終於離開巴黎啦
原本對呢個地方冇乜特別期望
所以只安排留係度兩日
但黎到都覺得有d地方都好值得去 (但唔夠時間參觀得耐少少)
係香港已經訂好左Eurostar o既車飛
(其實我都早個幾月定架o勒，都要153磅兩位，可能我揀o既時間peak d啦)
我地依指示早半個鐘去辦理check-in手續
全程車程約2個多小時
但由於法國同英國有1小時時差
所以睇時間的話，好似只係用左個幾鐘
真係好快
不過架車外面睇好舊囉 >0<
去到King Cross St Pancras Station
一行出月台就見到賣電話卡o既counter
立即買返張卡黎用
好抵用架，打返香港都係4便士1分鐘
仲有100個free SMS同埋free隨時上網 (唔記得每日有幾多MB)
我買左兩張5磅o既sim card
初初諗住一人一張啦
點知突然醒起iphone4 要用細card
而且佢地係冇細card提供，所以兩張card都比我用晒
好開心，終於可以好似係香港咁
隨時update facebook啦....hahaha (正宗香港人呀 XDDD)
然後去Information Centre度買2張Oyster Card
呢張card其實同香港o既八達通一樣
搭大部份公共交通工具都可以用
而且好處係，我只要每日搭夠Travelcard 1 Day o既價錢後
佢就唔會再扣我錢，即係話每日搭大約4程車後
其餘果d都唔洗再扣錢 (不過要留意，有分Zone架，不過大部份倫敦景點都係Zone 1-2)
之後搭underground去酒店check-in
呢兩晚住o既酒店，係HK Discuss o既 C hing介紹架
我早個半月訂，比我訂到兩晚都係60磅，超值到暈 @@
但check-in時間比較遲......3點，所以我加10磅早少少check-in
計埋都係70磅兩晚，都仲係超超超級抵
房間好大同埋好整潔，c hing們果然冇介紹錯呀 ^^
settle down就係酒店樓下o既巴士站等車
去第一個景點........London Bridge
呢條就係London Bridge o勒
影左幾張相後就去醫肚
不好多人係度下午茶呀，我地就食lunch
好豐富 ^^
食完就繼續向前行，向Tower Bridge進發
呢日一直落住毛毛雨，真係有少少凍呀 ~.~"
其實好多人都會將London Bridge 同 Tower Bridge撈亂
實情London Bridge 係唔會 falling down架
而Tower Bridge o既橋面就會每日會定時向兩邊開啟
就算無大船行過都會開
離遠影返張先
我地冇入到塔橋裡面參觀呀~~睇完就走lu
之後去Oxford Circus行街
呢度好多人，好多店舖架
出名o既Topshop同埋H&M都好大間
老公仲睇中左對Clarks添
黎英國真係要買返一對呀，之前我係香港買左對黑色皮鞋比老公結婚果日著
香港買要港幣2千蚊，呢度只係賣80磅咋 (既係1千蚊都唔洗)
見到真係O晒咀
所以唯有買返對溝貨，溝平D XDDDDDDDDDDD
入夜後，我地就諗住去參觀London Eye
坐下幸福摩天輪啦
真係好大好靚呀 *0*
途經大笨鐘
當然要影下夜晚o既大笨鐘先啦
之後就去買票上London Eye o勒
其實都幾貴，每人17磅 (連4D experience)
夾埋即係上一上去要成4百蚊港幣架
不過都抵o既
因為係London Eye上面睇到o既夜景
真係超級靚
一個廂大約坐8個人左右啦，都好寬敞架
不過由於佢地收左我地個腳架，所以一影人就鬆郁懞咁
大約半個鐘就玩完個摩天輪啦
搭車去搵食lu
我地呢晚決定去Leicester Square搵食
呢度有好多不同o既歌劇院同埋食肆
係倫敦青年好鐘意蒲o既地方
我地去左旅遊書介紹o既"The Stockpot" 食晚飯
嘩...黎歐洲咁多日，第一次食一餐晚餐咁平架
兩個人有湯有主菜有野飲
都只不過係14磅咋
而且味道都唔錯添
完成倫敦第一日o既旅程
除左唔鐘意佢keep住落雨外，每一樣我都好鐘意
