踏入12月，又係我最鐘意嘅一個月
除左慶祝我嘅生日、聖誕節同除夕外
兩年前開始，12月又多左個重要嘅日子
就係我個寶貝女芯芯出世
芯芯出世時都有7LBS，但望落去都係細細粒咁
頭果幾日得果少少，追奶追到我傻
時間好快，芯芯就嚟兩歲啦
我係朗朗3歲多先有咗芯芯，其實都會諗
好似放低咗湊BB好耐，又要由頭黎過
不過點都要頂硬上啦
相信頭半年係照顧初生最辛苦嘅時刻
為咗比芯芯最好，我盡力餵母乳
又埋身，又泵奶，又要貼身照顧佢
簡直係日夜顛倒呀
14日大嘅芯芯仍然細細粒，好得意
而最令我擔心嘅就係芯芯嘅BB濕疹比朗朗時嚴重得多
真係肉赤死我，女仔嚟架嘛
又驚佢唔似哥哥咁一歲後好返晒，又驚佢面仔會唔靚
慶幸最後同哥哥一樣，接近一歲就算好返晒
而且芯芯無被遺傳到鼻敏感問題，總算好好彩
見到佢面仔咁真係肉到赤埋
不過唔知芯芯係咪係我肚裡面住得好夠 (足足41週先催生出世)
所以佢已經算好湊啦，但都唔係易事
更何況有啲媽媽要照顧早產BB
間中都會聽到有朋友早產，上次朋友個女28週就出世
聽到佢分享，我都戥佢肉赤，早產BB身體好多器官都未發育成熟
唔好講食奶啦，甚至連呼吸會比一般BB困難
仲有機會暫停呼吸，真係日日都提心吊膽呀！
其實點為之早產呢？
早產兒係指胎兒早過懷孕37周出世嘅BB
佢地嘅腦部、身體發展及器官都未成熟
唔知大家知唔知，每年嘅11月17日係「世界早產日」
目的係喚起公眾關注早產問題
香港每年大約有四千名出世嘅BB係屬早產兒
其實佢地係需要得到更多嘅協助
最近留意到協康會主辦咗個名為「親‧早‧啟動 ─ 早產嬰幼兒親子支援計劃」
呢個計劃係由美贊臣社區關懷計劃贊助
係全港第一個最全面支援早產兒嘅服務平台，提供資訊最齊全嘅早產兒資訊網
包括常見健康問題同專家貼士等等
網站仲有一啲由協康會物理治療師團隊製作嘅家居訓練短片
等父母可以為不同階段嘅早產兒做簡易嘅家居訓練
把握黃金時機，盡早接受合適訓練
計劃仍會舉辦一系列講座及家居訓練實習課程
每位BB都係父母嘅至寶
希望呢個計劃，可以幫助到有需要嘅家庭
祝願每位小朋友都可以健康快樂成長
#親早啟動 #早產兒 #愛相伴 #協康會 #美贊臣社區關懷計劃
