台灣80年老店 老協珍熬雞精體驗

近年身邊好多人開始飲滴雞精，滴雞精可以話由台灣引入香港嘅
初時多數係產前產後嘅婦女飲用
依家變成好多人都會飲用黎強身健體
今次我就試飲左係台灣擁有80年歷史嘅老店 ~老協珍熬雞精~
認識老協珍，主要係徐若瑄嘅大力推介
Vivian懷孕及安胎期間，都係飲用徐媽媽係台灣帶比佢嘅「老協珍熬雞精」
所以雖然Vivian 卧床安胎四個月，產後仍然維持好氣色

除左Vivian外，其實都仲有不少名人明星有飲用架

老協珍嘅產品主要係用熬雞精採用左獨門「熬工法」5倍濃縮精華
含有豐富的蛋白質、胺基酸、膠原蛋白
營養成份價值相對比其他滴雞精品牌高
所以好補身，適合產前產後既媽媽飲用！
熬雞精經過多重嚴格檢， 0味素、0膽固存，0抗生素，口感醇郁
全部都係由飼養12個月大的第二代老母雞才能萃取
堅持真材實料，不添加任何中藥成份
適合唔同年齡層與體質既人，唔洗擔心唔啱飲啦

之前都有聽過朋友們話每日飲滴雞精令到身體好燥而唔再飲用
我今次就連續飲足7日，睇下會唔會有類似情況出現
老協珍嘅熬雞精都係獨立包裝，設有常溫及冷凍包裝
如果屋企雪櫃無咁多位置放置嘅話，當然建議買常溫包裝
常溫包裝用左高溫高壓嘅技術消毒及密封，保存期有18個月
建議嘅飲用方法係每日一包，最好係早餐前空腹飲用
咁會有更好嘅吸收效果

 

我通常返到公司第一件事撳滾水，連包裝浸熱
大約3分鐘左右就拎出黎
撕開包裝倒入紙杯飲用
我仲習慣飲用後等大約15分鐘先食早餐
味道好香，易入口，唔油膩
飲後唇邊有少少黏黏地嘅感覺，感覺到有豐富嘅膠質
我飲足7日，完全無出現朋友飲其他滴雞精嘅燥熱嘅感覺
而且熱量只係14大卡，的確非一般的滴雞精

如果大家想知道更詳盡嘅產品或訂購嘅資料
可以去佢地嘅網站了解更多

香港官方網站：https://lxz.com.hk/
熬雞精資料：https://lxz.com.hk/Categories/chickenessenceRT

RAY ( 妝蕾) 蠶絲面膜

2月頭已經收到呢份試用架啦

天氣寒冷唔想敷住~~hea下hea下二月中先試用

估唔到一試愛上

但咁岩二月中又過年，又澳門又返大陸

真係忙到不可交關

搞到遲遲都未能寫好個分享 

RAY 面膜是一款泰國進口的蠶絲面膜

而妝蕾®係佢地官方中文版名稱

佢嘅蠶絲面膜分兩款，金色 & 銀色

兩款分別有唔同嘅功效

金色嘅成份包括鍋牛原液、金箔、膠原蛋白

主要功效：緊緻彈潤 / 淨斑亮白 / 淡紋去痘 / 柔嫩幼滑

銀色嘅成份包括鍋牛原液、海藻、膠原蛋白— 提亮膚色
主要功效：收細毛孔 / 嫩膚抗皺 / 持久保濕/ 提亮膚色

而蠶絲面膜嘅好處就係佢嘅構造成份同人體皮膚相似，極度親和肌膚

滲透力同保濕度都比普通面膜高

我第一次先試用金色

獨立嘅包裝入面，有一層塑膠片同一層藍色的膜包住水潤嘅蠶絲面膜

面膜都幾大片，相信面較大或額較高嘅都能夠覆蓋到

 

跟指示大約敷15-20分鐘後將面膜輕輕拎走

我會再按摩約分鐘

等面上剩餘嘅精華好好咁吸收埋

然後抹左佢再過水

用完個感覺好彈，好似吸收左好多水份咁

感覺非常良好

所以我隔日就試埋銀色添

兩款比我嘅感覺都一樣，用後皮膚好吸收

連上妝都易左

我係第一次用泰國嘅品牌

估唔到咁有驚喜

佢地嘅價錢仲好相宜添，所以呢個產品回購率好高

你地只要去指定嘅零售商就可以買到架嘞

發售:全線 SASA 化妝品(包括香港及澳門地區)、萬寧(包括香港及澳門地區)、雅施
ASTER 及阿布泰國生活百貨有售

不過聽講都有唔少仿冒品架，想知自己買嘅產品係咪正貨

可以上 www.rayanskin.net 查明正身啦

 

 

 

ageLOC® LumiSpa

今次試用最新嘅ageLOC^® LumiSpa

其實市面上已經有好多唔同牌子嘅美容儀器，我一直都想買返部用

因為洗面係護膚中最重要嘅一步

呢步做得好先可以令肌膚好好咁吸收之後搽上面嘅護膚品

但我對於毛刷刷頭比較抗拒

始終我怕自己處理得唔好，清潔反而變成污糟

而ageLOC^® LumiSpa嘅導頭係由柔軟及含有銀離子抗菌醫學級矽膠製成

結合獨家首創的微脈動反旋科技設計

能溫和地去除肌膚表層老廢細胞的同時

幫助肌膚做運動有效促進後續護膚品的吸收

所以佢並非一般嘅美容儀，清潔嘅同時可以去角質

做到煥膚同淨化嘅功效，真係一機雙效

第一次使用只需要充滿電就可以，充一次電大約可以用到7-10天

ageLOC^® LumiSpa操作方法好簡單

1) 先用暖水弄濕面部

2) 再將把適量的淨膚露取出並搓至起泡，再均衡地塗於面上

3) 然後啟動 ageLOC^® LumiSpa，它設定為旋轉兩分鐘，每隔 30 秒會自動停頓一下，提示轉換清潔的部分，期間唔洗大力按壓，只需要輕輕咁按摩面部即可

4) 兩分鐘後ageLOC^® LumiSpa 會自動停止，然後用暖水洗走面上嘅污垢

5) 最後隨即將矽膠導頭拆下，用清水清洗乾淨

未用前，我自己以為係清潔嘅時候

會產生大量嘅泡泡嘅

但原來唔會嘅

對於慣左洗面鐘意起晒泡嘅我，初時有少少唔慣

但最重要係功效

用完ageLOC^® LumiSpa後，唔會有刺痛嘅感覺 (硬係覺得d毛刷頭用久了會吉吉地)

沖水後亦唔會感覺乾爭爭

另一好處係，ageLOC^® LumiSpa係防水的

我仲可以一路沖涼一路用添

當然用完後要抹返乾先拎去充電呀，充電座就當然唔防水啦， (*充電座並不防水)

產品及資料來源: NU SKIN

#ageloclumispa #purifiedskin #skinrenewal #skinreNUwal #1step2mins #Deepcleansing #Dualaction

---

訓係度無痛修身 - 「Vanquish ME™隔空溶脂」

減肥可以運動、節食
由今年6月開始，我積極修身，開始返我喜愛嘅泰拳外，仲玩埋TRX
雖然速度係慢啲，點都健康啲，比食藥減肥好 
但生過小朋友嘅身體，都唔係真係話瘦就瘦到想佢瘦嘅地方
所以想加速線條修得夠靚嘅
可以借助減肥儀器嘅幫助
我之前都試過減重後再去做機修身，成效真係好好多

今次我收到Veuns嘅邀請
試用Vanquish ME™ 隔空溶脂儀
佢嘅賣點係無痛無創、無復原期、能有效減少脂肪同時不會損害皮膚、肌肉同皮下組織
當然係進行療程之前，療程顧問都會先了解客戶嘅身體狀況先
睇下係咪適合進行療程

 

 

 

 

完成問卷後， 療程師Cathy就帶我入房換衫
換好衫後，就向進行溶脂嘅部位度尺寸 

療程開始前，Cathy幫我用X-WAVE 高壓脈衝擊脂槍先撃散脂肪
進行緊X-WAVE時，你會聽到好似打椿嘅聲音
佢係用放射狀氣壓彈道式原理，以高壓衝擊出快速發射子彈
當子彈衝擊到傳導子， 隨即發出衝擊波擊散脂肪
係同物理治療時會用嘅衝擊波類同
完成15分鐘 X-WAVE後就開始用Vanquish ME™ 隔空溶脂儀

療程師Cathy將儀器set好， 佢真係做得好仔細
係唔同嘅方位睇下儀器同我皮膚嘅距離
確保我儀器係最佳嘅位置而又唔會掂到我嘅皮膚
治療嘅範圍更加廣達68 x 19 cm
儀器以標靶式針對皮下5-15mm嘅脂肪細胞進行加熱至攝氏46度左右
令脂肪細胞受熱後自然凋亡，凋亡後嘅脂肪細胞會經不同形式排走

進行緊溶脂療程時，療程嘅部位會感到微溫
而療程師亦會全程在場，每隔一會就幫我探測下不同部份嘅皮膚溫度
以確保一切運作正常
慢慢我感到療程位置有少少酸軟嘅感覺，就好似我平時做完運動肌肉酸痛嘅感覺
Cathy話我應該多做運動，所以感覺來得快，呢個反應非常好
完成30分鐘溶脂後，再做15分鐘 X-WAVE
加強擊散脂肪嘅力度

最後度一度身，只係用左1個鐘左右嘅時間
我地腰肚竟然有2-4cm嘅減幅
令我驚訝
真係訓係度都修到身呀

~~Before & After都幾明顯 ~~

一個療程為4次，最理想就係隔7-10日做一次
完成整個療程
期間可以做適量運動，但唔好太過劇烈
完成療程後幾日我都感覺到酸軟感，Cathy話係脂肪凋亡要等肌肉復原
大約7日後就無晒呢個感覺
呢7日內我都有繼續做運動呀

Vanquish ME™ 隔空溶脂儀美國食品藥品管理局 FDA 及 歐盟 CE 安全認可
安全﹑有效、而且仲係無痛添 

 

如果大家都有興趣想試做Vanquish ME™ 隔空溶脂塑身療程
可以去Venus Aesthetics嘅Facebook專頁查詢
又或者可以直接打電話去問 
試做價：HK$1,580 (包括X-WAVE) 

Venus Aesthetics

地點：銅鑼灣耀華街25號丹納中心19A

聯絡電話：2988 1239

Facebook: https://www.facebook.com/venusaestheticshk/

Dermis Beauty “束腹推宮”療程

生完芯芯一直好難瘦落黎
可能因為二胎、可能因為年紀大左
重災可以講係個肚
我餵人奶餵左年前，period就一直無黎咁耐
唔知係咪因為咁，就算係我節食+運動減肥
都感覺到個肚谷谷咁
真係諗起都灰

早前朋友叫我去Dermis Beauty試試佢地嘅《束腹推宮術》療程 
最好把握產後黃金修復期﹝即係順產後1個月或剖腹生產後3個月﹞
進行行束腹推宮術，加快子宮收縮及歸位
咁就可以改善腹肌鬆弛，快速收身
雖然我已經錯過左黃金修復期
但我都想改善我嘅根本問題
所以試試無妨
佢地有試做價架
束腹推宮術＋50分鐘人手按摩（原價HK$1,880; HK$980/90分鐘 ) 

進行療程之前都需要填一份問卷
等佢地了解客人嘅狀況

首先由治療師幫我按摩個肚
利用推按手法刺激大腸小腸達至排毒功效，大約用30分鐘啦
然後，就係肚上敷Lanluis排毒淨化香薰泥泥膜
再等15分鐘抹去
最後，用專門訂回來嘅強韌的紮布由下而上的將成個肚腹包扎
大約keep住束腹6至8個鐘
就可以解腹帶同埋清潔

成個療程佢地建議我地做14次至28次
每星期不少於3次
當然會按每個人嘅實際需要而調整啦

進行療程時同治療師傾計
佢覺得我個肚好多風又實，所以先成日肚谷谷
加上我2年有多未黎過經期，其實"養宮術"都好適合我 
推肚時係有少少痛，但都叫忍受到
扎住帶時成個人直晒咁，條帶唔同我以前用過嘅扎帶咁有彈性嘅
相信咁樣會更有效去扎實
第一次完成拆帶後效果係有嘅
唔知係咪做過療程嘅關係，我覺得之後做運動條腰+肚修得快左
兩個星期後，兩年幾無搵我嘅親戚仲重臨添
肚谷谷感覺走晒
原來努力之餘，仲要搵岩嘅方法
先可以事半功倍

 

大家有興趣可以去佢地網頁或Facebook專頁了解更多

Dermis Beauty Spa 店舖資料料 :
1. 佐敦總店：佐敦德成街4-16號富裕臺地下一號舖
預約熱線 : 2375 4988

2. 杏花村：香港杏花新城西冀1樓P145-146號舖
預約熱線 : 2898 7616

Dermis Beauty Slim Spa 官網 : http://dermis.hk
Dermis Beauty Slim Spa Facebook 專頁 : https://www.facebook.com/dermisbeauty/

** 以上為個人之真實感受，實際效果因人而異

mifold 兒童汽車安全椅

最新入手嘅仲有呢樣 - mifold 兒童汽車安全椅
尋晚一收到我就立即交比朗朗
朗朗收到呢份禮物~~~
摸不著頭腦，諗左好耐究竟係咩黎

最後我同佢玩猜謎，比左少少提示佢
佢終於都知mifold係一張比4-12歲小朋友使用嘅汽車安全椅啦
芯芯都好醒目，係咁話"安全帶~安全帶~"

呢個全球最輕巧便攜汽車安全椅係由英國設計品牌公司mifold研發嘅
同一般嘅car seat又大又重相比，真係輕巧方便好多
唔阻位置，就咁放係隨身嘅背包就可以拎出街
尺寸只有25cm×12cm×4cm，重750g
如何操作我就咁講未必講得清楚
我係youtube搵到段片介紹用法嘅，大家可以睇睇

mifold汽車安全椅裝拆方便，只需要第一次用前做簡單嘅調校，就一勞永逸
唔洗每次上車再調校

當朗朗了解左呢個安全椅嘅使用方法後
立即興緻滿滿，好想可以立即試用
緊係啦，每次朗朗坐車時要纜安全帶就好唔願意
因為佢成日覺得條帶會勒住佢頸嘅位置令到佢好唔舒服
佢已經提左我，黎緊返大陸旅行同埋出街用車時要帶定係身 
真係好輕巧，只係佔左朗朗個袋少少嘅位置

mifold有6個顏色比大家選擇
包括粉紅、淺灰、深灰、綠、黃及藍色
我就揀左sharp醒嘅綠色

更請盡嘅資料可以到佢地嘅網址： http://www.blissandbless.com/mifold/151
如果係BB展購買mifold仲會有折優惠再另加送HK$50入油現金券
抵上加抵

BabyGanics 幼兒啫喱牙膏

為小朋友揀選牙膏都好重要
雖然氟化物可以預防蛀牙
但其實最有效預防蛀牙嘅方法係減少吃喝次數
除左正餐外，唔好食太多零食都好重要
所以為左唔想朗朗攝取到氟化物，我會揀無氟牙膏
 
美國製造嘅Babyganics嘅幼兒啫喱牙膏不含人造色素、糖精、硫酸、防腐劑、麩質等等
的確係父母之選
佢仲有小朋友鐘意嘅西瓜味同埋草莓味添
朗朗就比較鐘意草莓味
你地嘅小朋友呢? 

 

2017「第25屆國際嬰兒、兒童用品博覽」
地點：會展新翼 Hall 1 展館
展銷日期：8 月4 - 7 日 (星期五至一)
BabyGanics展位: G01

Dr Brown's 最新闊口 PESU排氣奶樽

奶樽一般六至九個月咁上下就要更換一次

芯芯岩岩踏入19個月，意味住又係時間換奶樽啦

今次我揀左Dr Brown's最新嘅闊口 PESU排氣奶樽

獨特排氣設計有效減少肚風同嘔奶情況出現

而且佢嘅耐熱度進一步提升，達至耐熱190°C 

奶樽所有部份仍不含雙酚A (BPA)

咁父母就唔洗擔心啦~

芯芯依家大食左

用呢個9oz樽就真係fit晒啦

黎緊又係一年一度嘅BB展啦

去到會場買新款Dr Brown's 闊口 PESU排氣奶樽同其他產品有8折

記得去掃貨啦~~

2017「第25屆國際嬰兒、兒童用品博覽」
地點：會展新翼 Hall 1 展館
展銷日期：8 月4 - 7 日 (星期五至一)
展位: G01