多姿多采星期日 - 3V 欣"相"會

我o既節目真係非常豐富
過完一個忙碌o既星期六後
又到期待o既3V準靚太聚會啦
呢日有份出席聚會o既準靚太包括
我、Zoe、Fish、Irene、阿心、Gigi同埋Winnie
先係沙田運送返我地pre-wedding成品返屋企
準時去到約定地點
Fish已經係度等緊我地啦 ^^
我、Fish同埋Zoe就一齊入去supermarket買夜晚要食o既野
然後等埋阿心就返去Zoe o既未來愛巢啦
跟住我就返屋企拉架車仔拎晒d成品過去Zoe度
再帶埋我個百厭到暈o既姨甥仔上去
去到大家已經做好晚餐o既準備工夫啦
之後就開始吹水
亦都急不及待睇左一輪相先 XDDDD
其他靚太們都陸陸續續黎到
呢晚真係要唔該各位幫手準備晚餐呀
我好似冇乜幫手咁

Fish全權製作o既蜜蜜雞翼
令我呢個唔多"好"雞翼o既人都食多左

準靚太Zoe真係有板有眼架

豐富o既晚餐
樣樣都好美味
pizza我無食...所以no comment XDDDDD

之後就正式開始欣"相"o勒
睇下大家幾留心咁睇緊第一次join我地gathering Gigi o既靚相

睇完softcopy再睇hardcopy
大家都對Winnie帶黎o既相簿讚口不絕
睇到嘩嘩聲
佢果本唔係o係3V影架，係HK o既 MUSE MUSE度影架
超羨慕Winnie無論係3V定係HK都影得咁靚

臨走前o既大合照
多謝各位姊妹高舉我o既相簿搶鏡呀

我係各位裡面第一個會成為C9架
呵呵呵~~~我要加油啦，各位都要加油呀

多姿多采星期六 - 皇廷遊

shopping後立即join埋Jerry一齊去酒樓
主要有兩件事要辦
第一就係睇下酒樓包o既DVD，燈箱海報同埋簽名布

燈箱海報我用左我最愛o既一張

經過大家o既投票同埋參考過大家o既意見
最後我揀左呢張做簽名布
白色地方可以用金色同埋紫色筆簽
深色地方就可以用銀色筆簽..........good ^^

酒樓包o既DVD，都算係唔錯架o勒
呢隻碟裡面全部都係婚照
諗住入席前不斷播
荼毒大家o既眼晴為任 XDDDDDDDDDDDDDDDD

第二就係Confirm菜單
我地揀左新推出o既環保菜單，另外轉一個菜就搞掂啦
大日子前一個星期confirm埋圍數就進入最後倒數階段
順便去睇下佢地個backdrop啦
點知皇廷話會轉喎
如無意外會係我地大日子前轉好
問佢會轉咩色，佢地設計師都仲未交設計
所以唔知
但應該會轉米白色..........
其實我都幾鐘意依家o既粉橙色架
希望唔會轉個我唔鐘意o既backdrop啦~~~~~~

多姿多采星期六 - 逛 JJ Partners

去完善存個event後
由於有空閒時間
乘機落去銅鑼灣o既 JJ Partners
睇下執唔執到好野
由灣仔搭跑馬地o既叮叮過去
過左波斯富街個站後落行幾步就到

雞乸咁大隻字寫住清貨架
實認到

裡面有好多人睇緊鞋
有d仲聽到佢話尋日買唔夠再黎買過
好誇張
我好想買返對晚裝鞋架
可惜我睇中o既都冇我size
另外睇中兩對鞋，一係無我size，一係無我想要o既顏色
激死
最後淨係買左對涼鞋咋
想買紫色架，但著上腳後發現粉紅色靚d

$180/對，連埋兩個靚靚鞋袋
我第二日就著左對鞋周圍行
的確幾好著喎 ^^

多姿多采星期六 - 善存Wedding Blogger Event

多謝 Mrs Chik Chik 又再為我地呢班Wedding Blogger做統籌
等我又有機會同一班準新娘子聚會
今次參加o既係由善存舉辦o既 "Be a Fit Bride" Wedding Blogger Event
哈哈...真係巧合，兩次參加 Mrs Chik Chik 統籌o既活動都落大雨喎
今次共有17位準新娘子參加
呢個list我係copy Mrs Chik Chik 架

• 熊貓車‧小魔怪
• 
  
  Yan & Rex
  
  
• 
  
  小魔怪的媽媽咪 -YeN
  
  
• 
  
  圓圓
  
  
• 
  
  小布甸
  
  
• 
  
  Pingwaiwai
  
  
• 
  
  ~627mm~
  
  
• 
  
  ~*~小歌莉~*~Gloria~
  
  
• 
  
  忌廉火柴
  
  
• 
  
  小靜
  
  
• 
  
  NOR
  
  
• 
  
  Fi
  
  
• 
  
  火星小公主
  
  
• 
  
  Wishes 星願
  
  
• 
  
  鄭彭艾美
  
  
• 
  
  獅子大人 ~ 신지
  
  
• 
  
  Mrs Chik Chik

入口o既Welcome Board 好靚呀

大家睇下我....一到左已經同~*~小歌莉~*~Gloria~雞啄唔斷啦

presentation開始前
Mrs Chik Chik 幫大家影下合照先，唔該晒
(左) NOR, 小魔怪的媽媽咪 -YeN, 我 熊貓車‧小魔怪

(左)火星小公主, 我, ~*~小歌莉~*~Gloria~

開始presentation，大家都好留心聽
哈哈...我覺得呢張slide好得意呀

唔聽過David講都唔知原來自己真係對營養呢一項
真係一知半解
期間大家仲玩左個小遊戲
我地個組拎到5分...都算唔錯啦
但有一組好利害呀....佢地拎到10分
真係實至名歸呀....得到善存送出o既大獎

各位靚女，以下係David同我地分享部份o既瘦身秘訣呀
大家記住啦

跟住再有大抽獎
我冇乜抽獎運，又係無我份
不過都要恭喜各位得獎者，包括小歌莉 ^^

靚靚Blogger大合照

跟住當然係大吃一餐啦
善存好有心思
將個地方佈置到好似個Wedding Cocktail咁
好靚，又多好野食
大家睇下

食飽後，又到我最鐘意o既時刻啦
當然係大傾特傾，雞啄唔斷
8下呢度8下果度啦
哈哈...大家知道我仲有半個月多少少時間就到大日子
都好好奇點解我仲有時間出席聚會
其實我都係想自己relax下
傾計係最好o既減壓方法

之後再同各位影下相

我 & Mrs Chik Chik

兩個小魔怪聚頭啦
我&小魔怪的媽媽咪-YeN

點可以少得小歌莉呀

臨走時善存再為大家送上一個月份量o既"善存"添
多謝晒
睇下我今次event收穫幾豐富

後話.....呢個世界真係好細架
presentation途中黎到o既忌廉火柴
原來我識架 XDDDDDDDDD
我地係舊同事黎
咁都比我地遇到 ^^
仲有...原來我媽咪果時睇營養師果陣
個營養師都有推薦佢食善存黎補充唔夠o既維他命同礦物質架
媽咪食過都話唔錯
等我試食一個月睇下係咪真係好d先得.......wahahahahahaha

Cova 餅卡

因為老闆係我大日子當日仲係外地旅行中
無可能出席到我婚禮
所以我只係請佢食餅
諗過佢應該唔會食美心o既西餅
所以專登去Cova買2張coupon返黎
一張送比我老闆同埋佢老公, 另一張送比佢地個女 (三個都係老闆黎架)
希望佢地鐘意啦

住屋安排

一直未有確實o既決定
由起初諗住先租地方後去旅行
改為先去旅行返黎先搵
再改為稍為係男友家住幾個月
等細妹遷走後搬入媽咪另一層樓.......
一路變變變......其實都令到我有d煩
我都係想有個地方兩個人住得舒適啫
唉....我另一半又唔會考慮咁多
乜都交晒比我去諗
有時我都好大壓力
好怕有咩做得唔好會比人話
媽咪真係好好
佢知道我奶奶家放緊盤
隨時都可能會搬屋 (我男友房係無可能會換任何傢俬或有任何改動)
所以提議我結婚後將屋企大裝修
當然包括我依家間睡房啦
然後我地兩個只需要買房入面o既傢俱就可以搬入去住
直至妹妹搬走後....再裝修埋另一間屋
先正式搬去新屋
呢個提議好吸引，因為我男友依家間房真係容納唔到我d野
而且住係自己屋企當然比人地屋企舒服
所以再同Jerry商量
唉.....佢又唔鐘意.......我都唔知點好
其實佢concern o既問題比我係佢家住所concern o既問題少
但佢一句: 你根本就唔係同我商量，你只係想我應承之嘛
我真係忍唔住喊左出黎
呢樣唔好、果樣唔好、但你又唔比個好d o既提議我
咁我可以點........

小姨甥的小禮服

大姨就黎出嫁
小姨甥當然要做過型仔出黎引下女仔啦
星期六同埋細妹去行街
都睇唔岩
第二日媽咪再同佢地出荃灣睇衫
終於買到套小禮服比Oscar仔啦

好認真架
有埋西裝套

黑色燕尾黎架
唔知會唔會搶Jerry鏡呢 XDDDD

吊帶

Oscar仔親身演繹
你地睇下佢個樣幾神氣 ^^

媽咪今日已經幫佢挑好褲腳
Ready係我大婚當日做個型豬仔啦

做個白滑新娘

踏入倒數一個月
我不得不再勤力d護膚啦
除左一個星期去一定美容院
仲好努力咁做好各樣護膚程序
上次見Gladys買左Kiehl's o既深層潔淨面膜

其實好早之前已經好想試用呢個牌子o既產品
但又唔知邊隻好喎
見Gladys試過話好咪買黎試下囉
果然正呀
做完個mask後再"full" paper mask
立即白滑晒
值得推介

DIY - 結婚證書套

原先無諗過做呢一個項目架
但後來決定做即場註冊，已經立即搵資料
睇下搵邊間公司Tailor-made一個證書套
但偏偏只喜歡"盟"o既作品
又可惜"盟"今年已經唔再接任何訂單
因此我只有DIY啦~~~
參考左Circle o既作品
終於完成左個證書套

首先買一碼米白色o既色丁布返黎裁好
再將2個F4 size o既紙file痴埋
用色丁布包好

由於唔想抄Circle o既設計
因此只係以佢o既作品為基本
係封面加上淺紫色o既lace帶
再貼上先前整candy jar用淨o既小蝴蝶
我無Circle咁好心機慢慢砌好個名後熨上去呀
我只係就咁痴閃石上去咋
所以效果無佢咁靚
不過唔緊要啦 XDDDDDDDDDD

入面o既左邊就放一張過左膠o既12R相
右邊就用卡紙+相角整定個證書托
咁又完成一項啦~~~
獻醜了

蜜月外傳 - Marathon du Medoc

睇"神之水滴"得知
每年o既9月法國紅酒馬拉松 *0*
每年紅酒馬拉松都吸引成千上萬不同國藉的人仕參加
大部份人都會悉心打扮，穿上奇裝異服出席
似嘉年華會多過比賽
跑馬拉松喝水和運動飲料，仲可歎紅酒、食生蠔
賽道途經的數十家酒莊就是大家的水站
等參賽者邊跑邊品嘗紅酒，還有生蠔、牛扒、芝士和巧克力等佐酒美食
冠軍跑手更可獲一大酲美酒為獎品
我同Jerry難得今年9月過去法國
當然想參加呢個盛事啦
可惜原來今年o既舉行o既日期係9月11日
而且參賽名額亦都一早滿左
呵呵~~~唔緊要啦
有機會9月再去法國果時
一定要參與

Marathon du Medoc: http://www.marathondumedoc.com/

免費婚照機會 - Joseph Photo - 「 夏日Two Sweet情侶相大賽」

Joseph Photo為慶祝新成立嘅Facebook專頁，現推出史無前列嘅「 夏日Two Sweet情侶相大賽」!!! 無論你哋係拍緊拖、想結婚、結咗婚又或者已經生埋仔，你地都可以參加呢個比賽!勝出者將獲贈Joseph Photo婚紗攝影套餐一份! 機會難逢，你地仲等d乜野啊?

參加辦法︰
1.     請將你個人資料連相片send去Joseph Photo個email度: josephphotovideoservices@gmail.com (註明：「 夏日Two Sweet情侶相大賽」)

a.      男女雙方真實姓名:
b.      男女雙方Facebook用户名稱及連結:
c.      男女雙方香港身份證頭3位數字:
d.      聯絡電話號碼:
e.      E-mail:
f.      情侶相/婚紗相(相片需要JPG, GIF or PNG 檔案  & 5MB size或以下)

2.     你嘅相片將會被upload到Joseph Photo Facebook專頁

投票辦法:
1.     首先要係Joseph Photo Facebook專頁度click "like"
2.     跟住只需要係張相度click"like" 或 "讚好" 就攪點啦!
3.     經網民投票後， 最多票數嘅一對情侶將會成為我哋今次嘅勝出者!!!佢地將會獲贈Joseph Photo婚紗攝影套餐一份!

記住用盡所有辦法call齊班friend去投票喎!

遞交作品日期: 2010年8月20日至8月31日晚上11時59分
開始投票日期: 2010年9月1日早上00時01分截止投票日期:2010年9月17日晚上11時59分得獎公佈日期:2010年9月18日中午

獎品:
勝出者將獲贈JosephPhoto婚紗攝影套餐一份,價值$6,980優異獎共3名, 均可獲贈婚紗現代藝術油畫一幅, 價值 $2,380 (得獎者需自行來圖以便印制油畫)

婚紗攝影套餐: 

• 3小時室內studio拍攝


• 婚紗 & 晚裝各一套(拍攝用)


• 男士禮服一套連背心 / 腰封/呔 (拍攝用)


• 專業新娘化妝及造型設計(拍攝用)


• 多款名貴首飾配襯(拍攝用)


• 拍攝約100張相片


• 贈與所有原檔連CD


• 8" x 12" 無縫相簿一本入相20張


• 20" X 30" 婚紗現代藝術油畫一幅

詳情請click: http://www.facebook.com/joseph.hong.kong.wedding.photo?v=wall#!/notes/joseph-photo-hong-kong-professional-wedding-photographer/-xia-ritwo-sweet-qing-lu-xiang-da-sai/141189602583316

9月新娘子聚會 - 第四回

係咪好利害呢?!?!?!?!
9月姊妹們已經係上個星期六舉行第四次聚會
原先都諗住臨近婚期
大家都會超級極度忙碌
但都有幾位姊妹係忙裡偷到閒出黎聚一聚
今次又有新朋友仔呀
雖然佢兩位都唔係9月準新娘
但我地都無任歡迎 ^^
Welcome 小歌莉Gloria 同埋佢o既朋友Connie ^3^

由於接近婚期
其實好多要準備o既野大家都做妥左
所以今次出黎主要係.................呻
呻下搞婚禮o既辛酸史
點樣比人激到扎扎跳
又點樣準備我地蜜月之旅
都唔洗我講大家都估到我地又係由坐低開始傾到好晏啦
原本我帶住一副病容黎架
仲昏昏欲睡咁款
但由坐低開始講講講講講
講到成個人醒神晒
由於我之後要去表妹bday party
所以今次我第一個提出要走
真係有d唔捨得添 XDDDDDDDDDDDD

原本想訂outback架，可惜sat有限時
最後去返我上個sat同3v姊妹去過o既Comma cafe
大家叫幾個餐share食已經好夠飽lu ^^

(左起) Carmen, Kalina, Gloria, Connie, Jenny, Sharon, Circle

註定

講返我o既成長片段
雖然暫時仲未有draft睇
但每當我聽到我揀果一首歌
我就會回憶我同Jerry由拍拖後o既片段
我真係試過聽到眼濕濕架
所以我諗我睇到段片我都會好感動囉 T_______T
哈哈.....係咪睇唔出我咁眼淺呢
但我真係覺得呢首歌好適合我地
雖然我記得我好耐之前post過呢首歌o既歌詞
但我想再係度同大家分享多一次

註定 - 梁漢文

這種應該叫註定吧
即使高空跳傘落下
不偏不倚 總飄到你窗下

今天應該叫壓軸吧
東奔西跑 野性年華
終於我也 能攜著你手歸家

這時為此 經過任何事
皆有伏線 通通向你指
我們難得 同渡幾多風浪 都化微妙漣漪
應該繼續可以
同樣抱緊一生 去分享 一襲風衣

微微一笑 就註定了 由遇上開始
垂頭不語 但我預感 早知道有事
來年最後 共誰在雪白場景 牽手宣告誓辭
在那時 我就知 這一日和你 會成事
原來這一句我願意 由六歲開始
練習多次 為了在此 完成這首詩
我今後將會
在每一個日子
不論快樂難過 也同樣專注

這時為此 經過任何事
皆有伏線 通通向你指
我們難得 同渡幾多風浪 都化微妙漣漪
應該繼續可以
同樣抱緊一生 去分享 一襲風衣

微微一笑 就註定了 由遇上開始
垂頭不語 但我預感 早知道有事
來年最後 共誰在雪白場景 牽手宣告誓辭
在那時 我就知 將不斷和你 有奇遇
原來這一句我願意 由六歲開始
練習多次 為了在此 完成這首詩
我一定可以
在每一個日子
不論快樂難過 也同樣專注

不論富裕窮困 也甜蜜相處

真實感

由上年二月決定結婚
五月正式開始籌備
足足渡過左1年零6個月多o既日子
一直個感覺都唔算太真實
可能距離個婚期仲遠啦
但由開始去影婚紗相開始
我切切實實咁感覺到........."我就黎結婚啦!!!!!!!"
計劃蜜月行程亦都一樣
由決定去歐洲時果種得個諗字
去到依家已經訂晒酒店、部份車飛及入場券等
種種都令我覺得越來越真實 (尤其係比錢果一刻 XDDDDDDDDDDD)
仲有個多月就完成我人生裡面暫時第一個大project
希望到大日子當日一切順順利利
之後可以開開心心去honeymoon ^^

Final 男禮 @ MODE (曳仔版)

終於到男主角final啦
去之前我又再三思量
究竟我同Jerry都好鐘意o既英式燕尾
係咪真係配合到我其他晚裝呢?!?!?!?!?!?!?
好擔心Jerry個feel比我更隆重
不過諗咁多都冇用，最好當然問下專業意見啦
係約定時間去到MODE
今次由Metal幫手招呼我地
其實我幾次陪朋友上去蓋印仔都係見到Metal睇舖架o勒
首先我將我當晚會著o既晚裝款式同顏色講 & 我o既諗法話佢知
希望佢可以比少少意見我
Metal講解一輪之後
就拎左佢地新返o既日式燕尾禮服出黎比Jerry試
咦....唔錯喎
大家睇下呢條友....寸得佢呀 XDDDD
呢個look係接新娘果時o既look....由於接新娘時玩遊戲
所以應該連背心都唔會著
另外，呢套禮服亦會襯我其他晚裝一齊出場的

不過我都係死心不息
叫Metal幫Jerry再試上套英式燕尾
雖然真係好好睇
但睇黎真係襯唔到我d晚裝又或者係褂囉
所以都係放棄啦
配件我地襯左銀色背心同埋銀色bow ^^

另外，原先留左香檳金色o既禮服
但睇睇下覺得唔係咁好睇
最後都決定轉做白色禮服
由於白色邊個著上身都會顯得肥d
只有著日式燕尾係最修身架
所以又係揀左日式款
死仔....係都唔係正經少少比我影 XDDDD
不過呢套我覺得好好睇
配件亦襯得好好

由於個人認為Jerry太過大隻仔
所以建議佢白色禮服襯黑色西褲
但Metal話白色褲佢會照跟比我
到時再決定點著都得
又好.........多個選擇
搞掂..........yeah/////////////////////////
confirm晒d單後就去比埋尾數o勒
哈哈....Metal見到我張卡仔好似唔多信咁
數左2-3次
不過其實都係得5個印仔啫
多謝各位搵我幫手o既朋友們呀
咁我就慳左500大元啦 ^^