有左經驗，好多野我都無之前咁緊張
雖然芯芯係細b，但可能係第二個嘅關係
好多野佢都好快學識，模仿能力又高
不過點都好，都要比佢開始返下Playgroup嘅
芯芯一月開始就去 The Little Gym上堂
The Little Gym 嘅堂適合4個月嘅BB至12歲嘅小童
芯芯足左一歲，可以開始上 "Parent Child - Birds"
Parent Child嘅課程，係希望BB能夠加強腦部發展、伸展、加強社交等等
第一堂，入到去，芯芯無因為去到陌生嘅環境而喊
但起初見到導師Mr J係有d驚嘅
不過呢樣野我之前都留意到
佢係比較驚陌生人靠近，尤其係男士
但熟落左佢就會好d
45分鐘嘅堂好快就完成
課堂中，父母除左間中協助下小朋友外
其他時間都會比佢地自己發展同探索
但芯芯第一堂就唔係好敢去行獨木槓
雖然由我扶住，但都喊晒口
第二堂，爸爸陪埋我地一齊黎
當然上堂嘅只係我同芯芯啦
可能對環境熟集左
明顯見到佢入到去已經好開心
聽到唱歌會跟住一齊打拍子
唯獨玩快樂傘時驚到喊
但我一抱返佢就冷靜左
其餘時間，芯芯都好享受課堂
呢堂已經大胆左，敢去玩課室內其他設施啦
