shopping後立即join埋Jerry一齊去酒樓
主要有兩件事要辦
第一就係睇下酒樓包o既DVD，燈箱海報同埋簽名布
燈箱海報我用左我最愛o既一張
經過大家o既投票同埋參考過大家o既意見
最後我揀左呢張做簽名布
白色地方可以用金色同埋紫色筆簽
深色地方就可以用銀色筆簽..........good ^^
酒樓包o既DVD，都算係唔錯架o勒
呢隻碟裡面全部都係婚照
諗住入席前不斷播
荼毒大家o既眼晴為任 XDDDDDDDDDDDDDDDD
第二就係Confirm菜單
我地揀左新推出o既環保菜單，另外轉一個菜就搞掂啦
大日子前一個星期confirm埋圍數就進入最後倒數階段
順便去睇下佢地個backdrop啦
點知皇廷話會轉喎
如無意外會係我地大日子前轉好
問佢會轉咩色，佢地設計師都仲未交設計
所以唔知
但應該會轉米白色..........
其實我都幾鐘意依家o既粉橙色架
希望唔會轉個我唔鐘意o既backdrop啦~~~~~~
其實米色都好呀, 夠"八搭"呀~
回覆刪除咩色既衫都襯到~
好彩都轉左米色呀, 仲會有小小紫色既絲帶點綴, nice~
[版主回覆08/31/2010 12:44:00]佢話米白色或白色.....白色....我怕我接受唔到囉.......唉
我都係皇上皇呀!!~ 好可惜他在我場地做左個好"娘"既 backdrop....激死我!!~ 現在都唔知到點算!!! 好想一手拆走去 用左D紫色同橙色花...仲有天使仔....用埋LED燈...簡直"娘"到爆...好無奈呀...希望他們幫我地做既片段會好D...
回覆刪除你用既簽名布真係幾好...有多白色位, 同埋2個都望鏡頭
[版主回覆08/31/2010 12:46:00]我就係擔心佢搞到好娘呀....唉....唔換好過換啦
唔.. 我琴日係你既 blog 留唔到言呀
回覆刪除米白色呀... 唔錯
[版主回覆08/31/2010 14:32:00]係米白色都好呀, 唔好轉白色...我暈都似呀 @@ 好怕出黎效果唔好要求佢地再轉都轉唔切啦
係facebook就可以睇到我個backdrop有幾"娘"啦...係爭色咪好囉...搞咁多大龍鳳...真係無奈!!! 個經理仲要話好靚...效果非凡!!! 搞到 我現在唸緊點同佢地倾...不過我唸我個backdrop冇得換架喇...
回覆刪除希望你可以得到心水既backdrop!!
[版主回覆08/31/2010 16:45:00]原來我之前未add你喎, 岩岩add左...等你reply再去望下 ^^ 我都好擔心佢將個主台搞到唔知點咁, 依家其實我total有3個台比我用架, 但主台搞到核核突突的話, 我真係喊架
我add左你啦!! 你開我未婚夫生日果度睇吖 ^^
回覆刪除[版主回覆08/31/2010 23:15:00]睇左啦, 個場幾正喎, 都算好靚架啦, 又新淨
咁快轉backdrop????
回覆刪除[版主回覆08/31/2010 23:15:00]係喎...唔知會轉到點囉
加油呀~不過依家得返2個禮拜仲轉backdrop既?如果係米白色都好襯衫既.........^^...希望你順順利利la.....到時上黎搵下你la..haha.....
回覆刪除[版主回覆08/31/2010 23:59:00]米白色都好o既, 但希望唔好搞到鬼五馬六就ok啦 好呀, 歡迎你呀~~~~
最後倒數階段喇~ 點解我會咁緊張o既呢?
回覆刪除[版主回覆09/01/2010 10:02:00]哈哈....我係超緊張添呀