Dr Brown's 最新闊口 PESU排氣奶樽

奶樽一般六至九個月咁上下就要更換一次

芯芯岩岩踏入19個月，意味住又係時間換奶樽啦

今次我揀左Dr Brown's最新嘅闊口 PESU排氣奶樽

獨特排氣設計有效減少肚風同嘔奶情況出現

而且佢嘅耐熱度進一步提升，達至耐熱190°C 

奶樽所有部份仍不含雙酚A (BPA)

咁父母就唔洗擔心啦~

芯芯依家大食左

用呢個9oz樽就真係fit晒啦

黎緊又係一年一度嘅BB展啦

去到會場買新款Dr Brown's 闊口 PESU排氣奶樽同其他產品有8折

記得去掃貨啦~~

2017「第25屆國際嬰兒、兒童用品博覽」
地點：會展新翼 Hall 1 展館
展銷日期：8 月4 - 7 日 (星期五至一)
展位: G01

我的小魔怪遊記~~重新啟動

上次一家三口嘅北海道遊我都唔記得寫遊記

今次難得第一次一家四口外遊

我一定要好好記錄返

Are you ready!!!!!!!!!!!!!!!!!!! 

17淘B 18M 生日暨聖誕派對

雖然已經過左好耐，但我都好想分享返
記得細個o既時候，爸爸媽媽每年都帶我地去海洋公園玩
我果時已經同媽咪講，我第時生左小朋友都要年年帶佢同朋友仔一齊黎玩
終於係朗朗18個月大時成行了
仲係海洋公園舉辦左一個開心o既生日派對
美中不足o既係生日會前幾日爸爸整傷隻腳，無得同行

一直以為係海洋公園搞Party，實唔會平得去邊啦
但原來都幾優惠架
大家如果有興趣可以去以下網址睇下詳細資料
http://www.oceanpark.com.hk/html/tc/park-experience/unique/birthday.html

最後決定係2012年12月15日舉辦淘B們的18M生日會暨聖誕派對
前期準備工作都只係收集好大家o既相片要黎整海報
另外預備Guest List、簡單Rundown、同埋揀Menu......etc.....
真係未出發先興奮呀

期待o既日子終於到啦
單拖帶住曳仔朗黎到海洋公園
首先去大門o既客戶服務中心拎入場券
睇下OP幾細心，為每一位嘉賓分好門券並個別入好
咁就唔洗等齊晒所有人所一齊入場啦

未入場已經無時停o既朗朗
入到場後更加唔理我
周圍跑，手舞足蹈咁

 

首先我地先去海濱樂園廣場睇聖誕節特備Show
然後就搭海洋列車過趕去海洋劇場睇海豚
自從大個左後，已經好耐冇入去睇表演啦
不過大懞o既我睇錯左表演時間，去到只睇到後半場Show咋....haha

 

睇完就係劇場裡面同小朋友們開餐
一早要入到海洋公園，仲要已經煮好朗朗o既午餐
其實真係覺得自己好勁....hahaha
食飽等朋友仔時，朗朗又周圍走自娛啦

之後就向冰極世界進發....gogogog

 

湊住呢個無時停o既朗朗
12月我都著短Tee = ="
真係幾時都覺得.....湊仔係最好o既減肥方法
坐陣Hea下，比朗朗食下小食再放下電
就排隊搭纜車落返山啦

 

估唔到朗朗比媽媽叻
婆婆話我知，我大約兩歲時同佢地去海洋公園
一坐纜車就驚到唔敢郁，直至落車
但朗朗一d都未怕過
一出纜車站就到香港老大街啦
影影影後就行去熊貓餐廳

入到去見到餐廳已經準備好晒所有野
枱上已放好一份份o既禮物比小朋友
食物同飲品亦已經Ready

 

海洋公園首先安排小丑姐姐黎扭婆比小朋友
然後再同大家玩遊戲等
我地就食下野傾下計
之後...........威威司令出場啦!!!!!!!!!!!!!!!!!!!!
仲有我地個靚靚蛋糕

跟住就由小丑姐姐安排我地一齊過去威威劇場同海獅影相
小兔們一個一個咁跟住行過去
真係好可愛
影完又返餐廳繼續玩
估唔到....返到去食物同飲品都已經re-fill左
真係食到我地唔食呀
然後再排排坐玩遊戲同小魔術

兩個鐘o既生日派對，所有安排都做得好好
真係值得一讚呀
如果唔係我要去探爸爸，可能會陪朗朗玩多一陣o既
不過唔緊要啦，仲有好多機會再黎玩
下次要同埋爸爸一齊黎

朗朗20個月

朗朗依家食固體越來越好
每餐可以食到小朋友碗 1 1/2碗加餸
另外平時都會食下小食，好似自家制麵包、乳酪餅、芝士....等等
為左令朗朗營養更加平均，當然跟進食物金字塔去進食最好啦

好彩朗朗唔需要我擔心
暫時無乜偏食習慣
基本上我比咩佢食，佢大部份都肯食
就算...今次佢唔食，我下次用其他煮法佢又接受到喎
相比好多蔬菜都唔食o既baba真係叻好多
尤其鐘意食魚添 ^____^
當然仲有佢最愛o既奶奶啦
只要每日飲1-2份奶類/芝士類食物就唔會超過標準啦
依家朗朗除左未成功戒到奶樽外，其他進步都不錯
已經訓練到每日可以自己坐potty去便便、當然.....未去到識示意去啦，只係佢腸胃都算唔錯
每日定時叫佢坐potty基本上都有便便
朗朗轉左Illuma後d便便比以前好，以前平均兩日先有一次，有時甚至三日先有
依家就日日有之餘，仲唔會有硬便便添
相信係Illuma o既成份令到佢腸胃有所改善
hahaaa...做左人亞媽後，開口埋口真係便便，無計，真係擔心佢無得去架

Chok住飲奶

好勤力o既bb，飲奶要睇書

另外最值得我一再推薦Illuma比大家o既原因
除左奶粉質素好外，客服同埋網站真係比到好多資訊比我
我成日都有留意住佢地o既 Illumama e-Magazine同埋 Community o既update架
其實我除左收過印有Edwin名o既熊仔被、小手帕等o既專屬禮物外
亦曾經被邀請出席佢地舉辦o既名人嘉賓分享會，可惜當日我已安排節目啦
同有份去o既朋友都話讚分享會好有用
黎緊我又再同朗朗去旅行啦
今期e-Magazine有 ”Traveling with My Baby” o既分享
http://www.illuma.com.hk/illumama/issue5/#/parental-advice/traveling-with-baby-part1
岩晒我!!!!

上次分享過用奶黎煮通粉
今日再分享下另一樣朗朗最愛o既餸啦
就係......."Illuma 炒蛋" XDDDDDDDDDD
點解會諗到咁整呢
主要係因為朗媽，即係我.....鐘意食鮮奶炒蛋
所以有次就用飲唔晒o既奶溝埋打好o既蛋整比朗朗食
估唔到佢咁鐘意，所以我間中都會煮比佢食

做法好簡單
睇下你想整幾多啦，我大多整1-2隻蛋
加入適量o既奶後，鐘意o既可以加少少鹽
我通常用易潔鑊唔落油，成碗倒晒落去
之後用筷子"了"
差唔多就上碟，好隨意
自己食當然唔洗太熟留返d蛋汁啦，煮比朗朗食o既我就會煮熟少少 ^____^

朗朗的成長 @ Baby Mo

上年年尾有時間整理下朗朗D相
我就順便去Baby Mo個網站度upload朗朗d相
睇下有冇機會刊登
之後等到編輯部聯絡我交high resolution相片後
就一直每期留意住
但都未見刊登

最後到兩月號終於見到啦
XDDDDDDDDDDDDDDDDDDDDDDDDDD

每張相都用心揀過架 ^_____^
朗朗又多樣野留念啦!!

19個月大

其實朗朗轉Illuma無耐，已經由3餐奶 (早、Tea、臨訓)
轉做依家o既早晚2餐
因為大個仔啦嘛
朗朗正餐都食得唔錯
為左佢可以繼續吸收更多營養
所以我堅持要keep住每日比佢繼續飲奶
我覺得朗朗飲左Illuma後腸胃又好左     
腸胃好D，連皮膚都好D添
真係唔係講笑架
連朗朗睇開o既家庭醫生都建議我繼續比朗朗飲
依家唯一係最怕飲夜奶會蛀牙啫
所以每晚朗朗飲完奶我都要佢刷埋牙先訓架

有幾次，我開少50ml比朗朗飲
點知....飲完後佢喊晒口要我再開
Haha….佢個喊樣陰公到呢…所以依家每次都必定開足200ml
朗朗次次都一滴不淨架
依家主要係睇下點可以由用奶樽變成用普通水杯
唔知大家有冇良方呢.?!?!?!
戒奶樽我覺得好難呀

慶幸我好容易就幫朗朗戒左奶咀啫
估都估唔到，只係幾晚唔比佢用
佢扭都唔扭就訓，依家我直情唔帶奶咀係身呀
但婆婆有時都係照比奶咀佢訓晏覺
其實朗朗差不多出齊牙，可以唔用就最好啦
因為我自己d牙唔靚，我都唔想朗朗好似我咁嘛

奶咀Look已成絕響

向上刷、向下刷
不可放任胡亂刷

三老表迪士尼之旅

難得有時間，今次同婆婆同埋妹妹
帶晒三隻小魔怪一齊去迪士尼玩
其實主要係想影下充滿聖誕氣氛o既樂園

兩老表去到已經好興奮

我地首先去Shopping
之後就到巡遊時間
兩個大小朋友已經開心
期待最鐘意o既卡通人物出現
細B就覺覺豬中
巡遊中途兩個小朋友仲走左出去一齊跳舞添
見到佢地咁開心，我仲開心

跟住就周圍玩啦
都係玩朗朗同Oscar鐘意o既巴斯光年先
之後又係影相時間
兩個爭坐司機位 XD

HEHEHE...終於可以一齊影大合照啦
係我最愛o既薑餅人
同埋原來朗朗都好like薑餅人架

大部份時間都係跑來跑去
我同妹妹就負責排隊等影相
Mickey & Minnie o既聖誕裝真係好靚呀

今次表哥仔就醒目呢
唔玩o既時間，大部份坐朗朗架私家車
朗朗就爛玩到痺，堅持唔坐車仔要自己行
所以食完晏無耐就覓覺豬啦

玩完Toy Story Land就去灰熊山谷
但表哥仔未夠高玩極速礦車，但佢媽咪又好想玩喎
我唯有買支糖請佢食氹住佢啦

最後點少得玩大人小朋友都最愛o既旋轉木馬呀
Happy!!!!!!!!

好少何我地可以玩到天黑都未走
睇埋聖誕樹亮燈同埋飄雪
我地就盡興而歸啦

原來2012年
我同朗朗入左迪士尼4次啦
真係誇張 ^_____^
不過無計啦，我咁鐘意影相
入迪士尼就最多野影啦
下次等細B大個D，再一齊入黎玩

朗朗18個月

以為睇住人地o既小朋友大時間好快過
原來睇住自己仔仔d時間都過得好快
朗朗已經足18個月大啦
依家識講好多單字 / 詞語
爸爸、媽媽、婆婆、哥哥、弟弟、姐姐、姨姨、叻叻、早晨、no way、曳曳.....etc
甚至有時突然彈一兩句句子出黎
你曳曳呀、我未玩完、做乜野呀、做乜唔等我
真係令我好驚喜

仲有，佢曳曳比爸爸罰時，真係唔敢亂郁
叫佢幫我地做野拎野佢又做得到
最鐘意幫我拖地先最搞笑...haha
朗朗已經識用普通水杯飲水啦
本來我想慢慢幫佢轉飲管杯飲奶、再轉水杯，再戒埋飲樽
但依家佢都仲係鐘意用奶樽嘆奶
無計啦，有d野又唔急得o既
慢慢來

早前Illuma送左一張繡有Edwin o既熊仔波比朗朗
收到時真係好驚喜呀
其實Illuma期中都有一d優惠 / 講座之類比用家架
大家記得留意住佢地網站不時o既更新
http://www.illuma.com.hk/web/inf/index.cfm?action=illuma.communityExclusiveOffers&s_displaylang=tc


Illuma送來的包裹


朗豬成日攬住佢黎嘆奶