搜尋此網誌

2010年5月31日 星期一

伴娘 & 姊妹裙

做左資料搜集咁耐
又行過咁多次百利
始終都要落實係邊一間度造姊妹裙架o勒
了結多件事嘛
之前聽Jenny講
,話Joy Marry (CI姊妹裙公司) d質料比較好
所以都又再去睇下
但表妹同姑仔都睇唔岩心水
之後去新開o既MES bridal
都係睇唔岩
最後就去我之前都提過o既POP Corners 

一去到發現都有幾多款式
有幾個款我自己都幾鐘意
我仲揀左一件我最鐘意o既款叫表妹試
唔試由自何,一試表妹就愛上啦
其他都唔話唔洗再試喎


其實呢間唔算係度身訂造架
我地先揀款,再試岩Size後
佢地會訂造一件新o既返黎
大約3個星期可以取貨
如果之後要fit身,可以 + HK$60改
其實到時拎出去改可能都唔洗呢個價錢
但表妹著呢件岩岩好,如果佢身型冇變應該冇乜問題


* 呢件裙前面好似袋果D紗到時唔係咁樣架,個sales話之前間廠造得唔好,應該會貼服d架


最終我落訂confirm買走3件
留返一件比細妹同埋細表妹自己去揀
店舖資料 ^^
大家上去前最好比個電話佢地
因為佢地有時會出左去幫人化粧
打個電話就唔怕摸門釘



姑仔係上面間舖頭都係揀唔到心水
最後就同佢去左2/F呢間

度身訂造一條裙
條裙個色同埋質料都好特別架
不過我冇影到相
呢條裙貴少少,訂造連一次fitting HK$340


主婚人禮服confirmed @ Charming Image

媽咪同99都好忙架,成日有街去
終於可以約到一齊去揀晚裝啦
當我同其他人講我會帶媽咪同99一齊去試衫
大家第一個反應就係話我咁大膽
唔怕佢地爭衫咩
其實原先我都有諗過呢個問題
如果真係分先後,我當然想同媽咪揀先啦
但到時99覺得我媽d衫靚d
佢又唔開心就唔好
加上媽咪同99都係易相處o既人
又見好幾次面
所以最後都決定一齊去
哈~~今次陣容真係強勁呀
由於老公要返深圳做野,佢冇得黎一齊幫眼
所以99叫埋姨媽同細姨一齊再加埋姑仔
我就叫埋表妹一齊出黎
一行7人先去飲茶,然後就落去目的地方進發


去到Charming Image主婚人禮服舖前
已經好多人企左係度等入去揀衫
我心諗死啦~~唔知會唔會冇位比我地去揀
我仲好老定咁冇約到時間
但我第一時間就過去主舖搵人幫手
今次又係嘉琪幫我
佢幫我搵返我張單出黎然後拎過去比佢另一位同事
待佢服務完依家呢位就幫我地手

咁我就叫媽咪同99睇定d款先
99果邊好快就揀左幾個款
咁岩佢果邊又有個試身間多出來
所以99先試
由於99瘦身成功,所以大部份禮服都著得到
但因為瘦左,反而"long"唔起某d款式
原本佢好想揀2套完全唔同款式o既禮服
但試左大部份最靚都係著旗袍款式
所以就揀左呢2套o勒


由於唔知媽咪同99想唔想佢地o既樣貌公諸於世
所以用Kitty代替佢兩位出鏡 ^^



等左咁耐終於都到我媽咪啦
我一早幫佢keep起左一部份衫
等佢地check好左檔期後
又開始一輪試衫啦
媽咪原先想揀金色同埋豆沙紅架
但點知試上身都唔係咁岩心水
最後就叫CI o既職員推介
估唔到佢揀左件粉橙色o既禮服幾好喎
仲已經連埋件褸仔添
後面好靚,媽咪好鐘意


之後媽咪轉目標想搵件銀灰色
好彩CI職員提一提
媽咪同99最好唔好撞色
一係就要夾一夾d出場次序
所以我媽咪話寧願揀第二隻色o勒
最後媽咪揀左我最鐘意o既西式紫色禮服送客時著
呢隻色我覺得幾grand架
希望到時媽咪瘦身成功會著得再好睇d啦


2010年5月30日 星期日

嫁妝

之前係咁依講過下過大禮
今次就講下嫁妝啦
哈哈......因為呢輪不斷去選購嫁粧嘛


收過大禮後
女家需要將嫁妝於最少結婚之前一天送到男家
古時嫁妝為財富與身份之象徵
廣東人較喜愛月「樟木槓」,耐久堅固,既實用,亦好意頭
嫁妝除珍貴的珠寶首飾外,主要是一些象徵好兆頭的東西
嫁妝包括以下項目


蝴蝶雙飛         剪刀
子孫桶            痰盂 (可用紅膠桶 / 迷你擺設代替)
良田萬頃         尺
甜甜蜜蜜         片糖
腰纏萬貫         銀包皮帶
花開富貴         花瓶
同偕到老         銅盆 (可用紅膠盆代替) 及鞋
有衣食            龍鳳被、床單及枕頭一對 
                      用紅繩綑著的筷子及碗 (即衣食碗及龍鳳筷子)
豐衣足食         72套衣服,用扁柏、蓮子、龍眼及利是伴著
大箱                紅色喼或旅行袋
小箱                首飾箱


如果想簡化的話,都可以用利是代替
係利是上面寫返代替項目就可以了
唔洗一次過搬齊所有嫁妝至男家
但最好在結婚正日前完成即可


2010年5月29日 星期六

好有緣呀 ^^

真係估唔到我同某對couple咁有緣架
首先係我yahoo blog同準新娘有交流
然後再係esd 3V topic內識埋佢老公
到後來知道我地將會係同一日到3V影相
我已經好驚喜架o勒
仲記得我地影相當日因為天氣唔好
淨返我地2對冇取消拍攝
我地就好似相依為命咁
一齊加多一個package去世窗影
一齊祈求影相時祈求天氣唔好再變差
哈哈~~佢地都係Carmen & 跳跳虎啦 ^^
估唔到我地o既緣份仲未完喎

另外我想提o既係blog+esd友..............Cammy
我同Cammy都識左好耐架o勒
我地仲約埋7月尾一齊去3V影單人照添
而且仲成日交流好多籌備婚禮o既事情
但一直都未有機會見面

今日我地終於有機會碰面啦
因為我約左同佢上一上MODE (我借卡比佢去Chop印 ^^)
差唔到約定時間Cammy就打比我啦
我就叫Cammy唔係係條街等我啦
叫佢上去先
然後佢都同我講佢約左朋友所以都會上去先
咁我就立即由酒樓行去約定地點
一去到MODE,第一時間同Cammy打個招呼先
哈哈...然後我就八一八正在試衫的一對couple啦
點知.........原來佢地就係我先前提過的Carmen & 跳跳虎
超級興奮呀
我立即雞啄唔斷咁同佢兩個傾計
仲冷落左Cammy添
傾左一陣後見留意到Cammy o既dad & mum原來都係度
所以同佢地打埋招呼後
我就要返酒樓接返媽咪同99
準備係試衫啦


估唔到我再由酒樓行去不利期間
又撞多佢兩個一次
真係有緣
哈哈~~~~~~


2010年5月28日 星期五

嫁妝 - 旅行喼 (大箱)

嫁期愈近
真係愈買愈多野啦
今日媽咪襯一田大減價拿拿去掃下貨啦
嘩~~媽咪超好
買左個Hello Kitty 25"喼比我...
超愛呀 >3<
好開心, 去honeymoon可以用啦

好靚o既紫色


裡面好寬敞架


仲有2個衣架係裡面添


2010年5月27日 星期四

奇華優惠 (27/5-2/6)

睇Blog友Doris o既blog得知
奇華為慶祝新舖開張
又有8折優惠啦
但只限新舖 - 朗豪坊

優惠期: 2010年5月27日~2010年6月2日
銷售點: 朗豪坊地庫2層39號舖
價惠項目: 任何奇華產品或嫁喜餅卡


各位未買奇華o既姊妹們
又多一個機會去買o勒
唔洗專登入會展呀嘛
我post埋奇華餅卡o既類別
等大家可以預計下買邊一款

金盈喜
原價HK$48
8折後HK$38.4

金雅喜
原價HK$62
8折後HK$49.6

金緣喜
原價HK$102
8折後HK$81.6


金御喜
原價HK$262
8折後HK$209.6


大家可以去奇華呢個網址:http://www.kee-wah.com.hk/public/wed-price.pdf
睇下每張餅卡可以換邊款禮盒
當然餅卡唔一定換指定禮盒啦
可以換其他產品都冇問題架


2010年5月26日 星期三

入利是

見近期冇咩野好搞
不如入下利是啦
咁我就用左兩晚時間 (當然唔係不停咁入啦)
入左大部份o既利是啦
但我發現我o既利是封唔夠喎
哈哈...睇黎我又要搵日去筍崗掃下貨
再唔係...少少到係金都買鬼左佢好過

好o勒,入利是o既期間
就係度諗利是分配o既問題
由於自己都做過幾次姊妹
都叫有少少概念要封比咩人o既
但我又怕派漏喎
所以決定寫呢篇blog,講下利是分配
有錯漏的話,麻煩各位靚仔靚女更正我


回禮利是: $10 (約250封)  


雙方父母派利是
所有兄弟姊妹及工作人員: $20*2 (20人*2)


兄弟姊妹  (新郎派比兄弟 & 新娘派比姊妹)
伴娘及姊妹: TBC (2人)
兄弟: TBC (7人)
借車兄弟; $50*2 (2人)
開門利是: $1,999-2,388 (TBC)


工作人員
攝影師 $50*2 (3人)
MUA: $50*2 (1人)
司機: $50 (1人)


酒樓
侍應: $10*2 (30人)
厨房: 是否需要?
經理: $50*2 (約3-4人)
散席後貼士: $800-$1000
碗筷回禮: $50*2



另外,我係搵資料o既時候睇到《美心嫁囍專家》的Q&A
post部份我覺得岩用o既Q&A比大家做參考~~


1. 
過大禮駛唔駛我阿爸阿媽(即係老爺奶奶)拎d禮上女家?
2.  在過大禮的利是封上係咪需要寫上下款ga?
3.  過大禮果籃有冇話要幾多款生果?
4.  我同男友響過大禮當日係咪唔見面?
5.  我想問上頭時係咪一定要點著對龍鳳燭?如果我在酒店上頭,可以唔點龍鳳燭嗎?
6.  請問敬茶給長輩最好用乜茶呢?
7.  專家我想問, 婚禮果日派利是畀兄弟姐妹同工作人員, 係要派1封定2封呢?


2010年5月24日 星期一

去歐洲又行近左一步

放低左一輪o既蜜月旅程計劃
因為朋友借左2本旅遊書比我再次啟動
吼住CX d機位情況同埋價錢好耐
今日見到佢冇晒special 機位lu
再試下訂位,又有新價錢.....HK$5,400/位+稅
唔知點解硬係對CX有點情意結
所以都冇諗過考慮其他航空公司
咁拿拿聲打比做Agent o既好友
問佢如果依家訂位要幾時confirm機位啦
由於依家唔係special飛,今日訂
可以等到9月頭先confirm.....
Great~~~~~~~~~~~~~~~~~~~~~~~~~~~~~~~~~~
立即唔理三七廿一
當然訂左位先啦
靚女Yvonne仲比左友情價我添
不過依家d稅真係唔平,要成HK$1,8xx一位
計埋discount,每人約HK$7,000左右
好野 *\^0^/*

My itinerary:












MON 

 

 

20SEP 

 

 

DEP  

 

ARR

HONG KONG INTL 

TERMINAL 1 

LONDON HEATHROW 

TERMINAL 3 

0955   

 

1600 

CX 257

ECONOMY 

CONFIRMED 

NON-STOP 

BOEING 777-300 

13HR 05MIN 

MULTI MEALS 












SUN 

 

 

03OCT 

 

04OCT 

DEP  

 

ARR

LONDON HEATHROW 

TERMINAL 3 

HONG KONG INTL 

TERMINAL 1 

2235   

 

1725 

CX 254

ECONOMY 

CONFIRMED 

NON-STOP 

BOEING 747-400 

11HR 50MIN 

MULTI MEALS


準新娘聚會 @ 22/5

期待很久的準新娘聚會又到啦
今次多左好多新面孔
有d係esd新加入o既,有d係o係我個blog認識o既
我地o既聚會出席人數亦由第一次o既3位 (呢次我都冇去)
第二次o既9位、第三次o既8位
跳升到今次o既13位靚女啦


(上左起) Zoe, Serpia, Carmen, Sharon, Circle, Carrie, Yuki
(下左起) Mei, Jenny, Cecila, Kati, Kalina, Jessica


由於今次咁多人
所以我聽取左Mei o既意見,搵間酒樓可以坐圓枱圍埋一齊傾計
咁我就決定左去我去過的“上樓”
因為之前去呢度食飯都傾到好夜
冇人會趕我地走喎,又免茶芥同加一
本來我訂座時問佢可唔可以坐房架
但佢地話坐房就要食指定套餐,要成2千幾蚊
咁我就話由得佢啦
點知佢地都安排左間房比我地坐
13個女仔傾到停唔到呀 XDDDDDDDDDDDD
今次部份靚女仲傾到成11點幾先捨得走添
其實仲有3個多月就到大家o既婚期啦
所以睇黎下次gathering就會係過晒大家婚期之後lu


另外.......出席左聚會o既靚女,如果未有我fb的話請pm我,等我比返你地呀 ^^
keep contact


2010年5月20日 星期四

婚禮進度 @ 20/5/2010

大日子:                       2010917 ()
過大禮:                    20107月17日 ()
上頭吉時:                2010916
1900-2100
出門地點:                女家

出門吉時:                早上11
入門地點:                男家    
入門吉時:                中午1點前

兄弟團:                    8 
姊妹團:                    8

酒席:                        旺角新世紀廣場7樓皇廷酒家
註冊:                        註冊處 (日期: TBC)
Pre-Wedding
        3V (世界之窗+東部華僑城+空中花園)
(1P+1V+1snapshot)
當日攝影
:              Ivan’s crew
成長片段:                Ivan
佈置:                        酒樓提供    
主花車:                    酒樓提供
   
29
座:                       唔租,兄弟渣車
   
結婚介子:                已買
    
賓客名單:                Jerry朋友名單     

座位表:                    TBC
Rundown
                完成一半                   

結婚蛋糕 (8)      酒樓提供   
烈酒:                        酒樓提供 (2席送1
)   
紅酒:                        Jerry負責

飲品:                        任飲 (4點開始至散席)
席前小食:                酒樓提供,另外會換美心西餅
愛的宣言:                DIY,已完成一半
檯號牌:                    DIY,已完成
簽名布:                    酒樓提供   
簽名筆:                       Fiona
    
Kitty
戒指座:          Fiona  
 
婚紗 (拖尾)           Charming Image,已confirm (可轉款一次)

晚裝 (3)             Charming Image ,已confirm (可轉款一次)

男禮  (11)       MODE,已confirm (可轉款)

男恤衫:                   未買

租掛:                       錦發,水晶珠片褂    
媽咪衫:                   29/5 試衫

奶奶衫:                   29/5 試衫
老豆西裝:               訂造 (未造)
老爺西裝:               未買

晚裝鞋:                      
褂鞋:                          已買 (筍崗),已加工

男禮鞋:                   黑皮鞋 - Clark 白波鞋 – Converse
頭飾:                       MUA提供
   
頭紗:                       MUA / Charming Image提供

Lace
手套:               未
兄弟呔:                   考慮中  
姊妹裙:                   物色中
    
鮮花球+頭花:         Kitman

新郎鮮襟花:          
Kitman 
主婚人 (4)        Kitman 
兄弟姊妹 (16)  Kitman
花車頭公仔:             TBC
花車佈置:                 TBC  
唐餅:                      奇華 (30
)
西餅:                      美心 (200)
請帖:                      酒樓提供 (240)
過大禮用品:          部份物品已買 (筍崗)

雜項 (紅傘, 茶杯)(筍崗)
上頭用品:              已買(筍崗)
 
姊妹禮物:              有構思,未買
當日音樂:              已揀部份歌曲
接新娘遊戲:          己有部份構思


2010年5月19日 星期三

近期看的三套戲

成日掛住搞wedding o既野
好少寫其他野添
wahahahahaha...等我扮下影評人
講下近排睇過o既戲先得
呢一個月內,我總共睇左三套戲
依家本地製作開始有返D質素
的確多左吸引力,令我肯買飛入場睇
我分別睇左黃百鳴o既《葉問2》
同埋彭浩翔o既《志明與春嬌》&《維多利亞臺號》

《葉問2》完全係因為睇左第一集所以先會再入場睇
但真係好失望
首先我不嬲都麻麻地鐘意甄子丹架o勒
唔覺佢演技有幾好,可能葉問原先就係一個感情平淡o既人卦
所以感覺佢冇乜感情起伏,黎黎去去得一個樣
熊黛琳比上一隻更花樽
出場唔係食飯就訓覺 XDDDDDDDDD
好彩多左個黃曉明搞下事先令套戲冇咁悶
不過又係果d橋段,真係拍到爛
又成日見到穿崩,地上最強男人用替身 = ="
真係滴汗
所以....我認為唔值入場睇

然後就係期待的《志明與春嬌》&《維多利亞臺號》
呢2套都係由彭浩翔執導的兩套三級片

《志明與春嬌》......起初唔明點解列為三級
後來先知因為粗口多,所以過唔到關
雖然我唔食煙,但可能身邊有好多人都食啦
所以睇《志明與春嬌》都有d共鳴
而且套戲夠寫實,戲中男女主角所發生o既事
我諗係你身邊都可以見過
最鐘意果part就係講楊千嬅同埋谷祖琳陪另一個fd等net fd
好搞笑....又講得好中喎

最後就係尋晚睇o既《維多利亞臺號》
呢套戲未上畫前已經好多新聞
又話佢有幾血腥、又話佢嚇暈人
套戲又岩岩食正近期大熱話題......樓市
所以我最期待呢套
的確裡面講o既野正正係依家大家都面對o既問題
彭浩翔寫何超儀瘋狂o既地步
的確諗唔到
大量殺人場面,其實都算幾血腥
但要比較的話,我覺得《SAW》咁多集都較恐怖
何超儀殺得興起時,加插一d黑色幽默
唔洗大家長期處於緊張中
呢樣做得幾好
但可惜套戲太短,講何超儀o既內心世界唔夠深入
而且有d犯駁
最血腥果幾幕又cut鬼左
早知我都係度DVD出先睇啦....起碼係足本

總括黎講,彭浩翔2套戲備受好評之原因
都係因為夠寫實
講中大家心裡面果一句
但...咁多套彭浩翔o既戲...我最鐘意始終係《公主復仇記》 ^^


2010年5月18日 星期二

DIY - 愛的宣言咭

DIY停不了呀
尋日收到靚女寄黎o既石,真係超興奮呀
點都要再係度多謝佢
真係可以有排玩啦

lunch又去行文具舖
買左少少材料,決定整愛的宣言咭
其實咭o既構思一早係個腦入面
所以好快就整好左個"殼"
返屋企完成埋裝飾部份
又係度痴痴貼貼
我媽見到都話我做乜咁好心機
我未答,表妹已經代答......通常自己個wedding都係落足心機去搞架啦
呵呵呵.....無錯,之前幫細妹搞果時
我都有幫佢DIY座位表、floor plan、愛的宣言咭等等
但肯定冇依家整得咁有心機囉

好快就完成埋裝飾部份,依家只係爭內頁未貼上去
內頁o既左邊我應該會貼相
右邊就係要Jerry簽返比我o既愛的宣言
我要慢慢諗清楚寫乜野先得 XDDDDDDDDD

正面 (其實同之前個Candy Jar個設計好相似 ^^)


內頁


背面


哈哈...我仲整左個bar code係背面....懶係搞到成個product咁o既款
雖然粗製濫造左d...但我覺得幾得意呀 XD


我見大家對個bar code都好有興趣
邊位jm想要的話留msg比我,等我send email比你地自己整呀 ^^


Bling 上癮?!?!?!?
另外,係製作期間不斷係度諗邊度可以再痴石呢
wahahahahahahaha....我真係short 左
拎埋對褂鞋出黎痴

完成作


2010年5月16日 星期日

物色姊妹禮物

本來想DIY "Will you be my bridesmaids?" Card
送比我每一個姊妹
但諗諗下又覺得比張卡佢地好似冇乜用
所以決定為每個姊妹買份禮物
希望接新娘前可以送比佢地
尋日行街果時都已經諗到幾樣架o勒
但我仲構思緊送咩先係最適合

由於大半姊妹都鐘意Hello Kitty
所以我諗住揀Kitty o既product比佢地
9月o既天氣應該都會幾熱下
所以我有諗過一人買一把Kitty扇
等佢地可以當日用

我暫時睇中呢把,諗住買左返黎後再加工


又或者買Kitty頭電動風扇
但仲未睇中


另外又諗到不如每人送一支M.A.C. Kitty Lipgross
幾靚架
我之前都送過比我表妹
,佢都好鐘意 ^^
而且Lipgross o既顏色都應該適合大家用


仲有我有諗過一人送一隻經我加工o既USB手指
但送呢樣有少少問題
如果送呢樣就可能要婚後先送
因為我想每隻手指裡面save埋我Big day當日o既相
一次過送比佢地

真係苦惱 @@
究竟送咩好d呢
大家有冇好提議呀?!?!?!?!?!?


2010年5月15日 星期六

深水埗尋寶遊

由於Blog友們推介
決定再去深水埗尋下寶
主要係落去德祥買DIY材料

德祥公司
地址: 長沙灣道124至126號德祥大樓地下(球場斜對面)
            (深水埗地鐵B1 出口左轉直行)



好快搵到間舖啦




係門口望入去已經覺得好多野賣o勒
果然如blog友所講
裡面全都係不同類型o既材料
十字繡......花球........人造石........燙石........etc
甚至有個小小角落賣wedding野添
我係裡面流連左一段時間
由於我只係想買野DIY 愛的宣言同埋摺頁相簿
所以唔係買左好多野

整手 / 襟花材料


婚禮用品小角落
50個中紙杯都唔算貴喎
HK$6一條50個,貴筍崗少少咋


羽毛
幼 - 約HK$15/條,粗 - 約HK$15-19/條


呢D係一拉就變花球o既絲帶
最平o既HK$3己經有5個小小花球


好多不同款式o既絲帶



太多物品不能盡錄呀,大家有興趣可以落去睇下

行完德祥,見既然冇咩野做
就係深水埗再行多陣
比我發現到原來福榮街有好多玩具批發舖頭架

由呢個路口向左行 (福榮街60-300那一邊)
差唔多間間都係


估唔到呢度都可以尋到好多寶架
我同Jerry都好鐘意買figure架,下次我實會叫埋佢一齊行
另外,如果大家想買d公仔頭做整名筆
呢度都有唔少舖頭有賣架
之後我就去好耐冇去o既"維記"食返碗豬潤腿蛋麵
再行埋黃金商場先返家
估唔到咁樣就消磨左我一個下午啦 ^^


2010年5月13日 星期四

DIY - Candy Jar 完成品

好彩得Blogger Yonne o既指點
終於知道去邊度買水晶啦
尋晚去到深水埗汝州街一帶
有好幾間專係買呢d裝飾用料o既舖頭
我先走入幾間格下價,原本有諗過買Swarovski架
但諗諗下又覺得唔需要
因為捷克水晶都已經好閃下
所以最後買左2隻唔同顏色o既水晶
分別係白色同埋玫瑰粉紅 ^^
由於我之前未玩過痴石
所以咩工具都冇,當然係佢度買埋啦
每包水晶共有144粒,價錢就由大細黎決定
我買左SS16返去
咁我係度就total用左HK$131 lu
返到屋企仲急不及待馬上要幫個Jar加工添
哈哈~~~第一次痴石,我諗我手工都算係咁卦
因為唔想個Jar太過花,所以唔係痴左好多
淨返落黎d水晶我睇下幾時用得著用鬼埋佢先得


我的工具~~


完成作 (正面)


完成作 (背面)


2010年5月12日 星期三

餅卡大拆家

自己係上年年中已經買左200張美心餅卡
係媽咪搵朋友幫手買o既
之後有朋友問過我可唔可以代勞
當然冇問題啦 ^^
因為依家我妹夫轉左去美心做
所以每次staff sales佢都有200張quota XDDDD
wahahahahaaaaaaa.......
前晚d餅卡返左黎,我媽咪已經幫我點算左一次
岩岩我就係度分好晒d餅卡
準備交返比各位準新娘子
我覺得......我好似一個大拆家呀 XDDDDDDDDDDDD
今次total買左525張 *0*
利害利害~~
下一轉staff sales又唔知等到幾時lu~~


3v靚相大放送 - 華僑城 - 晚裝篇

呢套晚裝係我最鐘意o既顏色
我好期待架, 但出黎效果冇我想像咁好
所以唔係太多揀入相簿





火車呢張都幾好, 但其他果幾張麻麻
所以冇揀






Jerry抱我上去坐架 XDDD
又懶型了






最後一個造型








吹泡泡玩左好耐
我諗比較難捕捉D泡泡卦 XDDD



終於post到最後一篇啦
其實我總共拎左280張soft copy走
我諗HK邊間攝影公司都做唔到呢一個價錢
3V雖然某D地方仲未完善~~~
好似試衫方面, 其實我覺得仲可以做得更好
希望佢地努力改進
繼續為大家提供更好o既服務
再一次多謝咁多位幫過我o既3V職員
你地每一個都好友善 ^^


3v靚相大放送 - 華僑城 - 婚紗篇

到左成輯婚紗照o既重頭..........華僑城
呢日真係天朗氣清,藍天白雲靚到痺
而且呢一個造型亦都係我6個造型裡面我最愛o既一個
所以呢篇我會公諸同好 XDDDDDDD

兩張漏網之魚相
其實好靚,又係唔知點解我冇揀到入相簿






其實不斷翻睇D相
發現D pose好似黎黎去去都咁上下
唔係拖手對望就係回眸一笑咁
有d後悔自己唔擺下其他pose












其實華僑城小木教堂影出黎效果都幾好
但呢兩張我又係冇揀到喎






最愛moody單人照


其他相就私友化左,想睇埋就留msg比我啦 ^^