Honeymoon 遊記 - Day 6 - Paris

Day 6 - Paris
住宿: Kyriad Hotel Paris Bercy Village
景點:  Château de Versailles (凡爾賽宮) / Avenue des Champs-Elyse`es (香榭麗舍大邊) / Galeries Lafayette (老佛爺百貨) / The Arch (凱旋門) / La Tour Eiffel (艾菲爾鐵塔)

一早起身去酒店附近o既Starbucks食個早餐
就出發去凡爾賽宮
由於凡爾賽宮係郊外，因此要轉搭RER去
明明睇旅遊書話搭35分鐘左右到
點知搭左成個鐘.....@@
唔知係咪有分快車同慢車呢~~~RER o既車比Metro仲要舊
坐車期間我仲見到有小朋友周圍向乘客討錢添

落車後發現我地持有o既飛原來唔可以坐到咁遠
諗住去補錢出閘啦
個staff就咁開門比我地走喎 出閘後就跟住指示一路行
大家睇下個天幾藍幾靚

其實都幾大風呀...吹到頭都亂鬼晒

真係好多遊客黎參觀呀~~~
本來我地都好想入皇宮參觀，點知排隊買飛o既長龍打蛇餅打到好誇張
估計排隊都要個半鐘以上
所以只好放棄，唯有係外圍影下相啦

睇書話參觀花園唔洗買飛
咪諗住行下啦，點知依家要比錢入場喎
仲要成EUR6一個人，行花園咋喎.......好似好唔抵
所以又係o係外面影下相算

由凡爾賽宮搭返RER出市區
又唔洗一個鐘喎，大約半個鐘多d就到
出站無耐就已經離遠叫到鐵塔啦 ^^

跟住就去香榭麗舍大道Shopping
當然要先醫好個肚先啦

沿途好多靚靚建築物

我地當然有目標啦
就係LV巴黎總店o勒
淨係入去都排左我幾個字呀
無計啦，真係平呀嘛，都要排入去架啦
佢地真係唔憂做，我睇岩左個袋都唔比我hold一hold
要立即比錢
比完錢先再去睇其他野
搞到我買兩個袋要分開兩次比錢

之後就去搵"賣飛佛"...Chanel
搵唔到我之前係hk睇中個袋
Asscessories又唔係咁多選擇喎
最後只揀到一對耳環送比自己
佢地o既包裝真係好靚，靚到我唔想拆開囉

之後再去老佛爺幫媽咪同細妹買Miu Miu
唉...自己又睇唔中

行完街又返去香榭麗舍大道
先去凱旋門影相激死呀，等左好耐架旅遊車都唔走
又唔敢行出馬路影喎，太多車經過

拎轉頭先到個大廈打晒燈好靚
又影 ^0^

之後就係香榭麗舍大道搵餐廳食晚飯啦
好豐富呀...又有超正dessert...yummy

差唔多十點先向艾菲爾鐵塔出發

又一小烏龍
話說我明明check左鐵塔關門時間係晚上11:45分
咁我地10點幾過去都仲有好充裕o既時間啦
差唔多10點半去到附近，又掛住係咁影喎行到塔底大約10點50分
又繼續影影影，影完準備去上鐵塔時
突然個鐵塔不斷閃燈
好靚，搞到我地又停低影相
影相後拎返轉頭......咦.......明明個入口頭先仲開住架
點解close左
最後我地研究到，應該係11點截人
等人參觀45分鐘就正式閂門.......
嗚....我老公好失望呀
難得黎到，明明之前仲開住門，我地因為掛住影相而錯過左上鐵塔
不過我就唔係太失望，始終都黎過呀，況且上去都係睇風景啫
所以我地又再set腳架再影相o勒

呢晚仲夜返，返到酒店差唔多12點呀
如果上埋塔仲得了o既
我仲要執定行李準備第二日離開巴黎去英國架嘛
呢晚真係好攰呀