今次WeShare聯同WWF合辦左一個Upcycling 工作坊
將海上垃圾 - 海玻璃
變成送禮自用都合適嘅飾物
等我地可以送一份靚靚嘅聖誕禮物比身邊嘅人
首先由 WWF講一下香港海洋嘅污染問題
海洋污染問題除左令海岸變得唔美觀
仲嚴重影響海洋生態
而最常見嘅其中一樣海洋垃圾就係工作坊會用到嘅 - 海玻璃
佢地係由被遺棄於海洋上嘅玻璃杯、碗、酒樽、瓦片等等
經過長時間嘅海水衝擊而形成的
揀好準備改造嘅海玻璃
我地就開始設計獨一無二嘅飾物啦
首先用鐵線固定海玻璃或扭出不同嘅花款
然後再畫上鐘意嘅圖案就完成
我就為兩塊不同嘅海玻璃，畫上聖誕樹同雪人
增加聖誕氣氛
然後分別加上頸繩同埋戒指圈
就完成我嘅改造啦
大家覺得靚唔靚呢?!?!
其實工作坊希望帶出來嘅訊息
除左希望大家關注海洋污染問題之餘
仲提醒我地聖誕節唔一定要買禮物送比人
大家只要花點心思
都可以為朋友們準備靚靚嘅手作禮物
仲可以將環保意識宣揚開去
十分有意義
不過謹記，唔好見啲海玻璃咁靚，又可以幫改造為飾物
就棄置更多嘅玻璃廢物呀!!!!!!!!!!!
之後我地仲分組用海玻璃製作一副同海洋有關嘅砌畫
多得組員嘅創作
令到我地果組得到優勝
每人獲得由 WWF送出嘅大豆蠟燭一份
多謝WWF
.JPG)
最後當然要黎返張大合照啦
大家可以睇埋 WeShare同其他參與會員嘅分享
活動分享 by WeShare：http://www.weshare.hk/blog/articles/4517156
活動花絮
Blogspot：http://www.weshare.hk/blog/articles/4517156
WeShare：http://www.weshare.hk/pandacarmen/articles/4517703
