景點: 班郝夫大道 (Bahnhofstrasse) / 蘇黎世湖 (Zürichsee)
垂死的獅子 (Lowendenkmal) / 卡貝爾橋 (Kapellbrücke) / 舊市區 (Altstadt)
正式開始行程啦
住o既酒店包早餐,當然食埋先出去啦
幾多選擇同埋質素唔錯
搭酒店接駁巴士出發去返機場落車
馬上去啟動早前經agent買定o既4日Swiss pass
(去瑞士o既朋友如果最少逗留4日的話強列建議買pass,因為真係又方便又慳錢
因為逐次買車飛真係幾和味架)
就搵火車搭啦,大約15分鐘就到達蘇黎世市區
去到車站先將行李放係車站內o既儲物櫃
之後就去行街啦
蘇黎世中央車站都好靚架
我地影相期間仲有途人過黎合照添 XDD
我地行到咁上下都決定上電車去蘇黎世湖影相
湖邊仲有好多天鵝係度添
真真正正o既天鵝湖呀
所以我地都決定坐個半鐘船去遊蘇黎世湖
周圍風景如畫,坐係船上面我地都覺得好寫意
遊湖後我地就去返班郝夫大道搵野食
食左少少野繼續行街
之後就轉火車落琉森啦
我地係火車站食左一個差唔多100蚊港紙o既Burger King
好貴呀 >0<
搭火車,大約45分鐘車程就到達琉森
第一時間去酒店check-in放低行裝
呢間budget hotel好得意
我地住o既套房原來可以容納3個人架
哈哈....但我老公話呢度似情侶酒店喎
不過我覺得房間都算好整潔呀
開始係琉森市區內周圍行
邊行邊影相,話咁快行到卡貝爾橋
橋中間o既水塔聽聞原本係監獄、拷問所、瞭望台同埋金庫黎架
行過左街就到達舊市區同埋琉森湖
再係舊市區搭電車去參觀垂死的獅子同埋冰河公園
可惜冰河公園已經關門
所以我地只係o係獅子像前影相
返到舊市區去左出名o既Bucherer睇錶
但發現d Rolex價錢同香港差唔多,所以決定唔係瑞士買老公隻錶啦
夜晚我地去左卡貝爾橋旁o既餐廳食晚飯
仲有天鵝係隔離陪我地食添 ^^
瑞士第一餐晚餐都唔錯
不過價錢真係比我之前想像o既貴
無計啦,呢度o既生活消費指數的確好高
咁就完成第二日o既行程啦 ^^
嘩~~~個火車包廂好正喎~~~我住過都係單人"LOOK"格床"!!!
回覆刪除[版主回覆10/13/2010 23:47:00]look架床果間係酒店房黎架...係咪好得意 ^^
卡貝爾橋夜景好靚呀!!!
回覆刪除[版主回覆10/13/2010 23:47:00]yeah~~真係好靚
間房好攪笑
回覆刪除[版主回覆10/14/2010 13:28:00]係呀, 入去果一下, 我都覺得好搞笑~~~
嘩!你個行程好正啊,仲好似超順利咁忝,好羨慕可以自由行去Honeymoon
回覆刪除[版主回覆10/14/2010 13:29:00]真係好順利, 少少阻滯都冇, 我太過幸運啦.....你下年結婚周年記念不如就再去歐洲啦, 今次要自由行喎
我都好想出年一週年去埋西歐,不過無咁多假期啊,可能連埋星期六、日只能去到10天咋。
回覆刪除[版主回覆10/14/2010 15:43:00]我都唔知下年都有冇機會去旅行, 不過我都想一週年再去, 希望可以啦
呢度巧靚呀~~ BTW, 你個行李箱紫色好靚呀!!
回覆刪除[版主回覆10/14/2010 15:44:00]瑞士真係周圍都風景如畫
HA,... 你一人揹2個袋嗎 如果.. 你未有小朋友既.. 明年 9 月可以去多一次呀 因為有左小朋友之後.. 可能未有咁多機會呀
回覆刪除[版主回覆10/15/2010 10:21:00]一個係吉o既相機袋黎架, 費事老公揹咁多嘛 我都會襯我生小朋友之前再去多次旅行, 不過唔知可以去邊啦
好想去旅行吖~~~~~~~
回覆刪除[版主回覆10/15/2010 10:22:00]快快plan啦
住hostel 都唔錯呀....最緊要玩得開心呀~~~~
回覆刪除[版主回覆10/18/2010 15:59:00]係瑞士住2-3星酒店都好企理架, 非常好
請問你住間budget hotel大約幾多錢一晚?同埋通常用邊個網址訂房架?
回覆刪除[版主回覆01/18/2011 16:48:00]冇記錯好似兌返港紙750左右, 但我果時兌換率係7.71
呢間酒店我經 www.booking.com 訂架