Honeymoon 遊記 - Day 4 (Part II) - Jungfraujoch

Day 4 (Part II) - Jungfraujoch
住宿: Backpackers Villa Sonnenhof, Interlaken
景點:  少女峰 (Jungfraujoch)

之後就去左冰之宮殿參觀
其實裡面唔算有太多冰雕作品係度
但....係海拔3,454米o既山峰上睇又特別d o既

然後我地又走出戶外啦
走出觀景台再欣賞一下周圍o既景色
影出黎o既相都靚到有d假呀

然後去大雪地睇下有咩好玩
有好多唔同款式o既遊戲架
又可以係凍天雪地下買支啤酒飲

我地玩左冰雪滑梯呀

好正

再影返張sweet sweet合照
我地係少女峰o既行程都差唔多圓滿結束啦

我相信呢個係全歐洲放置位置最高o既郵筒呀

估唔到咁就消磨左幾個鐘啦

回程o既景色都好吸引

遇到好靚o既彩霞，車上面d人個個都嘩嘩聲呀

係車上面坐係旁邊o既日本伯伯好友善咁同我地傾計
佢好利害，一睇就知我地黎honeymoon...haha
仲話佢都好鐘意香港o既山頂

返到因特拉根已經5點幾啦
今日又唔夠時間去鐘乳洞lu...無緣
唔緊要啦，早d開餐
最後一餐係瑞士食o既晚餐，終於係芝士火鍋啦
其實我唔係咁鐘意果陣酒味

另外再叫多個main course

d薯蓉好正呀

餐廳仲送左兩個雪糕球比我地添 ^^

嘿嘿......一乾二淨呀

之後去超級市場買定水同埋小食後

就返hostel啦，住hostel最好就係可以煮飯同埋洗衫

本來我有提議過煮晚餐架

但老公話唔好煩喎

不過好彩有得洗衫同乾衣

咁我就可以將之前幾日o既臭衫一次過KO

呵呵呵~~~~~

然後又返落大堂上網，玩多陣都返上房休息lu