搜尋此網誌

2015年7月29日 星期三

WeShare x 德國寶親子烹飪班

今次收到WeShare嘅邀請
出席德國寶係Megabox嘅廚樂體驗館舉辦嘅《親子烹飪班》
當日嘅主題係『日式親子造型午餐盒』
一入Megabox搭lift上5樓,右轉就見到德國寶
行到最入就係『廚樂體驗館』,非常易搵

呢日除左我同朗朗外,當然仲有其他親子一齊參與啦
入到去,先著好為我地準備嘅圍裙 
然後就聽導師嘅講解啦
除左講解點樣去整一個靚靚嘅便當外
當然有講解埋放係廚樂體驗館嘅廚具嘅使用方法啦

然後揀好位置坐好,再出去拎所需嘅材料就開始整啦
朗朗好投入,每一個步驟都想參與
我當然比佢發揮啦




有朗朗嘅幫忙,好快就完成左靚靚嘅『日式造型午餐盒』
淨係見到都已經好想食,好吸引啦



其實我地好多材料只係需要少量就可以完成
為左唔浪費任何食物
我就叫朗朗食埋剩餘嘅材料
朗朗當然好開心啦
坐係度乖乖咁用紫菜包埋d飯餸做飯團即場食埋佢

今次呢個活動,除左我好享受外,朗朗亦都樂在其中
主要係,屋企個廚房又真係無咁大
可以比我同朗朗同時間係入面一齊整野食
難得有個地方,準備好晒食材
又夠位比我地慢慢整,實在太好啦

朗朗話呢個飯盒佢係整比爸爸食架
爸爸聽到即時冧晒
我地仲即刻將愛心飯盒速遞比爸爸添
睇下朗朗幾開心 ^^

德國寶仲出左本『日式親子幸福便當這樣做』 
等我地唔洗自己係家毫無頭緒點製作飯盒...haha
另外,廚樂體驗館原來每個月都有不同嘅課程架
大家有興趣嘅,可以打去問下詳情


生活‧廚樂概念店及廚樂體驗館
九龍灣宏照道38號
MegaBox L5-5舖

2015年7月27日 星期一

賽馬會青少年足球發展計劃

朗朗7月中開始放暑假
今年,我開始為朗朗報暑期班
等佢係呢段時間,唔洗淨係o係公司咁悶呀嘛

不過我target嘅暑期班,都只係玩、玩、玩
最後我報左"手工藝班"、"游水" 同埋 "賽馬會青少年足球"
上年已經幫姨甥報過賽馬會嘅足球班
見佢玩得好開心
今年朗朗夠4歲可以報名,我當然唔會錯過啦

報名當日,幾經辛苦先報到
點知傻傻地選錯時間 (點知錯有錯著)
最後朗朗由20/7起,逢星期一、四 08:00 到青衣球場上足球堂
朗朗熱愛每個課外活動
不過最難搞嘅係每次起身去上堂
因為佢返慣下午班,因此要佢早起係有少少難度的
但暫時都能夠返足,而且每次都玩得好開心





大家日後都有興趣
可以留意下足總個網站
佢地都有招攬隊員架