家計會婚前檢查

岩岩去左家計會做婚前檢查
可以話完成左一半啦，點解咁講呢....
因為我地只係抽左血，其他都會再約時間去驗
呵呵，一直以為婚前檢查的化驗樣本係即日抽取的 (特別是男士樣本呀 XDDDD)
原來呢D都係我o既誤解
其實，我地一早去到荃灣南豐中心的診所
就填form做登記，等待職員入好資料之後
就叫我去櫃台比錢，佢地收cash或者eps的
待我對好佢地print出黎o既資料label之後
職員就比左兩張粉紅色的掛號證比我
裡面寫左約見醫生的日子
由於我要揀平日晚上去覆診
所以要等到3月23日
然後就落去7樓o既化驗所抽取血液樣本
半個鐘唔夠就搞掂左呢一日要辦的事
另外，男士o既化驗樣本只需要係見醫生前10日內交回化驗所就可以

家計會仲送左一隻叫做"婚前及懷孕前的準備"dvd比我地睇

其實係去家計會的途中發中左一個少少插曲
就係....我地由沙田出荃灣到達城門隧道轉車站
發現轉車站有8-10隻馬騮係度
佢地不但搗亂所有垃圾桶，仲搶途人手中的膠袋
有個嬸嬸比佢地搶走左個膠袋後不知幾無奈
我都好怕佢地會搶我野又或者爪到我
所以我都係離遠咁影左一張相

之後我就打電話去漁護處報告事項
但45分鐘後佢地去到現場d馬騮仔已經走晒lu

再戰婚紗街 (下)

一路行到金巴利道街尾
終於見到 VA ET-VIENT FASHION (地址: 金巴利道88-96號地舖C、D&E)
入到去見到三個人坐係度
之後兩位姐姐就過黎同我介紹o勒
舖頭唔算好大
放禮服o既衣櫃都擺滿晒禮服
略略睇左佢地d相簿，然後就問價錢啦
租一件HK$1,580，租兩件HK$1,580 x 2 = HK$3,160
呢個係全包價錢 (恤衫除外)，租期為四日三夜
所有禮服都冇分grade的
約好左時間再黎睇清楚

之後就去MODE  (地址: 金巴利街1B號恆港中心11樓全層)
我之前問過佢話係"韓國街"
咁我有印象去過，咪又再搵囉
點知都係搵唔到，唯有再打去問清楚由邊度轉入去
原來係o係金巴利道夾天文台道果個位置轉右下一個街口就係
上到去，咁岩有個男仔係度試緊禮服
嘻...我可以乘機睇下d款式
然後一樣係坐係度睇下相簿，再望下實物咁啦
呢間o既package 竟然平過上環果間架喎
Package A (1件) - HK$1,380 (黑色平腳)、HK$1,780 (黑色燕尾)、HK$1,980 (其他)
Package B (2件) - HK$2,980 (無分grade)
配件每set加HK$200
價錢唔算貴，3千多元就可以租兩套型仔D o既禮服
我又覺得幾值得
所以又約左時間黎試身
唔叫Jerry試下真係好難想像佢著燕尾好唔好睇

幫Jerry book左兩個時間去試衫
最後當然都要幫自己去睇下啦
由於我上次hold package果時，只係hold左一件晚裝
所以我都要約定一日去confirm埋其他禮服啦
去到Charming Image，由於有兩個女仔試緊衫
所以都要等左一陣先有人有時間招呼我
然後好快咁約埋23/2晚去試
順利坐左一陣係電腦前睇佢地d晚裝款
不過佢地都係話file裡面d相未係最新的 (但點都新過佢地webpage果d XDDD)
然後再"目及"下d男禮就過去睇下主婚人o既禮服
依家佢地開多左間舖頭專租主婚人的 (之前只係o係fitting果個地方擺架咋)
多左好多款式，而且都幾新潮，唔係老老土土果d
有d似be queen果d style架
睇黎都應該岩我媽咪同未來99 o既
然後...............任務完成，撤退......................

再戰婚紗街 (上)

踏入2010年，第一次走住婚紗街
為的是幫未來老公睇下d禮服
順道去鴻運繡莊睇一睇d裙褂
去到金巴利道，走到去18號....發現好似唔係恆港中心喎
照入去望一望啦...咦, 都冇11樓o既
好奇怪，立即打去MODE問
一問之下先知原來佢地係位於金巴利"街"
咁好啦，先去鴻運

哈...經過Be Queen，都有入去問一問
因為妹妹結婚時媽咪係呢間租左兩件主婚人禮服
我媽咪好鐘意呢間d款架，所以都做下資料搜集啦
租一套HK$1,588，另有85折
租兩套HK$2,988
個Sales好利害，我話我媽前年6月黎租過
佢都立即講得出邊個sales之前跟佢張單
仲話我下次黎搵返果位sales會多少少優惠
咁等我問清楚媽咪鐘意d咩先啦 ^^

一去到鴻運，岩岩有個女仔拎褂走
然後有位後生D o既女仔黎招呼我
比左d相簿我睇
其實之係會展 & 網上面都有睇過佢地D裙款
但就唔知實際o既租金約多少
上到去本簿就寫得好清楚啦
佢地件中五福，租價為HK$1,480，足足貴過錦發、美華、永隆一倍
其實我都幾鐘意佢地套水晶褂，但租價要成HK$2,980呀
又唔係好捨得
佢地d款真係多到有少少花多眼亂
我問過佢地話黎緊2月同3月會展都唔會參展
所以即係唔會有discount啦
不過我都諗住搵日同媽咪黎望一望
之後就沿路行落去啦

3v送的男禮

幾經轉折, 終於搵到個網友有save低3v送o既男禮款式
我諗住3v送呢套要黎比Jerry日頭接新娘著的
所以prefer淺色款
以下有三款, 大家覺得邊款好d呢??
我自己就幾鐘意A, 希望Jerry著左上身個效果都係咁上下

A)

B)

C)

請投我一票啦

為左想嬴取到海外拍一輯婚紗相
我參加左esdlife o既活動
最高票果名可以去希臘、巴黎、威尼斯、輕井澤或沖繩其中一個地方拍一輯婚紗相
大家幫手投下票啦 (投票次數不限架)

http://wedding.esdlife.com/campaign/valentines_2010/vote.php?picid=263

四大長老飯聚

wahahahaha.....一直都唔係好想咁快搞呢個聚會
因為怕出到黎唔知講乜好
但未來99已經提過幾次，問幾時雙方家長食飯
所以我就的起心約佢地出黎啦
由於婚禮上大部份事情都係由我去處理
基本上唔需要勞煩到四大長老
而且禮金酒席方面我同媽咪已經有左共識
因此，出黎真係叫做見個面，認識下
唔好話去到擺酒當晚先知邊個係襯家 ^^

尋晚餐飯，總共有10個人出席
包括我一家三口、我妹一家三口同埋Jerry一家四口
有個小朋友係度，好易打開到話題
亦無種好拘謹o既感覺
可能我同Jerry o既屋企人都屬於易相處的人啦
我爹吔仲間唔時帶起d話題添，反而我覺得未來62比平時講少左野
差唔多到飯聚o既尾聲
未來99就問Jerry洗唔洗同我媽咪講下過大禮、禮金之類o既野
之後都有傾左少少啦
飯後，我跟左Jerry返屋企 XDDDDDDDDD (好似已經係佢屋企o既人咁囉)
未來99都有再問我有咩需要佢幫手做
我都約莫同佢講，除左要佢幫手比嘉賓名單我之外
基本上我會安排好
好順利咁就完成左雙方家長聚會啦 ^^

微針美容

由籌辦婚禮開始
我就由一個平時唔多做facial o既懶人
變成一個積極做不同美容去令自己睇落更加完美o既人
為左靚，可以話無所不用其技呀
近期(我諗都唔算好近期架o勒)，好流行微針療程
做微針功效比做其他普通導入精華更有效
如果去美容院做一個十次療程，隨時動輒萬多元
但好似我咁，有個私家美容師就可以所費不多
做一個自家微針療程

買左支針兩個星期，尋晚終於都試做第一次
我買左1.0mm長o既針頭，再加透明質酸精華
大約一個小時就完成左一次療程了
做完之後o既效果，果然令我嘩一聲
因為真係白滑左好多
比平時做一次full faical treatment出黎o既效果，真係有分別
亞Be仲教我呢兩日要keep住搽精華 / 面霜
因為做一次療程，就可以將面上2萬多個毛孔張開
令到皮膚更加吸收
依家我會keep住每兩星期做一次
希望可以改善下我毛孔粗、眼袋及黑眼圈o既問題啦

一支針約可用6-10次 
透明質酸精華一支可用2次 

為下一代著想

一定要做婚前檢查 ^^
我訂左下個星期六去家計會做啦
你地又做左未呢?!?!?!?!

3V之拍攝後感 (2)

兩次拍攝後的感覺都係非常良好的
首先當然係多謝前台的工作人員
一直給我貼心o既服務啦
因為我覺得我都算係幾麻煩o既人
有少少事都勁msn佢地
但佢地都不厭其煩咁一一幫我解答

今次四個造型都係我自己配搭的
之前做左好多功課
睇左好多造型照
亦都要讚一讚惠惠
佢做到我所需的要求，我想要的髮型佢都幫我set到出來
效果亦不俗

哈哈.....拍攝期間都幾多笑料架
由於我笑得太利害會露牙肉，所以成日都就住就住咁
亦令到劉老師成日話我........."小姐，你笑得好假呀" "你要笑得自然D"
XDDDDDDDDDDDDDDDDDDDDDDDDDDDDDDDDDDDDDDDDDD
有時因為我表現唔好，令到劉老師要多拍幾張先滿意
無辦法啦，我真係怕笑得太過誇唔靚嘛
雖然劉老師一再提我，佢會捕捉我最美o既一刻
但我始終忍唔住勒住勒住咁
最後當然要多謝小玉啦
上次同今次都係佢做我助手
兩次試衫又係佢幫手
因此我地都已經好熟架o勒
小玉真係好細心，每次都幫我執好裙襬外
仲好留意我d飾物有冇移位
少少頭髮亂左佢都留意到幫我執好

所以總括黎講，我對3v o既服務真係好滿意
但....我一日未睇d相，一日都未肯定係咪真係最好o既
哈哈....所以我好想快d到2月呀
21號就係我o既睇相日啦

3V之花絮 (3) - 華僑城茶溪谷

景點：華僑城茶溪谷
攝影師：劉老師
化粧：惠惠
助手：小玉

一到達茶溪谷，第一件事當然係補粧啦

搞掂晒之後就正式出發

 黎張合照先

第一站係七彩花田
果然聞名不如見面，花田果然係靚到呢
我地係呢度用左好多時間去影
劉老師都一路影一路讚呢度好靚

仲話之後我地揀相，花田肯定可以做3-4版都無問題

之後就去左小教堂

最後拍埋大鐘同水池就返去轉造型啦
我自己就覺得呢個造型
感覺細個d
呢套衫我要拍左廣場四周同埋魚池

 
期間劉老師仲讚我好識揀衫
佢話我揀o既衫同造型都好襯我  (唔知係咪真呢...呵呵)
搞到我鬼咁開心........哈哈

好快就拍好廣場部份，返去換最後一套衫啦
估唔到Jerry著呢套禮服係咁型仔架 *0*

吊橋都唔算多人

茶園係最後一站
我地除左係度玩愛的抱抱外
仲係度玩泡泡添 XDDDDDDDDDDDDD

好啦......一日o既拍攝終於大功告成啦 ^^
辛苦晒劉老師, 老師助手 (我冇問佢叫咩名), 惠惠同埋小玉

3V之花絮 (2) - 室內 + 空中花園

景點：室內 + 空中花園 攝影師：劉老師
化粧：惠惠
助手：小玉

一早起身，見到藍天與白雲
心情真係超級的好
去食少少野就行過去3V啦
3V的確係貫徹始終, 早一日我問佢地邊個幫我拍
佢地都唔答我, 話要拍攝當日早上才知
但一去到.........May話我知係劉老師時
簡直開心死我了

由於我要拍空中花園因此要立即化粧
第一時間拍完先出去華僑城
惠惠都好快手咁幫我化好粧然後set左我想要的髮型後
就出去空中花園先
由於時間好趕，第一個造型我係冇影到的
但我自己都好鐘意我同Jerry o既造型

一開始劉老師就問我想要d咩style
我就話我拍些甜d 同埋有些要cool d o既感覺，然後就開始出去影啦
拍攝期間，劉老師偶然都會比d相我地望一望
我睇左好幾張都好開心
因為真係影得我好靚 (又黎自己讚自己啦)
影完空中花園就入返室內拍
一切都拍得好順利
期間劉老師不停咁讚我地，讚我地表現好，拍出黎效果好捧
嘻........我諗呢個係佢o既拍攝風格黎o既
好似杰杰咁，佢都好鐘意一路拍一路叫我地"唔好嬲"

呢兩個就係我選的室內景

3V之正式拍攝日 (二)

等左六十日，終於等到好天氣
由於先前已經上3V試左衫, 所以係拍攝早一天
我就send email通知3V留衫比我
都幾成功, 早上約11點，3V o既May就通知我
留好我要的晚裝及婚紗了

收工就立即join埋Jerry就出發上深圳
先去如家拎左房間先
然後就由如家走一次過3V (試下要用幾耐時間嘛, 唔想第二朝遲到)
之後就去食飯
飯後hea左一陣就返酒店早d休息啦
哈哈...如家個透明浴室....真係好搞笑
搞到我沖涼好似做show咁囉

DIY - 餅卡套

其實都唔算係咩DIY
只不過係買個囍字打孔機
係餅卡套上打個印o者 (好彩Jerry無話我無聊o者)
已經打左160張餅卡套
亦開始係冇野做o既時間，慢慢入緊d餅卡

另外，我亦買左把狗牙較剪
其實未有咩idea要點用
買定先咋 XDDDDDDDDDDDDD

3V介紹人& 同行優惠 (已成團)

為左想要多d相簿
我會幫係黎緊expo想join 3v o既朋友們做統籌
令到搵我介紹o既人, 唔洗約埋一齊都可以有5人同行減$500優惠
另外我同你都會有多一本7"相簿架

有興趣o既朋友可以留言比我 / email 去我電郵 carmen_szesze@hotmail.com

留意...3v今次個8500元回贈大禮係要係2月1日前頭一百名入數就有架o勒http://www.3vwed.com/yenew.asp?id=468
越早報名越好

少許進度 update

今日收工去左新世紀皇廷加大圍數
要埋佢另一個廳
而家我係訂左雙喜 + 鴻運廳
基本上相等於訂左全場咁滯架o勒
呢兩個廳加埋可以擺40圍，我預擺25圍
所以我諗到時唔洗擺得咁迫，寬敞好多
另外我問過印帖大約要預早3個月
所以睇黎我過埋年都一定要準備定啦

接住，我就去左上海街3間繡莊睇褂
第一間去左美華
果然如其他網友所講，老闆娘都唔多願理你咁
叫佢拎一兩件比我睇下，又話好多出左街
冇乜款，所以唔拎
所以我問左少少資料就走了

第二間去左錦發
入到佢同老闆娘講想睇下d褂
佢都好幫手，拎左幾款比我睇
另外又比我試上身，雖然佢講野都有少少寸
但起碼肯幫手，我都有問佢租頭褂o既事
原來想租頭褂都要預早差唔多九個月訂架
所以我想租頭褂的話，就要今個月confirm
有少少心郁想租頭褂，因為見佢拎做緊o既褂出黎比我拼上身時
立即發現同其他分別好大
真係金銀線又閃得多，紅布又靚得多

以下分別係 (左起) 小五福、中五福、大五福(褂后)
個人喜歡中五福多d

第三間去左永隆
呢間感覺一般，因為佢拎d褂出黎比我睇時
可能咁岩都係舊d啦
望落去唔多靚
都試左一件上身，問左資料後就走了

所以我今個月o既目標就係要決定係邊度租褂

泰sweet行 - Day 4

最後一日，係原定時間起身
Jerry已經覺得唔舒服架o勒，又痾又嘔
都唔知係咪尋晚食果d生蝦唔乾淨
連早餐都食唔到
我仲約左上午10點去做SPA添
又唔想爽約喎，咁我地就執好行李然後出發啦
Book左去都幾多人推介的Coran Boutique SPA
呢間SPA係日本人開架，有專車接送同埋做緊買一送一優惠
我就一早訂左做2個半鐘頭o既"La Mer Version 2.5"
好舒服咁享受左2個多小時之後就諗住去Siam行下街

唉....點知原來我都中左招，不過冇Jerry咁早發病
已經開始好唔舒服，作嘔作悶咁
本來都plan左呢日食我最鐘意o既Zen日本料理架嘛
2個都冇晒胃口去食野
不過去到Siam，Jerry唔到我掃興就係food court搵個位置坐低休息
叫我去百貨行多一陣
咁我就用最快o既速度去買多幾套underwear
就立即同Jerry返酒店坐多一陣

然後就call的士由酒店出發去機場打道回府啦
4日o既行程話咁快就結束，好唔捨得走呀
Jerry仲講定，下年再有特價ticket時要再黎添 ^^
今次我o既收獲好豐富 (其實我去親曼谷都收獲豐富架o勒)
同埋2個人去旅行o既感覺真係好好
因為feel到Jerry真係每樣都特別為我著想，唔想我唔開心
唔知幾時又可以再2人行呢？
可能要等到honeymoon lu XDDDDDDDDDDDDD

3V之試衫篇 (2)

睇黎我都係黑仔架o勒，第二次因為天氣問題要改期
不過我照返原訂計劃上去3v試衫
3v新office唔算難搵，出地鐵行一陣就到
新地方果然唔同d，大左又靚左
擺禮服o既地方又寬闊左

我好快手就搵左十多件婚紗及晚裝拎去試
嘻...今次幫我試衫o既竟然又係小玉呀 ^^
佢都記得我

大家都幫下眼啦，睇下我著邊套好睇d
(其實我有心水架o勒，又睇下大家揀o既同我o既心水一唔一樣先)

臨離開3v時，我作左一個決定
就係如果2號早上天氣好的話，我會照拍
係自己辛苦d囉，因為試衫呢日乜都冇帶上黎
所以會返hk先
但最後我今日都決定改期
下呢個決定真係掙扎好耐，因為好難擔保下次天氣又唔會唔好
又要請假喎
但........諗深一層，影婚紗相都係想留住最美一刻o者
所以我堅決要藍天白雲先去華僑城

心是灰色的

新年迎接我的就是灰色的天空
今次為左想影一輯好天氣下之華僑城
狠下心又再改期
但已經唔想改到太遲了
唯有揀平日啦
依家改拍1月15日
有2個星期時間, 希望天氣會轉好啦
不過今日會照原定上去試定衫 (因為再抽不出時間啦)
遲少少post返試衫d相上黎啦

泰sweet行 - Day 3

呢日o既行程比前一日發生o既事影響左
頻頻撲撲咁又報案，又買新相機
之後又要嗱嗱聲拎返酒店叉電
搞左成個上午

又因為用左d錢去買相機
所以又要再去一去水門唱定d錢備用
到差唔多一點鐘先可以正式出發去大皇宮呀
今次我地揀左搭船去
架船都幾寬敞，沿途仲有導遊介紹兩旁o既風景

我地係N9碼頭落船後，就馬上去食野先
食飽後就跟地圖所示行去大皇宮
點知我地行錯左路，明明一直都見到大皇宮
但一直都搵唔到個入口
途中仲有d人黎搭訕，一時話大皇宮今日唔開，一時又話大皇宮已經閂左
我係精明o既旅遊者，一早已經知道係騙子o既橋段啦
所以冇理會佢地，最終都比我地搵到個入口

呵呵~~又到Jerry最愛o既時刻啦
就係去全亞洲唯一一間曼聯pub食tea啦
嗯...唔算難搵，亦不枉此行
因為Jerry去到好開心

最後，我地就搭MRT去Suam-Lum Night Bazaar晚飯行街
我地起初仲怕飲唔到2公升o既啤酒添, 所以咪叫左渣1公升飲住先
點知轉個頭就比我地清晒，要再叫多渣
早知一早叫一支火箭炮 (2公升) 黎飲啦
食飽飽hea左一陣就走人lu

哈哈......我地兩個就係因為呢餐，搞到我地最後一日又痾又嘔o勒
我地估計元兇應該係生蝦 XDDDDDDDDDDD

嫁妝 - 龍鳳被

呢個星期六日真係好忙呀
除左confirm左主婚人 & 姊妹裙外
仲去左一田大掃貨添
事緣媽咪星期五買左個喼比我做嫁妝
想買埋龍鳳被架
但佢又想我揀自己鐘意o既款
所以最後只係拎左本catalog返黎比我
然後決定星期六朝早再去搏殺
去到一田，第一時間就係迫去雅芳婷
再睇一次實物後就扑槌買紫色果一套 (我真係好鐘意紫色 XDDD)
買婚慶系列係可以免費繡名 & 大婚日子架
仲有一對心型咕臣同埋利是封送添

媽咪話橫掂都係
不如買多一套紅色做替換
最後買埋呢一套
媽咪真係好架啫 >3<

除左辦嫁妝之外
我仲買左一對愛皇健備長炭枕頭
留黎之後用 ^^

當然除左呢D野，我地仲買左好多野
你地睇下我簽左幾多卡