除左要買大量野比小B外
我冇理由忽略左自己同埋Jerry架嘛
哈哈....出完花紅其實都買左好多野架o勒
買左喜愛的miumiu後
又有新目標.......新興o既嬌蕉包
暫時想買呢個袋都只能夠上網搵人代買
我問過唔少o既網上商店
依家個袋起碼6xx-7xx先有交易
難得比我係淘寶都搵到人代購
所以膽粗粗試下
淘寶好就好在，用支付寶的話
貨到真係有問題，可以退貨退款
最後揀左佢地o既香檳灰色，haha...感覺好似elegant d
呢個色佢地有現貨
所以比錢後兩日就收到貨
包裝得唔錯架
所有配件
近攝係咪好似皮袋呢...呵呵
證書
經我多番上網對比過真假袋之後
確認呢個係正版貨就放款比賣家....yeah...又有新袋用啦
至於Jerry，呢輪佢成日都想去朋友家打XBOX
玩到上晒癮
終於我都決定比佢買返部
佢不知幾開心，果晚收工已經話立即去買
買得當然成set買啦
連埋KINECT SET...盛惠3,130
baba已經迷上打XBOX啦，連佢最愛o既"mon亨"都玩少好多
之後就係早前我表妹搞o既B5 Gel團購啦
貨終於都到我手
唔好睇少呢度呀
幾千蚊野呀......搞到我好似做批發咁
不過價錢真係好抵
大家有興趣的話，下次再搞團購通知你地呀
whahah,扛狂買呀你~
回覆刪除[版主回覆03/15/2011 00:04:00]係啦...買唔停手咁
我都訂左個袋呀~不過我要既色要等到4月先有貨呀...>.<
回覆刪除[版主回覆03/15/2011 00:04:00]你要咩色呀???? 呢個色都幾好 ^^ 其實我都幾鐘意tiffany blue呀
個嬌蕉包我都有興趣, 你係淘寶買幾錢？ 下次有團購記住預埋我
回覆刪除我好out呀, 唔識哩個嬌蕉袋! 等我又留意吓先~幾靚喎!
回覆刪除[版主回覆03/16/2011 11:49:00]haha..我想買多個添呀 ^^
個袋幾靚wor... 可以做你既奶粉袋添... ccc
回覆刪除係淘寶買野真係好大風險... 好怕買假野... 好唔敢試... 你真勇敢 我都好想知道你的賣家是否賣正貨 ... 等你消息!
[版主回覆03/16/2011 14:28:00]係bor, 你咁講, 又真係可以買多個做奶粉袋喎 我total幫個賣家買左3個袋啦 (幫朋友), 佢係正貨黎架, 況且收到貨check好左先放款, 一d都唔洗擔心
喂喂, 攪團購預埋我呀...我都有興趣喎...
回覆刪除[版主回覆03/16/2011 17:20:00]冇問題呀, 不過b5 gel團購冇咁快會有囉, 因為岩岩先買左咁多 :p
真貨就好好了! 我都幾喜歡個落日橋... 考慮緊買唔買...
回覆刪除快D買翻個彩色D既黎做奶粉袋啦!! kekeke...
[版主回覆03/16/2011 17:20:00]XDD 我都係諗住買多個sharp色做奶粉袋...haha