早前，我應美贊臣Enfinitas嘅邀請
出席《魔法‧天資》嘅優先發佈會
當日美贊臣Enfinitas仲邀請左臨床心理學家葉妙妍女士同各位媽媽傾下育兒之道
係播放短片前，主持講左少少野
令我有回想返細個時父母同我係點相處啦
究竟佢地又有冇好好咁讓我去做自己啦
我記得我細個時，唔知點解好鐘意拆開屋企嘅電器
好想睇下裡面嘅運作係點
拆完我都會好好砌返好的
但有一次唔好彩比爸爸返家見到，就被罰抄一百次”我以後不再拆開家中電器”
自此我就唔敢再亂搞啦
其實如果當初爸爸唔罰我
再比我拆多d電器，又或者買多d呢類型嘅書比我睇
我會唔會去左讀電子工程呢??
我同老公係教育小朋友方面都有相同嘅方向
小朋友一定要有教養，有禮貌
對於佢喜愛嘅興趣，我地會盡量比佢發展
就好似佢好鐘意畫畫，老師曾經同我講過“佢上堂時好專注，畫每一樣野都有佢嘅意思，整幅畫係一個故事黎”
所以每次佢落堂，我都會問佢今次畫左咩，朗朗都會細心講返比我知
雖然畫功我覺得有待改進，但我都好支持佢繼續發掘佢嘅興趣
就好似今次短片嘅主角Ellie
表面睇，Ellie好似係一個比較特別嘅小朋友
倔強嘅性格間中都比到小麻煩別人
但佢嘅媽咪無特意糾正佢
仲會諗方法去令佢嘅想法加以發展
呢樣正正係我希望做到嘅事
我地帶小朋友黎到呢個世界上
唔係只係想佢做另一個”我”，又或者係我地期待嘅樣子
唔係只係想佢做另一個”我”，又或者係我地期待嘅樣子
我地要做嘅，就係愛護佢，教佢人生嘅道理，陪伴佢行佢想走嘅路
睇完短片果刻
我第一個諗法就係，其實我有冇好好咁去了解 / 發掘到朗朗嘅天資呢?
但當我同葉女士傾過計後
我覺得，雖然協助子女發掘天資再加以發展係重要
但係都唔駛好刻意要自己幾時做到
亦唔好向自己施加任何壓力
做父母真係一門好高深嘅學問
需要與時並進，終生學習，適當嘅時候做適當嘅事
需要與時並進，終生學習，適當嘅時候做適當嘅事
完成左呢個分享後，我第一件事想做嘅就係返去攬實我嘅朗朗同芯芯
再同佢兩個傾計
好感謝美贊臣邀請我出席呢個活動，真係令我感受良多
家長們，你地又有冇好好咁了解你地嘅子女呀?
#美贊臣Enfinitas #InspiredbyMoms #原生天資源自母愛
#支持孩子做自己 #原生就是與生俱來 #綻放天資 #變變魔法帽
#想像力是孩子的超能力 #創作力量同幻想會嚇你一跳
#支持孩子做自己 #原生就是與生俱來 #綻放天資 #變變魔法帽
#想像力是孩子的超能力 #創作力量同幻想會嚇你一跳
