奕朗 3 歲啦!!

2011年5月28日
是我同朗尼爸爸嘅小天使奕朗小朋友來臨這個世界的大日子
睇住佢由一隻軟淋淋嘅小貓咪
變成一個講唔停嘅小吱喳
3年裡每一日都過得好開心
就算佢有頑皮嘅時候、扭計發脾氣嘅時候
但佢永遠都係我可愛嘅朗朗
尤其係佢撤嬌嘅時候、關心我地嘅時候、開心笑嘅時候

朗尼爸爸同熊貓車媽媽希望朗朗
可以健康快樂成長 ^_____^

 

 

挪亞方舟 + 成就飛凡新里程

之前因為Asia Miles有?分數就黎到期
但又未決定到想飛去邊度旅行
係佢地網站睇左好耐
最後揀左用6,000 mileage換2張挪亞方舟嘅入場券
準備帶朗朗去玩下

原定4月底去，因為天雨關係
一直改改改，最後改到岩岩個星期日先去到
咁岩遇著挪亞方舟5週年特別活動 - 『敢夢敢想大派對 - 成就飛凡新里程』
有不同嘅飛凡任務玩，真係錯有錯著呀

活動由2014年5月17日至6月15日 (逢周六、周日及公眾假期) 都有得玩
詳情：http://www.noahsark.com.hk/tra/pdf/promotion_059_poster.pdf
時間表：http://www.noahsark.com.hk/tra/pdf/promotion_059_timetable.pdf 
** 特別活動期間，仲有買2送1優惠


係青衣城搭來回栢麗灣巴士NR330
大約12分鐘就到
第一個站落車，行去挪亞方舟約5-8分鐘
交通安排：http://www.noahsark.com.hk/tra/transportation.php 

去到大門售票處就換兩張入場券
同埋拎返本Log Book準備入場 ^__^

一打開本Log Book見到『小小機師訓練營』同『小小空中服務員學堂』嘅時間表
分4-6歲及7-9歲小朋友班
oh no...原來唔岩朗朗玩.....咁就一心周圍參觀挪亞方舟其他地方啦
天氣又濕又焗，我地係《方舟花園》 行左幾分鐘咋
已經滿頭大汗

所以決定入《方舟博覽館》參觀
一入展館就有職員幫大家影相
之後可以去指定地方睇相
展館裡面都有好多野睇
1 vs 1 動物模型、方舟模型、雀鳥、爬蟲類等等
朗朗都有逐一去睇
另外，我地仲睇左兩場小電影
介紹挪亞方舟嘅故事，同埋點樣保護地球資源

最後我地行落LG層，就見到《小小空中服務員學堂》報名處
一問之下先知朗朗都適合參與活動，立即報名
只要交付HK$300按金，就可以去借套衫著
然後就開始大約1個半鐘頭的活動

在場連埋朗朗，只有5位小朋友
其他4位都係姐姐，得朗朗一個空中小少爺
大家都好留心聽住學堂導師姐姐嘅講解
約半個鐘後就正式開始實習

我同爸爸出去準備登機
朗朗以為我地走左，所以扭計喊
爸爸唯有入去陪佢，我就第一個入房間登機
由朗朗帶我坐去正確嘅位置
之後又再重覆一次導師姐姐教過嘅步驟
見到小小嘅朗朗，好認真咁去做每一件事
真係覺得佢可愛之餘，仲好叻仔！

完成活動後，導師姐姐仲送左一張證書同相片比我地做紀念

之後我地再上左去《珍愛地球館》 
行左一個圈，睇完每間房嘅展品後就離開
我由兩點開始入場，六點左右離開
玩左4個鐘，但其實好似仲有野未睇晒咁
而且只同朗朗玩左一個飛凡任務咋
所以決定會擇日再黎 ^__________^

Btw....係挪亞方舟買相都算幾抵
雖然都要HK$100，但起碼佢個相框真係幾靚  (其實自己鐘意，乜都話抵架啦 XD)

麥當勞® 開心樂園餐® x Super Mario™ 好玩開心聚餐

『噹啷！噹啷！』
呢個清脆嘅撞磚聲
相信同我差唔多大嘅朋友們一定唔會陌生
對於細細個已經好鐘意打機嘅我
由紅白機、Game Boy玩到WII
Super Mario真係陪住我長大

點解無端端講Mario呢....hehe
就係因為我再次得到麥當勞公關公司 Bravo 邀請
出席麥當勞® 『開心樂園餐® x Super Mario™ 好玩開心聚餐』
一收到邀請，知道黎緊麥當勞® 『開心樂園餐』會推出一套8款嘅Super Mario玩具
真係聽到都興奮，非常期待

當日由於朗朗要出席同學仔嘅生日會
所以我單刀赴會....kaka
一去到樂富麥當勞，已經見會場坐滿大小朋友們了
去到第一件事影下相，再嘆返個『開心樂園餐』啦

之後就由打扮成Mario造型嘅MC姐姐打開序幕
首先大家一齊發揮創意，幫Mario砌圖填色同加工
對於無乜美術天份嘅我
填色真係最容易架啦

完成後，MC姐姐始終叫主角出場
登登登凳..........

大家見到都好開心
逐個同Mario合照

然後大家拎住麥當勞® 送出嘅 Super Mario™ 玩具
影返張全體大合照

估唔到今次活動好smooth
好快就圓滿結束
我仲夠時間由樂富趕返去荃灣麥當勞同爸爸 & 朗朗會合
一見到朗朗，我就拎套玩具比佢睇
佢見到勁興奮，好大聲咁『嘩~~~~~~~~~~~~~~』

返到家當然要求第一件事開黎玩啦

每款Super Mario™ 玩具都好靚，好好玩

 

當中我最鐘意就係《瑪利歐得分？磚塊》
點解？因為.......去片.....

係咪好正呢?!?!?!?!?!?
呢款由5月23日開始可以換
朗朗生日會係5月24日舉行
預計當日應該好多人叫『開心樂園餐』 XD 

一套8款嘅玩具將由2014年5月16日開始分階段推出
大家想儲齊，就記住以下推出嘅時間啦

  

由 16/5/2014 起

(左2) 碧姬公主旋轉印章

(右4) 瑪利歐與終點旗杆

由 23/5/2014 起

(左4) 瑪利歐得分？磚塊

由 30/5/2014 起

(左3) 瑪利歐與水管

(右3) 恐龍耀西衝衝衝

由 6/6/2014 起

(左1) 與瑪利歐一起投擲回力標

由 13/6/2014 起

(右2) 搖擺小企鵝瑪利歐

由 20/6/2014 起

(右1) 發射威力火焰球

記住唔好錯過啦！

是次活動是應麥當勞/麥當勞公關公司邀請出席的
活動中所享用的食物及飲品、獲取的禮物及活動中的特別節目均是由麥當勞/麥當勞公關公司應是次活動特別安排予參加者的  

親子戶外照

上一次影親子照
好似已經係朗朗10個月大嘅事
原先諗住每年影一輯架
呢度睇下、果度揀下咁.......懶懶閒咁.....
朗朗已經就黎三歲啦
我都未揀定 @@"
有一次係facebook見到幾位朋友都join左一個戶外照團購
見價錢唔貴，我都join埋一份
當時，其實我起初連團購公司嘅作品都未睇過架....XD
不過一心諗住幾個相熟朋友都揀
應該無錯架嘞

拍攝公司: Coochichi Photographer


團購拍攝期限係14年3月尾
原先約左3月4日去影，可惜天雨問題要改期
一改就改到4月啦
影相果個星期，又係天陰陰，間中有雨咁
我不知幾驚又要再改過 
好彩天公造美，影相當日非常好天

我揀左有草地、湖景、playgroup、噴水池嘅迪欣湖
一早就帶朗朗去迪士尼玩一陣
然後再行去迪欣湖會合攝影師

我太高估自己啦，一個人推BB車由迪士尼行去迪欣湖
原來好耐架 =口=
比約定時間遲5分鐘先到達
一去到就開波啦!!

攝影師開始同朗朗傾計
引下佢笑，一路玩一路影
朗朗就越黎越投入
同哥哥玩得好開心
唔洗睇，我都估到哥哥一定捕捉到朗朗好多可愛嘅笑面

 

個半鐘嘅拍攝，係非常好嘅天氣及十分順利下完成
我同朗朗去7仔買野食，補充好體力後
又由迪欣湖行返過樂園再玩多轉
我都覺得自己簡直係超人媽媽，擁有無窮無盡嘅精力

當晚，突然收到攝影師哥哥what apps傳來十多張相片
雖然只係拍攝電腦MON咋
但我見到啲相已經開心到爆
影得好靚好自然
等我POST幾張出黎先 ^____________^

非常感謝攝影師哥哥落力咁完成整個拍攝
期待收到相片，到時再同大家分享下