住宿：筑翫私房湯泉
交通：包車 (桃園機場 > 宜蘭)
今次係我第一次帶芯芯去旅行
本來計劃只係一家四口
最後，我地仲帶埋公公、婆婆、奶奶一齊去
一行5大2小之小小家庭遊等左大半年終於出發啦
玩到盡嘅我揀左最早航班
去到機場Check in 後就去食早餐
早一日幫大家做online check-in，發現長榮唔比我地一家做online
唯有做左其他嘅先啦
唔知係咪因為我地有BB呢
可能太早起身啦
芯芯未上機前已經訓左
朗朗就好精神，上到機繼續食
長榮今年開始，唔再為短途嘅航班提供兒童餐啦
好彩我買飛時已經request左，但回程因為手誤，所以安排唔到
由於今次扶老攜幼，我盡量都安排包車接送
其實都有考慮過自駕遊的
但係唔想老公放假仍然唔可以輕鬆一下
所以我就搵返上次黎台北時認識到嘅司機 - Chris
個零鐘到達桃園機場
入境後，我就去Klook台灣嘅counter拎上網卡同埋wifi蛋
5日上網卡連通話費 + 6日任用wifi只需要 $161
公公婆婆就自行準備左電話卡用
Klook簡單方便，新客戶經朋友介紹仲有$25優惠券添
想獲得優惠可以click：https://www.klook.com/invite/W9B7S
到達入境大樓右邊再右邊就見到領counter
五分鐘完成任務就係對面嘅ATM 禁錢
大家只要係香港申請 "海外使用自動櫃員機提款"
就可以隨時係有"銀聯標誌嘅ATM提取新台幣
就可以隨時係有"銀聯標誌嘅ATM提取新台幣
之後就聯絡司機大佬Chris準備出發
今次我地係坐9人車，芯芯都有舒適嘅car seat坐架
兩個鐘頭唔洗嘅車程就到達宜蘭
第一站我地去玩一個Diy
由於Chris怕公婆 & 奶奶悶
所以就車佢地去"宜蘭發明餅"，等佢地逛下等我地
我地就到"蜡藝彩繪館"玩啦
蜡藝彩繪館資料
開放時間：8：30～17：00 ( 團體 20 人以上請先預約 )
地址：宜蘭縣蘇澳鎮德興六路７號（龍德工業區內）
小朋友超過90cm就需要購買入場券
每位入場NT200，包5個活動
票尾可抵NT100的消費
我覺得好抵玩呀
呢度大約玩個半至兩小時啦
- 彩繪塗鴉
- 造型蜡筆Diy
- 環保多重色蜡筆Diy
- 彩色筆DIY
- 人體彩繪區
之後就去接公婆 & 奶奶去午餐
我地叫Chris帶我地去食海鮮
Chris就車左我地去南方澳 - 富美活海鮮
之後我都諗起呢間係香港都有人推介過的
我係台灣食過兩次海鮮，感覺.........
都係比較喜歡香港嘅烹調方式多D
我地嗌左一個合菜，另外加左大蝦開邊蒸
呢餐大約食左HK$800
由於呢日我地早起身
所以唔想行程太迫
食完晏我地就返去民宿啦
點解會揀呢間民宿呢
就係貪佢夠靜同埋舒適
見朋友住過都大力推介
希望佢地玩完一日可以返去浸下溫泉輕鬆下
不過民宿都幾爆架，我訂果時都只係得返兩間房比我訂咋
唔可以住埋同一棟
分別係
公婆住果間仲有半露天風呂，朗朗見到勁開心呀
民宿入面已經為我地準備晒所以個人用品
大廳又有好多DVD比我地借黎睇
我地休息左一陣先再出去覓食
夜晚，我決定搭火車過去羅東夜市飲飲食食
由民宿行去礁溪火車站大約用12分鐘左右時間
途中會經過湯圍溝溫泉公園，一路行又會經過好多唔同嘅泡腳池
相信呢D就係礁溪嘅特色
去到火車站，買好會經過羅東車站嘅火車票就等上車
估唔到宜蘭唔算話好大，但由礁溪搭火車過去羅東都要十零分鐘時間
落車後再跟google指示行去
好快就到
夜市都幾大幾多野行
有飲、有食、有得行、有得玩....
掃左一陣街後就搵左間小店坐得食野
之後就搭返車回礁溪
回程，因為天夜唔想佢地行
係礁溪火車站門口幫佢地截左架的士
然後我同老公就慢慢行返去民宿
雖然民宿唔算好方便，但真係勝左夠靜
朗朗仲一定要過公婆間房嘅露天風呂浸溫泉
其他相關文章：大小魔怪遊記 - 2017 一家四口宜蘭台北遊
