交通：包一程車 (礁溪 > 宜蘭蘭城晶英酒店)
Google Map路線：是日路線住左兩晚筑翫私房湯泉，滿意嘅
環境清幽，房間夠大
如果係房無野做可以落去大堂租DVD返去睇
我兩個細嘅都有睇卡通片呀
早餐係自助形式，早一晚會問定我地用餐時間
唔怕第二朝全部旅客都堆埋一齊用餐
食飽飽又準備出發
今個旅程嘅重點項目~~~~~蘭城晶英酒店
約左包車送我地一程，去到酒店未夠鐘Check-in
所以我地放低行李就去附近行下
不過接待嘅職員都話，如果我地晏少少返黎仲係未夠鐘
可以游下水先，提我地拎定泳衣，都幾好
上次同老公同朋友黎都影過相啦
但今次唔同，我帶晒兩隻小魔怪黎
不過我大果位，扭晒計，扭扭下仲訓埋
影完相，就行過去幸福轉運站諗住玩下啦
途經一部賣明信片嘅售賣機
就順便寫返兩張卡寄返香港
無記錯，一張卡NT35 (有D特別款會貴D)
已經包含本地或海外郵費
去到幸福轉運站，當時氣溫高達38度
嘩~真係熱到個人都唔想郁
仲話要sir用鋁鐵制造嘅滑梯，仲係諗都唔敢諗呀
所以我地都係hea左陣，話就話hea左陣
但芯芯都已經變左濕水雞仔咁
再行下商店就走啦
本來就順路行埋去正常鮮肉小籠包買野食嘅
點知....當時大約一點佢地已經話賣晒，最快三點
所以想試嘅朋友，下次先留意佢地出爐時間會好D
最後唯有回程去酒店旁嘅新月廣場食lunch
廣場其實有好多選擇
但我地揀左去Mister Donut (宜蘭縣宜蘭巿民權路二段38巷6號(新月廣場))
見到d Donut都開心呀
用悠遊卡買Donut仲有優惠添，記得買之前睇下當時有咩優惠
我仲順便去埋新月廣場嘅7-11拎我係博客來訂嘅書添
只要早2-3日係博客來落定order揀就近嘅便利店收貨就可以
記得袋定護照係身呀，因為全付嘅貨物要用證件提貨
然後就上返去酒店辦Check-in
下一篇就主力講下酒店啦~~
