繁忙的10, 11, 12月

又到年尾啦
每年年尾都係比較忙o既
十月...有兩餐囍宴要出席, 兩餐都係o係平日添
另外, 已經有兩個sat約左朋友, 一日打牌, 一日house warming
本來有fd約我其中一個sat去澳門架, 但諗諗下太多節目, 推左
仲有十月份係未來奶奶o既生日月, 我地要諗諗同佢去邊度慶祝

踏入十一月
呢個月份好重要
首先月中就到我同Jerry影pre-wedding photo o既日子
然後就到佢o既生日
唔洗諗, 一定會搞大佢啦, 連場地我地都已經搵左
又要不醉無歸了
呵呵...到左月尾我地就會出發去Bangkok
到十二月頭先返

十二月最重要o既
唔洗講, 一定係我生日啦 XDDDDDDDDDDD
另外, 未來老爺都係呢個月生日的 (遲我幾日)
即係話, 我地又要食幾餐飯架o勒
仲有...聖誕又點會唔去玩呢
聖誕後又到除夕~~~
真係好似好忙好充實咁

Jerry 與我

人馬仔
很多人以為雙子座擁有雙重性格，其實人馬座的雙重性格比雙子座更強。表面上人馬座男性無憂無慮、任性放縱、一切聽天由命，其實他們對人生是充滿理想的及凜緊的。他們為人樂觀、爽朗、積極進取。當他們不接受別人的意見時，不會當面提出，只會在心底裡作出回應。另一方面，對於有恩於他們的人，人馬座是不會忘恩負義的。這些恩惠，他們會永記於心，在有需要時雙倍奉還。因此，他們朋友眾多，相識滿天下。在他們心中、友情及義氣是非常重要的。

很多人馬座的情侶都是由朋友發展而成。人馬座鍾情於行動力強、有思想、不纏人的類型。太依賴他們的情人會令他們覺得被管束，這犯了愛行動、愛自由的大忌。其實，人馬座對伴侶的性格沒有多大的喜好。因為無論是內向或外向，人馬座男性都能和她們和睦相處。最得他歡心的伴侶是給予他自由、信任及快樂的女性。由於人馬座非常重視朋友，身為他們的伴侶應多加了解及體諒，要求他們放棄朋友，儘量把時間放在家庭，只會令他產生反感。

人馬女
外表斯文的人馬座女性其實性格上帶點男性化、內涵豐富、做事乾脆俐落。她們富行動力、勇於向目標邁進，可是由於缺乏耐性，往往半途而廢。

她們愛自由，喜歡追求新事物、新經歷。新鮮事物及挑戰是她們生活的原動力。刻板的工作及規律最叫她們吃不消。反而人與人之間的相處產生不同的火花才叫她們回味無窮。所以她們非常享受與朋友一起的樂趣。

嘗試束縛人馬或缺乏生活情趣的人也休想成為她們的伴侶。她們的理想對象是聰明、感覺敏銳、富行動力、喜歡剌激及有生活情趣的人。

wahahahahaha 簡直係天生一對

預渡蜜月

本來一早plan好左6月尾去曼谷玩幾日
當係慶祝拍拖3週年架
點知我突然轉工成功bor
咁無理由為左去玩而放棄機會架嘛
所以最後都擱置左
但上個星期五比我留意到國泰又冇promotion
$990一張來回曼谷之機票....超抵呀
我諗都無諗第一時間就打比用開o既agent
然後hold左位先啦
仲比我hold到早機去晚機返添 (最衰book唔到Jerry生日正日上機啦)
依家應該會confirm去4日
29/11 至 2/12
一來......當係慶祝我地兩個生日(Jerry 11月尾, 我12月中 = =v)
二來......當係預支蜜月啦

XDDDDDDDDDDDDDDDDDDDDDDDD
超期待

試用期

你地話時間過得幾快呀
我今日就正正式式過左我o既試用期了 (哈哈, 覆HR個email都係我打o既)
哈..比我發現公司因為半年業績理想而加人工
但我岩岩先過probation，所以無我份 :p
算啦~~黎緊仲有好多機會架嘛
比心機呀

倒數365日

時間過得幾快，由今年2月決定結婚
5月同屋企人講 & 訂酒席
話咁快就到左9月了
係呢7個月裡面，可以叫做搞左好多野
訂左酒席、book左影結婚相、join左租衫package
pre-book左MUA、造好左對婚戒......
每個月做少少咁就過左幾個月
明年今日就係我人生裡面最重要o既日子
我會成為人地o既老婆.....*0*

其實我依家真係有好多構思
得閒個腦就會係度諗諗諗
我怕到左big day當日，如果比我見到rundown上出現咩問題
我會忍唔住出手處理
唉...無計啦，其實我真係一個幾仔細o既人
而且我自己做左咁多年event
今次搞o既係一個真真正正屬於自已o既event嘛
緊張就梗架o勒....所以我有一刻醒起好想搵某人做姊妹
哈哈~~呢個當然係我o既舊好同事+朋友啦~~我地拍住做event咁耐
都冇乜大問題出過黎
但.....其實我已經有太多fd想搵佢地幫我做姊妹了
再多...又好似誇得滯咁
算啦.......到時再諗啦

仲有365日....好想快d到呀

Bubble槍

之前係esdlife見到有d 3V jm會帶埋bubble槍做道具
做出不同o既效果
咁我當然都會帶埋呢個工具去啦
但3v jm話佢地都係o係日本城買$10一支之嘛
點知我行左好幾間日本城都搵唔到咁平囉
最平果把有史迪仔貼紙o既bubble槍要成$25 (仲要唔靚添, 好似翻版咁)
呵呵~~最終比我係千色百貨o既玩具部搵到支正野

"燈"燈"燈"凳"~~~~~

哈哈...好靚o既hello kitty bubble槍...都只不過係賣$29.9咋
好靚呀 =0=

第一份結婚禮物

拎婚戒o既同時
我係uncle舖頭睇中左一條鑽石手鍊
全條鍊由32粒o既鑽石組成
感覺好清雅，又大方
由於依家金價太過高啦
加上媽咪已經預備左龍鳳鐲比我
所以佢決定送條鍊比我做結婚禮物
(雖然好似早左好多買咁，但媽咪話既然睇中就買啦)
好開心~~~~
另外仲襯左對同款o既耳環添
呢套首飾o既價錢就唔好提o勒，但媽咪o既心意我就收晒
多謝媽咪 >3<~~

條鍊同埋對耳環每粒石都係"八心八箭"切割架

哈哈....幫佢地大合照 = =v

One Life One Love

對婚戒造好左啦
尋日去左攞
婚戒o既意義我諗唔洗我多講大家都知道
戴上左後就代表對方將會係我一生中唯一一個伴侶
One Life One Love~~~好Sweet呀
哈哈~~試戴果陣我想叫Jerry幫我戴架
但佢無啋我 XDDDDDDDDDDDDDDDDDD

我地對婚戒其實好簡單
最後我果隻粒石重22份，Jerry果隻粒石重23份

書虫 @@

我不嬲都係一個書虫 @@
睇我個款唔多似嘛??? XDDDD
其實我咩類型o既書都睇o既
睇得最多o既係小說同埋漫畫啦
呢期有兩本漫畫終於睇到完結了
好失落...果種感覺好耐都未試過
通常我睇到一本好o既書, 都會有唔捨得睇完o既感覺
硬係覺得冇左d野咁
唉...好有衝動買返一set返黎
好等我機會又再翻煲多幾次....
(我有d小說翻煲過5次以上架......每隔一年左右煲一次)
但...我屋企真係冇地方放咁多書啦
第時搬出黎更架唔夠地方放 @@
真係苦惱

會場Decoration

其實不嬲冇諗過比錢搵人搞decoration
酒樓既然都有基本佈置, 而且都唔差, 何必唗錢呢
但自己硬係想為自己個wedding搞多少少野
所以呢期開始留意d blog
睇多d下人地d佈置
參考下, 睇下有冇d可以用
用我空餘o既時間diy一番
其實我都有少少初步構思o既
主要都係裝飾個reception同埋每張guest table囉
咁早可以諗, 係想早少少有個概念
究竟自己想點設計
早d準備總好過臨時先諗嘛
因為下年我應該會用多少少時間去plan我個honeymoon行程呀

婚紗鞋

之前係人地個blog到見到對婚紗鞋
覺得好靚好鐘意
今日下半晝要去旺角上堂
上完堂之後我就行去金都睇下搵唔到搵到啦
點知由頂行到落地庫都搵唔到
諗住放棄再去第二度搵啦
跟住發現...係bor, 地面果層我未行晒入去
咁咪行埋囉
yeah~~~終於都比我搵到啦
我真係好鐘意
仲立即比錢買
佢地果度仲可以做男裝皮鞋添
又唔貴bor, 我都諗住如果Jerry揀黎揀去都買唔到的話
就去呢間造返對

瘦身 + 塑身

雖則話離大日子仲有一段距離
但瘦身呢一項係唔可以鬆懈架
減磅目標就黎到啦...仲有5lbs
希望係呢兩個月可以搞掂啦
另一問題就係塑身
之前我有跳開健康舞同埋做開power yoga
身型線條比較靚
起碼firm d呀
但家陣冇做...又唔捨得比錢做機
另一個好好o既方法就係o係屋企搞o勒
但...我自己一個又點搞到咁多野bor
最多都係幫條腰搽下burning cream同包保鮮紙
好彩我有個好伴娘好表妹
佢不但係我o既美容師仲係我o既瘦身師
佢一個星期都有一至兩日過黎幫我塑身架
幫我對手臂扎札帶 + 推脂後"full"熱膜
功效雖然冇做機咁好，但起碼見到效果嘛
真係要多謝呢位唔收我工錢o既好表妹呀

曼迷

我成為曼聯粉絲都唔係耐o者
大約三年左右啦
哈哈~~最初完全都係因為Jerry鐘意
其實我不嬲都鐘意睇波o既
但之前就冇睇英超同埋歐聯o既賽事
所以根本就冇話鐘意邊一隊o既
自從開始同Jerry拍拖，我就開始睇英超 + 歐聯
慢慢亦成為左曼聯粉絲

哈~~最初我就鐘意肥童朗尼
原因除左因為佢同Jerry有8成相似之外
最主要係佢的確係一個好波之人嘛
慢慢發現門將雲達沙真係好勁
其實嬴波要有入球之外，防守同埋減少失球都好重要
雲達沙簡直係曼聯o既鋼門呀 (雖然冇可能做到零失球)
另外...其實我都幾鐘意迪維斯架
可惜啦，今季佢轉左去效力曼城
不過，睇左近呢兩場
越黎越like 費查
希望佢繼續努力，助曼聯今年四連霸啦