Honeymoon 遊記 - Day 5 (Part I) - Paris

Day 5 (Part I) - Paris
住宿: Kyriad Hotel Paris Bercy Village
景點:  Bercy Village (貝西小鎮) / Louvre Museum (羅浮宮)

四日容乜易就過呀
好快我地就要用美麗o既瑞士道別
係hostel門前影張相留個念先 ^^

由瑞士落法國o既火車票我又係o係香港經agent買定先架
係因特拉根東站出發
搭去瑞士o既Basel轉TGV高鐵列車

沿經伯恩
伯恩係瑞士o既首都
但今次行程我冇計劃到黎呢一度

差唔多兩個鐘先到達Basel車站
有時間淨就走去買手信同埋食個晏

準備搭號稱全球定期輪軌平均速度最快o既列車....TGV

由於呢日落微雨，再加上由逐漸離開瑞士
周圍不再風光如畫啦~~
我地只好係車上休息
的確車速好快，但都要3個半鐘先到達巴黎
其實大家可以考慮搭飛機架
不過我諗住搭火車可以睇多D景
同埋搭飛機又係check-in check-out，其實時間都係返度

去到巴黎先排隊買地鐵車飛
大家記得一次過買十張喎
咁樣會抵d架

搞掂晒就落地鐵去酒店check-in
今晚住o既酒店位於Bercy
由於好多朋友都同我講巴黎d酒店好污糟
所以我揀巴黎酒店時睇左好多間酒店o既comment先決定呢一間
係就係貴少少，但幾近地鐵架，大約5-8分鐘路程就到
地方好企理，又有個小露台o既
酒店附近就係新興o既貝西小鎮
小鎮係由舊時o既舊葡萄酒倉庫活化成為依家o既購物飲食區

我地呢晚就係呢度食晚餐
非常驚喜
我地係度食左全個旅程最好味o既一餐
簡直到依家仲回味緊呀

享受完晚餐
我地就決定去羅浮宮參觀
好好彩，羅浮宮逢星期五都開放到夜晚十點架
差唔多到達羅浮宮已經見到好多遊客係度徘徊
我地立即走入去問下information應該去邊度買飛啦
點知果位接待o既小姐既然同我講話已經關門喎
我地唔忿氣再周圍行
明明見到仲有人入去架喎
再問入口o既staff
終於比我地問到售票處係邊啦
不過淨返45分鐘時間，但既然黎到點可以錯過架.........照入

裡面主要有不同o既油畫同埋雕像

我地o既目標當然係"蒙羅莉莎的微笑"啦
拿拿聲跟住指示行去
好快就搵到lu

之後又再急急腳咁周圍參觀
講真，要行晒一定冇可能
但總算到此一遊呀

差唔多夠鐘
羅浮宮o既staff就不斷趕我地去出口
途中又阻止我地再影相喎 >0<
激死.....算...我出去再影

(續)