發現原來過大禮都要用個"禮金盒"入住部份野架
諗住叫聽日返深圳o既朋友買埋啦
點知原來幫襯奇華買餅卡
奇華會送個禮金盒架
仲幾靚添
我仲立即打去奇華問清楚
點樣可以拎到個盒
奇華職員答只要手持單據就可以去是但一間分行
就可以免費拎一個禮金盒
哈....咁又慳左少少少少錢啦 ^^

圖copy from somewhere

由於有唔少朋友仔問禮金盒o既用途
我就略略講解一下

禮金錦盒禮品係放以下物品
1. 禮金
2. 利是
3. 金器 (如適用)
4. 扁柏、紅頭繩
5. 對聯、龍鳳燭
6. 禮品目錄
**記得係盒內撒蓮子、百合、紅棗

利是係代表下面呢幾樣野
海味： 二封；利是代替，封面註明「海味」
三牲： 二封；利是代替，封面註明「三牲」
椰子： 二對；利是代替

DIY - Wedding Logo

又黎DIY時間啦
其實會陸陸續續share我o既DIY作品出黎
小女子冇乜藝術細胞，整得唔靚唔好笑我喎

其實想開始整Table Card架
以前做event果時，自己set up左好多template
明明記得離職後都keep住d template
諗住第時實有用
但唔知係咪之前換電腦果陣唔記得save返起
所以冇晒，依家要由頭再做過囉 ~>.<~
上網搵資料
發現有software整logo
自己手痕整左一個好簡單o既

 

 <<< 新整架，大家覺得邊個好d呀?

大家有興趣都可以download個software o既試用黎玩下

Create Your Own Logo with Logo Creation Software or Online Logo Template
http://www.logosmartz.com/
* 試用版好似可以login 30次，裡面已經有好多template比你地揀，另外你又可以自己重新整一個都得，但做好o既logo唔可以public出黎，我係print screen後再貼係"小畫家"再編輯

另一個website
Logo Design DIY Do It Yourself Logo Design Free Logo Design
http://www.logoyes.com
* 我冇試用過，所以唔知有咩唔同

被人盜用相片及文章

我一心諗住分享籌備婚禮的點點滴滴
可以為其他準新人帶多一點資訊
但想不到被人盜用左我o既文章同相片
去招攬其他新人搵佢做介紹人去join 3V囉
好嬲........
令我係度諗我係咪真係要下手私友化呢
還有，希望其他經hk discuss某人個post黎到我blog o既人
唔好受騙
我會將3V相片私友化
如果大家真係想睇，我會ADD你地

我已經一路ADD返D blog友們，因為太多我怕會漏，所以如果我忘記ADD你唔好見怪 ^^

筍崗遊again~

原先岩岩果個星期日陪朋友去3V試衫，幫下眼啦
點知朋友大病，爭D要入廠咁滯
仲要改埋拍攝日期添~~ so sad
依家要等到六月頭先有得影
都冇辦法啦，病住咁去影都唔會影得靚
希望佢早日康復啦 ^^

返深圳除左諗住陪朋友，另一個節目就係去筍崗Shopping o勒
上年年中去過一次探路
再加上係網上面不斷搜集資料
因此，大約要買d乜，d物品大約幾多錢都已經心中有數了
Jerry o既朋友仲陪埋我地一齊去添
由3V附近o既金光華 (哈哈~~佢地係果頭篤左一陣波)上的士
去到筍崗落車連RMB2附加費，RMB20
(好搞笑，家陣D紅色的士要加RMB2附加費架喎，但街上面我只見到紅色的士，無見過其他色囉)
一去到第一時間去"筍崗文具玩具禮品批發市場" 2樓o既鵬鵬進發
去到已經有3對新人係度買緊野
我就立即拎我本筆記出黎，然後掃掃掃o勒
呵呵~~我仲比另一對新人話我功課做得好充足添
佢都係跟住我個清單去執 XDDDDDDDDDDDDDDDDDD
但呢度買唔晒我所需o既野，所以購物完畢後就向第二間舖頭進發
就係位於"百合隆文具工藝品批發市場"地下o既立興o勒
之前探路已經係呢度買左少少利是封架o勒
依家就買埋其他所需品
係咁執執執~~一路執一路同佢講價
有d佢開價比我research o既貴，我仲拎本簿比佢睇添話佢做乜收貴我
哈哈....好似惡婆咁
最後都滿載而歸啦，Jerry都問左我買齊未架o勒
但搭車返到家先諗起d "囍" 字貼好似唔多夠
唯有要麻煩將會去筍崗o既姊妹們啦
之後又去左"大漁"食晚餐........嘩.....呢兩日我又"小肥羊" 又"大漁"
我諗我又增左磅lu~~~~~~~

以下係我買o既所有野o既價錢，希望幫到大家啦

from 鵬鵬
1)         囍字串                   @RMB5 /包 (2條)
2)     囍字 (中)               @RMB5 /個
3)         絨面囍字貼 (中)   @RMB8 /個
4)         男女對聯               @RMB9 /對
5)         包羅萬有利是封   @RMB2 /個
6)         禮金大利是封       @RMB2 /個
7)         囍字紙杯               @RMB4 /條 (50個)
8)         跪地cushion          @RMB28/對 (連芯)
9)         上頭用拖鞋           @RMB10 /對
10)     啤牌                       @RMB2 /副

鵬鵬我共用左RMB117

from 立興
1)          敬茶茶具              @RMB45-60 /套  *我果set RMB60
2)         衣食碗                  @RMB42-50 /套  *我果set RMB50
3)         龍鳳筷子              @RMB8 /2對
4)         男女上頭用品      @RMB10 /份; @RMB18 /份 (豪華版)        
5)         回禮利是封 (細)  @RMB1.5 /包 (12個)
6)         利是封 (中)          @RMB8 /包 (50個)
7)        利是封 (大)           @RMB1.5 /包 (6個)
8)        上頭用睡衣           @RMB45 /件 (女); RMB55/ 件 (男)
9)          紅傘 (大)            @RMB20 /把
10)      囍字 (細)              @RMB3 /4個
11)   褂鞋                  @RMB32 /對
12)  花車裝飾            @RMB4 /包 (10條)

哈....講到盡再多送3包大利是封，立興我共用左RMB338 (叫做好意頭平左少少咋)

因唔想搬黎搬去，所以將男家用o既都拎左過去
冇得一次過大堆頭咁影

放係我家o既比較大堆頭

呢套就係我o既敬茶茶具同衣食碗
呵呵~~我就係鐘意佢傳統得黎又唔老土....手工幾靚架

「旅遊好寫得」遊記

哈哈~~之前都叫做學過下人寫遊記
咁岩新城搞左個活動比人參加
我又學人參加一份
仲可以投票添....又係拉票o既時候
http://www.metroradio.com.hk/997/Travel/Blog/BlogDetail.aspx?ProgramID=cb1f218b-dd1d-4465-ac59-e5f16b54b403

悠長假期

連續放左5日假，話長唔長，話短都唔短
今個假期都冇計劃到會去玩
但節目都排到密密麻麻
全部都離不開飲飲食食
星期四晚已經開始玩啦
去左朋友家食大餐飲紅酒
星期五就去埋姨甥仔一歲生日會
足足60人出席呀
好多人送禮物比佢
佢開心時，佢亞媽就仲開心
星期六同屋企人去拜山同飲茶
之後就陪Jerry同埋佢o既屋企人去東涌行outlet
之後係Essence食buffet
食物不過不失啦，都保持到水準
而咁o既價錢黎話算係咁
食完buffet立即返屋企睇錄影，紅魔與車仔大戰
可惜，愛隊輸左係球越位球上
無計......
星期日終於都休息一下啦
兩個都訓到晏一晏先起身，食飽無耐又訓過 XDDDDDDDD
好快就到左星期一
起身梳洗後就同Jerry屋企人飲茶
之後就出去荃灣買WII 配件
返到屋企放低野又趕住出去BBQ啦
哇~~~好多人囉，成場都係人
咁又玩左幾個鐘lu~~返到屋企喪玩WII，玩到成四點先捨得訓
淨返最後一日假，我拎左黎執屋
全家人都有節目出晒去，咁我就可以靜靜咁執好屋企
真係好怕混亂，自從表妹過左黎同我住就成屋都係野 @口@
我足足用左5個鐘先執好
希望唔好咁快就比佢搞亂啦
咁就冇左我o既假期lu

呢個假期，我少少wedding都冇搞過架 XDDDDDDDDDD

WII Fit & Resort

任天堂一出WII果時
我地立即買左一部返家玩
但玩唔夠幾個月就已經無玩lu
梗係啦，放係Jerry屋企，佢屋企人晚晚都要睇電視架嘛
佢自己又成日掛住打online game喎
邊有時間同我玩呀
之前已經話第時搬出黎買返個平衡板返黎玩WII Fit架o勒
加上近期個個都大玩WII Resort喎
搞到我心思思，決定搬返部WII返我屋企
等我有時間就玩
2年無玩過部機，果然唔係話用就用
好彩拎埋部機出去買配件咋
立即update埋，買左2個game、2個動感強化器、1塊平衡板
噢，咁又用左我成千蚊咁滯
不過拎到返去，個個都爭住玩
不知玩得幾開心
但.....唔知我又玩得幾耐呢 XDDDDDDDD
希望唔好令部機再荒廢啦.......有時間做多D瑜珈先得 ^^