好耐冇見過小B啦
由照結構到呢日足足一個月啦
每次去覆診都心情開朗
去到診所醫生睇返小B之前o既結構報告後
認為小B發展良好
雖然size比預計o既有少少出入
但都屬於正常o既
而媽媽呢到左呢日已經重左18lbs啦 >0<
肚圍就冇特別增長過...仍然維持係35.5寸 (小B...你吸收多D啦)
由於已經開始買野比小B
所以都係叫醫生睇多次小B o既性別confirm一下
wahahaha...小B果然大個仔左bor
連小小B都比之前大左 XDDDDDDDDDDDDDD
我諗都唔會錯架o勒
之後醫生都周圍再照下小B比我睇
照到佢個咀果時，我仲見到佢咀啜啜咁添
呵呵...醫生幫小B影o既相都係咀嘟嘟架
幾可愛
小B長度大約18.4cm
重691g，即係大約1.52lbs
好啦...你乖啦，媽媽過一個月後再黎睇你呀 ^^
之前未搬定屋
唔敢接收朋友比o既用品同埋唔敢去買野比小B
依家當然冇有怕啦
況且我都6個月了，再遲D先去行
我怕我個肚蘿咁大，我又唔多寧郁呀
加上各大百貨公司又有BB展
真係冇籍口唔去掃貨
有幾位6月媽媽group o既準靚媽
早係我掃貨前去左不同o既地方格價
然後再返黎匯報
方便左我知道究竟邊度可以買最抵o既野
第一個目標地方就係永安百貨啦
原來永安做左好耐final sales架o勒
我去果時都已經差唔多係尾水啦
所以掃到o既bb衫唔算好多 (冇乜初生bb size)
只係買左4件長和尚袍同埋1件短和尚袍
但真係好抵
然後約定老公星期六等我收工之後就去吉之島
好彩有好多朋友比不同o既用品比我
所以我今次去只係買部份雜項
唔好睇少呢d少少野呀
咁都洗左我千五蚊架o勒
不過bb展有特價，加上coupon o既95折
再用埋HSBC o既最紅優惠
真係抵上加抵
跟住我就開始接收朋友o既物品啦
下面呢D就係細妹拎比小B o既野
都有一袋多d架
呢幾件就係好友 PC 比小B o既衫仔
好有型呀
仲有Psyche媽媽送o既pooh set
超靚超可愛
我係M&S買比小B o既英格蘭球衣仔
baba仲讚好靚添，當然啦...baba杯茶喎
呵呵，下面呢d就係我淘返黎o既口水肩啦
真係又抵又靚呀
就係因為我post左呢張相去6月媽咪會度
引至各位靚媽都忍唔住淘埋一份
為左放晒小B 不同o既野
我地仲買左個新4層櫃黎返屋企添
暫時post住咁多先
再有新物品再post過...wahahahahaha
由知道有小B的一刻
我已經問準左Jerry，佢會陪我去影大肚相 \^0^/
依家已經足左24週，都係時間搵定d資料架o勒
其實依家都有好多唔同o既studio幫客人影大肚照
但最多人報名的來來去去都只係幾間
好似FACE、Fab Studio、Studio 123....etc
睇晒佢地o既package，再睇過好多準mama o既blog
發現Studio 123 o既comment唔錯
而且價錢相宜
所以最後決定join Studio 123
我呢d成日想慳得一蚊得一蚊o既C9
又點會錯過任何有機會拎著數o既機會呀
因為我認識o既2011年6月媽媽好多都有興趣去影相
所以我就嘗試group埋多d人一齊報名
然後去同Studio 123 傾
雖然bargin返黎o既offer只係多一個造型
但感覺都硬係著數d咁....haha....C9係咁架啦
佢地個package包埋服裝同化粧造型
岩晒我呢個唔多識化粧o既人啦，去到乜都有人搞掂晒就最好不過
http://studio123.hk/123images/index.html
計返時間，我4月中就32週啦
希望到時個肚會又大又圓又靚靚啦
最緊要...我要唔凸肚臍呀))))))
Hahahahahaha...............................
話咁快就24週啦
仲有大約4個月小B就來臨啦
我真係懶左好多.....有時間都留返黎執屋訓覺
又要努力寫下blog啦
settle左新居o既野後
開始要準備小B o既用品
好彩好多野都有朋友認頭
要添置o既物品都唔算好多
慳返一大筆先
唔知點解我個肚到依家都仲有好明顯咁
有d人估我有左3個月咋 >.<
我依家已經比有左前重左18lbs (我覺得好多囉)
肚圍就35.5寸 (反而肚唔大)
我o既近照
所以到依家搭車都鮮有人讓座比我...仲有人同我爭位添 = =
不過算啦，我都仲未好論盡啫
但我老公就成日覺得我好論盡喎，又叫我咪做咁多家務
驚我整親
又話屋企咁乾淨邊洗日日打掃架
比佢激死....如果唔係得我日日打掃，又邊得黎乾淨呀
好啦...遲d 等我行埋d bb展，再post下我為小B買o既衫仔同埋用品先
為小B揀每一樣野，都真係搞盡腦汁架
呢篇文章係6月mama share出黎架
都想同其他blogger分享一下
一、明治奶粉
日本明治乳及森永乳業多年來至力研業制出最接近母乳的嬰兒奶粉。因此他們于日本全國收集不同的數據，例如收集初乳到一年多的母乳，分析其成分的不同，從而發現母乳中各成分的濃度會隨著泌乳期不同而有所差異。他們以此數據為基礎而研制出最適合嬰兒的母乳奶粉，成份及功能均與母乳極為相似。日本奶粉中相比較而言明治的吃了寶寶更容易長肉並且很結實. 明治二段也有了這種非常之方便的旅行裝。
關于明治奶粉鋅含量偏低的問題：明治奶粉鋅偏低主要體現在2段上，因為日本是漁業大國，出産大量海産品和深海制品，因此除奶粉外很多食品都含鋅，所以我們建議吃2段的寶寶可以奶粉+日本進口輔食混合喂養，在吃奶粉的同時從輔食中攝取鋅，如果覺得麻煩，也可以選擇日本原裝森永奶粉，森永奶粉2段鋅含量高于明治奶粉2段。其實每個國家每種因素都有一個自己的定量標准。打個比方日本奶粉來到中國，用中國的標准日本奶粉鋅含量不達標，那麽中國奶粉去了日本鋅含量就超標。
二、森永奶粉
DHA脂肪酸特高的一種奶粉。森永奶粉在日本同行中比較貴的，但是日本市場講的是一分錢一分貨，否則就會被市場淘汰，該奶粉包含嬰兒成長發育缺乏的鐵、鈣、維生素C和DHA等營養元素。多一種選擇，平衡營養，避免挑食，森永當然不例外。最新的改良配方後上市的産品，配方裏增強了DHA和鐵分的含量，在母乳配方的基礎上改良成初乳配方，並且不含砂糖成份，對寶寶的腦部發育和骨骼成長提供了充足的營養.。森永奶粉的品質，在日本同行業中，一直處于領先地位。該公司研制生産的奶粉，其９０％成分接近母乳。令您的寶寶更健康，更聰明。日本原裝本土森永奶粉–DHA脂肪酸特高的一種奶粉，有助于嬰兒腦部發育。含鈣高，有助于排便，便秘的寶寶吃了可是立竿見影！
三、雪印奶粉
根據日本廠方提供資料，雪印Bean stalk只含椰油，不含棕榈油。Bean Stalk 健康成長奶粉能補充母乳的營養，代替母乳供寶寶飲用。Bean Stalk Snow于1960 年初次在日本舉行了全國規模的母乳調查。于1989 年，考慮到飲食生活的轉變，他們收集了2700 個母乳樣本進行母乳調查，涉及達 180 個項目，並取得各種各樣的調查結果。及後，據各種跟進調查，他們得悉有關母乳的新資訊，而母乳的神秘之處亦得以逐步揭開。據這些調查顯示，母乳包含具預防疾病功能的唾液酸(sialic acid)、有助腦部發育的核酸、有助嬰兒發展腸胃機能的核糖核酸(RNA) 及多胺等原素。Bean Stalk 健康成長奶粉在母乳不足時大派用場，可代替母乳供寶寶飲用。以最新的母乳研究為本，Bean Stalk 健康成長奶粉配合核糖核酸 (RNA)、多胺、核酸、唾液酸(sialic acid)及寡糖等制成，務求達到與母乳成份相同的目標。據聞BB吃了會皮膚白！所以這款奶粉是強烈推薦給小公主們吃的。
四、固力果ICREO奶粉
ICREO是美日合作強調最接近母乳，是日本最好，排名NO.1及最接近母乳的奶粉。口味特好，水溶性非常好！物質和脂肪酸組織非常接近，色、香、味跟母乳非常接近，不用擔心寶寶不接受，母乳不足時，可用作代替母乳給嬰孩飲用。奶粉成份含有主要5種的核甘酸、 DHA、維生素K和β-carotene，益生菌配合，提高寶寶腸道免疫力，不便秘。美國的權威兒科醫生小組開發的 ” SMA牛奶 ” ，經嚴格的質量控制下，極為接近母乳營養，是ICREO優質奶粉的優點。
五、和光堂奶粉
日本和光堂奶粉的配方是根據年齡段調整營養配方，富含維生素 ，礦物質, 特別添加鈣和鐵，幫助寶寶骨骼和牙齒生長，預防貧血。富含亞麻酸和亞油酸，幫助寶寶體內合成DAH,AA.特別調整乳清蛋白，氨基酸平衡，更接近母乳(相當于母乳的13%)（似乎日本奶粉都注重速溶和不上火還有接近母乳，這估計和日本這種高節奏的生活方式相關）。和光堂同時也是以副食見稱，奶粉的價格也是性價比最高的。
各類奶粉的區別和特點：
第一，在營養成分上，其實是相差不多的，就算鈣鐵有一點點出入，但是真正吸收後肯定差別很小。否則作為日本市場內大牌品牌，絕對不可能有哪個在營養上自甘落後。日本奶粉顔色是白偏黃（如果放張白紙在旁邊，看上去就偏黃點），顆粒森永比較膩，明治一般，和光堂比較松滑。
第二，口感方面，明治更清淡些，森永濃香些，比明治甜，特別是第一階段。固力果的口味跟母乳非常接近。
第三, 溶化方面，森永比明治好些，明治容易氣泡！在香港，很多BB都是吃森永和雪印，也頗受明星寶寶們的親睐。在大陸是明治的天下。
第四，沖調方法上森永每40ml水一勺奶粉，明治則是50ml一勺奶粉。
第五，日本的銷售榜是一段明治，二段森永。寶寶腸胃適應的情況下，建議可以兩種互換，營養更加均衡。
第六，自2008年起，明治和森永是每罐850g。自2009年4月中旬起，固力果ICREO奶粉第二段 1000克。另外，明治、森永、固力果有便攜裝，雪印沒有。
第七，在日本國內市場上，價格是固力果最貴，其次是明治，森永，雪印，BEANSTALK，和光堂。
第八，據說明治吃了結實，吃雪印的和固力果BB皮膚會比較白晰。有報料說固力果是日本公主吃的。不過日本的奶粉口碑都不錯。不妨換著試試。總的來說，個人認為男寶寶一段選明治，女寶寶一段選雪印，強調接近母乳選固力果。
年初一，小B已經21W6D啦
我個肚暫時都未算好凸出
又難怪搭車冇人讓我坐o既
一早準備好就出發同BB爺爺嫲嫲去飲茶
之後就去姨媽家拜年
準備派利是啦
好彩屋企傳統結左婚長輩都會派利是比後輩啫
咁都冇咁傷嘛 XDDD
雖然小B未正式同大家見面
但好多長輩已經派利是比小B啦
利是係祝福黎架，所以我照單全收
幫佢儲起第時要黎做教育基金 = =v
我計過呀，小B d利是仲多過媽媽呀
你話幾多人錫小B呢 ^^
