2016 大型BB展

每年8月又到左全港最大型BB博覽嘅日子

生朗朗果時我反而無行得咁密

今年再收到美贊臣A+嘅邀請
出席佢地嘅產前講座

同參觀佢地嘅攤位

每年，持有美贊臣贈送嘅入場券都可以經「美贊臣A+尊貴通道」進入會場

今年當然都唔例外啦

為左去買同拎到我嘅心頭好

我仲早早就同朋友一齊去排隊等入場添

行左半個場左右就去聽講座

雖然話就話產前講座
但因為我見到個主題好適合我，我先會去架

「美贊臣愛相伴產前講座」

講座再次邀請前新聞主播趙海珠做主持，分左兩個部份
(1) 分娩常見問題

(2) 孕婦及嬰兒的相見皮膚問題

芯芯都7個半月大啦，所以我當然唔洗再聽第一部份

第二部份就真係岩晒我啦，今次嘅嘉賓係皮膚科醫生鍾振堅醫生

由於老公有鼻敏感問題

我大約都估到我地嘅小朋友都有機會遺傳到

陀朗朗時我戒口戒得好足

朗朗一樣有BB濕疹

所以陀芯芯時，我已經無戒得咁足啦
同樣地，芯芯都係3個月開始起濕疹

不過芯芯嘅濕疹好似比較嚴重

雖然未去到出血水情況，但女仔黎架嘛

面仔keep住一撻撻，見到都肉赤

但鍾醫生話比我知，bb有濕疹同媽媽陀bb時有冇戒口係無直接關係嘅

聽完佢咁講，我都無咁自責

而且佢都令我了解更多濕疹皮膚嘅診治同護理添

聽完講座，每次出席人士都收到一份好豐富嘅禮物

 

 

 

之後我地就行去美贊臣A+於會場內嘅攤位

當日都好多人排隊登記做會員，換領精美嘅禮品

 

 

另外攤位背後嘅畫作，係唔同嘅小朋友畫架，如果我嘅小朋友有參與又貼左係度

佢一定好開心 

今年行bb展嘅收穫好豐富，佢地嘅禮物又靚又實用

再一次多謝美贊臣A+嘅邀請