記得小時候，有一次參觀嘉頓麵包廠嘅活動 但因為自己記錯左時間，錯過左 到依家都仲記住.....因為除左果次機會外 學校都無再搞過其他課外參觀啦 >0< 估唔到，做左媽媽後 有機會同埋亞仔一齊去參觀廠房 XD 今次經六月小兔BB會報名，參觀『Yakult 益力多 』位於大埔工業邨嘅生產廠房 其實申請方法好簡單 係指定時間遞表申請即可，參觀費用全免 但只接受註冊團體及學校申請 詳情可以去佢地網站睇睇 > http://www.yakult.com.hk/visit_factory.htm 訂左旅遊巴入去 沙田出發，大約25分鐘就到達目的地 大家浩浩蕩蕩咁走上去 PR Room 開始聽哥哥介紹益力多 唔講都無留意，原來全部益力多嘅飲日期限都只有1個月 好彩平時都唔會話買好多返家擺架啫 然後大家飲返支益力多 街買果D，我次次都見個底積住一舊舊，要搖暈先飲 但新鮮嘅益力多就唔洗，可以飲到落底無野淨，正!!!!!!!!!!!! 之後就播卡通，等小朋友更多了解益生菌 我發現呢個環節，小朋友們係最最最專心的 最後就一路行去睇佢地嘅實驗室同生產廠房啦 睇住數以萬計以上嘅益力多不停咁生產 朗朗覺得好得意 完成參觀，又點少得掃貨 XD 每款最少要購買10排 我地成班買左每款20排一齊分 真係去到邊都買到野 期待我地媽媽會再搞多啲參觀活動
我不嬲都覺得小朋友係喺遊戲中學習 所以不斷搜羅益智遊戲比朗朗玩 今次呢個玩具，係同學仔媽咪推薦架 - Bingo 呢盒野係深水埗玩具街有售 玩法好簡單 相信大家都有玩過 Bingo 架啦 玩嘅方法有好多種，例如....連成一線、拼出指定圖案、全中等等 朗朗見到份玩具已經好雀躍 一齊準備好就捉住我玩 呢個遊戲可以考佢反應之餘，又等佢學習下生字咁 尋晚我已經玩左4次，爸爸玩左2次了.....hahahaaaaaaaa
自從上次坐 Air Asia 去沙巴，對廉航感覺不錯 加上 Scoot 航空早去凌晨返嘅時間又好吸引 因此今次貪平選擇左佢 係出發前都問過幾位坐過 Scoot 嘅朋友 大家一致對佢嘅評價都係好的 準時、閘口近、座位舒適 坐 TZ221 06:55 起飛 由於無得網上 Check in，所以唯有早兩個鐘即 04:55前到機場 04:30 出門口搭的士，三個字左右到達 去到 Check in 櫃位知道要 delay 2個小時 已經有少少氣餒 不過無計啦，唯有好好食個早餐啦 食完早餐，hea到7點多再走去睇睇有登機櫃位資料時 發現已經 delay 到11:55出發 即係 delay 5小時........天呀 我同朋友都忍唔住，希望搵到地勤人員問下發生緊咩事 問禁區職員先搵到指定櫃位 但當時未有職員係度 我就同其他同航班嘅人交流下 最後，未等到地勤人員我就先回去搵其他人 再同佢地去閘口前嘅長櫈度休息 可憐嘅小朋友被迫要係機場長櫈訓覺 我就當然唔會咁就訓啦 再去睇睇啦，oh my god......果刻直情想爆粗 已經暫時預計 delay到14:55 8個鐘呀！ 期間，我當然同包車 Jason聯絡啦 大家互相 update 大家最新情況 係呢刻，我苦中作樂咁諗起呢個 MV
VIDEO
係度諗.....我係咪都要整返一個????? 最後，重返地勤櫃位見到有職員答緊其他人問題 走前查詢先知航空公司係新加坡果邊嘅系統出現故障 所以遲遲未能起飛 然後傾開計，有位先生同我分享 佢一個月坐4次 Scoot 過新加坡，持續左一段時間 每次都好準時，今次係佢遇到第一次 delay 不禁問，係咪我黑仔呀? 我第一次坐咋 咁岩老公朋友嘅朋友正正就係坐 TZ220 回港 所以之後一直收到比地勤 agent 更快更準的消息 收到地勤 agent 派發每人HK$60餐券後就散去 帶小朋友去 25號閘口嘅 playground玩消磨時間 果頭亦有上網同叉電設備 hea左一輪，見到有大哥哥同大姐姐黎 playground set up 工作坊攤位 太好啦~~~~ 玩完就去返 food court 食晏 等到約2點，終於見到登機閘口資料，個心都定返落黎 預計14:55起飛，大約15:15先開閘口 一個鐘後先正式起飛 去到新加坡樟宜機場已經19:30啦 20:00 順利入境 講真，真係好鬼攰!!!!!!!!!!!!!!!!!!!!!!!!!!!!!!! 會合司機，買個麥當勞餐 又直接由機場出發去新山 一個小時左右到達新山 Traders Hotel 食少少野就休息啦~~第二日仲有好緊湊嘅行程嘛 我覺得今次 delay只係個別例子 問心，我覺得 Scoot 雖然係廉航 但機艙幾舒適，位置同我地坐 CX 嘅相若 機組人員感覺都幾nice，比 Air Asia 更好 所以雖然我今次有一個咁恐怖嘅經歷 但我仍然會推介呢間航空公司比朋友 以下圖片來源：蘋果日報 (2014年5月16日) Blogspot：http://pandacarmen.blogspot.com/2014/10/2014-day-1-8.html http://www.weshare.hk/pandacarmen/articles/4508024 http://blog.she.com/pandarcarmen/2014/10/22/2014-day-1/
