寫漏左呢篇添
又係去私家覆診o既日子
無記性媽媽一心諗住睇五點九
但其實係約左五點鐘囉
搞到我比平時等多成個鐘先有得睇添
入到去同e生傾下計
又去照小B啦
一如以往，e生唔解釋真係唔多睇得明
今次張usg相影左小B個小姑姑同埋小B o既正面呀
小B到呢日已經有2.52lbs啦
屬於中碼B
keep住呢個進度都ok啦
QQB ^3^ Mama love you
2011年3月28日 星期一
3月22日 (28w3d) - 再會小B
2011年3月26日 星期六
Minimoto 小米米淘寶團購 (2)
其實第二次團購
就係收到貨o既媽咪post上6月媽咪會o既時間無耐已經發動
因為大獲各位靚媽o既好評呀
所以吸引左更多媽咪有興趣
本來諗住少少地，就由另一位媽咪做搞手
直送去佢國內公司，可以再慳返d運費
但真係太踴躍啦
因此我決定再由我做搞手
本來諗住比四日時間d媽咪慢慢揀
但慢慢發現參與o既人數同埋購買o既貨品真係好多
唯有早少少截訂單
最終連埋我自己，總共有35位媽咪一齊團購 ^O^
夾埋買o既貨品達到174件，非常利害
我淨係用時間去為每一位媽咪做一個excel order list
再用email同佢地re-confirm都用左我唔少時間呀...haha
不過我又做得好開心bor
唔知點解，我好鐘意幫到人果種感覺
由於貨量太多，涉及金額去到7千幾蚊港幣
所以今次我都要收deposit先
大家都好快手處理好，等我可以馬上安排
我用我三寸不爛之舌同賣家講左好耐價
佢真係一蚊都唔肯減我呀
冇計啦，佢話佢地小米米來貨價係貨價48折
訂價已經太過低，冇空間再減
算啦，都冇辦法
但賣家身處上海，估唔到d貨運黎香港要成7百幾蚊港紙
所以我又再諗方法希望慳多少少
最後，就進行左我第一次o既集運啦
先叫賣家送去廣東集運公司o既地址
再由廣東轉送過黎....最終慳返差唔多1百蚊....好過冇啦
我真係要大大多謝Elaine Meow借出公司地址比我收貨同分貨
而且佢同佢姑姐都一齊黎幫手添
實在好感動
好啦....比大家睇下我地淘返黎o既東東有幾誇張先
先睇張貨單 @@
兩大箱 (唔怪得運費咁貴啦)
先點貨，攤開晒d貨轉頭逐份執
分好左一袋袋後o既盛況
呢d就係我自己o既
最後就係安排派貨啦
呢樣又要多謝Elaine Meow
大部份o既貨都係經佢派出架，麻煩佢老公幫我車去不同交收點
除此之外，仲要多謝Ka Li
借出舖頭比我放貨，等各媽咪自提貨物
今次呢個大團購可以話係非常成功
唔知我仲有冇能力幫大家淘第三次呢 ^0^
2011年3月25日 星期五
3月19日 (28w) - 小B的東東 (2)
之前果篇都有提過我會同媽咪group o既mami交收
等我都show下我又買左d咩先
有Elaine同埋Tebby幫手淘o既內袋分隔、口水肩同埋bb衣架
仲有幫Kitty買o既handmade口水肩
Kitty好好架，所以收入都會用黎做捐款
而且手工同埋款式都好靚
我好鐘意 ^0^
與戰友聚會 @ 19/3/2011
期待以久o既聚會終於都到啦
自從上年10月大家出過去BBQ之後
就一直未約得到大家
無計啦，做左C9係忙D架o勒....始終要顧多個家嘛
諗返原來識左大家差唔多一年架o勒
我地真係一齊奮鬥互相勉勵，我當大家係親密戰友黎架o勒
講返個gathering先
我今次都係約左大家去旺角o既樓上cafe
但為左方便我同6月某幾位mama交收
所以我揀左6月媽咪group gathering o既地方 (haha..有私心架)
好彩大家都有興趣試新野啫
去到依家不停傾，幾次想叫野食又比其他話題stop左
最後我地8個人叫左個party餐，盛惠每人$132
但估唔到有咁多野食架，而且飲品仲係任飲添
岩晒啦，我地真係雞啄唔斷架嘛
包一杯野飲平時真係唔多夠
大家睇下d野食幾豐富
今次話題圍繞住婆媳關係同埋生bb
嘿嘿...大家都好關心生bb o既問題架
因為大家都好想快d生返個肥肥白白o既小寶寶嘛
就係咁我地係cafe消磨左四個幾鐘
唔多捨得之下離開lu
搬返左青衣，我仲可以同埋鄰居Zoe一齊搭車返去添
唔知我生之前仲有冇機會再見大家一次呢 ^0^
2011年3月22日 星期二
2011年3月16日 星期三
Minimoto 小米米淘寶團購 (1)
點解叫團購 (1) 呢
因為我已經著手搞第二次團購啦 
講返呢次先
之前各位媽咪會o既mama都襯住各大百貨減價
不斷搜購bb用品
其實最多人選購的就係小米米o既產品
後來我地研究過
小米米生產地其實係國內
所以我地就不斷search下淘寶有冇相關o既產品
當然不負眾望啦
而且我仲搵到一個由第二友blogger推介o既賣家添
於是膽粗粗係媽咪會度問下有冇人有興趣一齊訂
可以share下d運費嘛
雖然我地未有人正式經淘寶買過小米米產品
但呢次團購都有13位mama一齊參加
我負責統籌....總共買左35件產品
大家睇下我地箱貨幾大盒 
拆買個箱
真係放滿晒架
分好晒一袋袋準備派比其他mama
呢兩件就係我買比小B o既
經我地比對過後發現
質料同香港買到的一模一樣
但價錢可以話係香港的6折
之後我地又發現自己好似有野未買
於是就發動第二次團購啦
2011年3月13日 星期日
2011年3月11日 星期五
強生& BB Care主辦的孕媽媽免費產前講座
3月4日出席左由強生& BB Care主辦的免費講座
講座係灣仔o既香港小童群益會舉行
一早登記左諗住同埋Jerry一齊出席架
點知佢又臨時要返大陸做野
趕唔切返黎
我唯有自己一個去啦
好彩6月媽媽會都有幾位mama出席
我就用facebook聯絡係會場同另一位mama Kitty相認
傾傾下仲發現包包面同佢老公坐左係前面添.....haha
講座主要講胎教同嬰兒護理
亦有一part講孕婦按摩
我覺得內容好實用
可惜o既係Jerry黎唔到，唔係等佢教返兩下幫我按摩嘛
我最鐘意佢講胎教果一part
陳姑娘教我地每晚都要同小B傾計之外
baba仲要每晚同小B講故仔同唱歌仔架
仲有我地要幫小B起個乳名，由依家開始每次同佢傾計都要叫佢個乳名先
haha...我決定叫小B做小朗尼 
聽完講座之後仲有助產士示範正確沖涼方法
但呢樣我之前學過所以冇睇就走lu
估唔到強生都幾大手筆架bor
所以出席o既mama都可以得到一份由佢地送出o既禮品
你地睇下幾豐富 
BB Care其實都有不同o既免費講座
我另外報左"產前產後六十天"的講座
希望到時Jerry得閒同我一齊去啦 ^^
2011年3月10日 星期四
2011年3月6日 星期日
孕婦按摩
對於我呢個骨精黎講
另一個忍得好辛苦o既就係冇得返大陸揼骨啦
以前同老公一個月返去一次架嘛...
唉...好可憐
以我所知，香港其實都有專係為孕婦做按摩o既公司
但我又唔頭唔知路，而且應該比普通o既貴
所以冇專登去搵
但早前係010買左一d mama 產品
佢地就送左一次療程比我試
的起心肝搵日去試下d手勢
呢間公司標榜所有療程只為產前及產後婦女而設
好快就搵左個按摩師幫我
我搵左做肩頸按摩，再加做腰部按摩同熱full
其實技師的手勢都唔錯
但始終唔係我想要果d囉
無計啦，我最後泰式按摩......
所以佢地點sale，我都無動於衷
佢地d 療程比我想像中平
但自己又唔知有幾多時間可以成日去喎
又想留多d錢比小B
所以最後....我都係空手而回 XDDDDDDDDDDDDD
快d快d快d到8月啦，到時我實第一時間返大陸揼返夠本呀
2011年3月3日 星期四
keep住買
除左要買大量野比小B外
我冇理由忽略左自己同埋Jerry架嘛
哈哈....出完花紅其實都買左好多野架o勒
買左喜愛的miumiu後
又有新目標.......新興o既嬌蕉包
暫時想買呢個袋都只能夠上網搵人代買
我問過唔少o既網上商店
依家個袋起碼6xx-7xx先有交易
難得比我係淘寶都搵到人代購
所以膽粗粗試下
淘寶好就好在，用支付寶的話
貨到真係有問題，可以退貨退款
最後揀左佢地o既香檳灰色，haha...感覺好似elegant d
呢個色佢地有現貨
所以比錢後兩日就收到貨
包裝得唔錯架
所有配件
近攝係咪好似皮袋呢...呵呵
證書
經我多番上網對比過真假袋之後
確認呢個係正版貨就放款比賣家....yeah...又有新袋用啦
至於Jerry，呢輪佢成日都想去朋友家打XBOX
玩到上晒癮
終於我都決定比佢買返部
佢不知幾開心，果晚收工已經話立即去買
買得當然成set買啦
連埋KINECT SET...盛惠3,130
baba已經迷上打XBOX啦，連佢最愛o既"mon亨"都玩少好多
之後就係早前我表妹搞o既B5 Gel團購啦
貨終於都到我手
唔好睇少呢度呀
幾千蚊野呀......搞到我好似做批發咁
不過價錢真係好抵
大家有興趣的話，下次再搞團購通知你地呀
2011年3月1日 星期二
瑪嘉烈婦產科產前講座 - 第五堂
真係咁岩得咁繑
我隔個星期都去唔到上堂
所以我暫時只係上左第一，第三同第五堂....haha
呢日o既topic係
"產前產後情緒變化，產後及嬰兒護理與沐浴"
唔知係咪講沖涼呢
呢日全個禮堂爆滿...非常利害
開始就講孕婦產前產後o既情緒變化啦
我一直都覺得呢d講座係爸爸係必須要參與o既
因為我地懷孕期間有好多不適
荷爾蒙o既影響令到我地情緒好多時都好不穩
但又好難解釋比佢知
由專業人士講出黎
佢地就會真正咁明白我地點解有時會變到咁易唔開心
點解會咁易發脾氣
之後就開始講嬰兒護理啦
我要Jerry細心聽呀，因為我希望佢係呢一part可以幫輕下我
姑娘除左解說之外
仲播放左一段真實o既沖涼片段
唔知點解大家都覺得段片好搞笑
笑聲四起
可能係見到姑娘個示範雖然好正宗
但我地都睇得出BB唔係好享受啦 XDDDDDDDDDD
睇就睇左啦
但到左第一次真正幫小B沖涼時，我都會手忙腳亂囉
我好多朋友都話頭一個月都唔敢幫BB沖涼架
怕整親佢，希望我可以努力做到最好啦
呢日仲遇到6月媽咪group o既Mandy添
大家仲傾左幾句
下一堂我又黎唔到啦，因為我要去上強生主辦o既免費講座呀
訂閱：
文章 (Atom)