我的小確幸~~天天都是情人節

又黎一年一度情人節啦

做左人地老婆後，我地都唔會特別慶祝

通常自己煮返餐比老公食就算 (平時係無飯煮婦黎架)

自從生左朗朗後，我就多左個小情人啦

講起佢，真係好sweet架

成日聽人講，生女會嗲你

但其實仔都好識嗲媽咪，尤其係我果個

就好似呢條片入面個小朋友咁，朗朗平時都會咁架，睇完都感覺到好sweet呀，你地嘅BB有冇咁做過呀？

https://www.facebook.com/meadjohnsonhk/videos/1628002623894443/

朗朗最冧嘅就係成日都會突然走埋你身邊，攬實你

然後講句：Mami I Love U

再黎個大大嘅Kiss

真係冧到我暈

好多時老公都唔抵得個仔嗲我嗲到咁

兩仔爺互相呷對方醋個樣真係好搞笑

依家，我都幫老公生左個小情人

大家都話女兒係爸爸嘅前世情人，真係無錯架

所以依家我同老公，每一日都過緊情人節

#美贊臣 #以愛守護成長 #愛相伴 #MOMment #情人節

#Fun享有禮 #窩心小事系列 #我的小確幸 #我的小情人

結婚4週年

人大左，時間硬係過得特別快咁
拍拖4年，結婚4年
咁就同老公相處左8年
不過我覺得我兩個咁多年都無乜變到
一直都咁"憎"大家 XDDDDDDDDDDDDD

每年紀念日，老公都叫我自己決定去邊度慶祝
每次我都會有幾個選擇，再作最後決定
每年Amigo都會係其中一個選擇
但估唔到要到結婚4週年，我先揀中佢 :p

早兩星期訂位，同時通知餐廳我地係黎慶祝週年紀念的
對方就話會安排送我地一個蛋糕
由於正日要湊朗朗
二人世界嘅約會要提前一日
放工同老公係銅鑼灣行過去
半個鐘唔洗就到

Fine Dining同一般餐廳嘅分別係
環境一定優雅
而且食一個 4 Courses Dinner都可以用我兩個鐘時間 ^^
當然啦，要慢慢享受下個氣氛架嘛

 

餐廳送上蛋糕時，安排Live Band黎唱歌
之後又幫我地影左張即影即有相
我覺得呢個安排做得好好
Live Band唱歌又好聽，我點左"I'm Yours"
我因為聽得太投入，所以都無錄低佢地嘅表演
我真係好鐘意呢首歌架
除左結婚當晚有用之外，我換咁多次電話
呢首歌仍然儲存係我嘅播放清單上

即刻同大家再分享下呢首歌先得 XD

食完飯後
再由餐廳行返出去銅鑼灣搭車
行出去雖然只需半小時
但我倆仲有一生咁長嘅路要行 
一定要繼續好好對待大家呀~~

後話....
返到家，朗朗見到支玫瑰
我話因為爸媽去慶祝結婚週年，爸爸送比媽媽架
朗朗扁扁咀問：點解唔送比我?
小朋友，你真係可愛架啫!!!!!!!!!!!!!

養兒方知父母心

相信每一個人去到十幾歲的反叛時期都可能好似我咁
曾經好討厭父母
覺得佢做乜都好似睇唔順眼咁
但我都算好快過左果個時期
知道家人永遠都係為左我地好
尤其係我媽咪一直都係一個好開明的人
只要唔係過份的事，佢都好少會特別過問
我同媽咪的關係似朋友
我唔敢講自己好孝順，但我認為我應該要做的我都會去做

當自己真真正正成為一位母親
更加強烈的感受到媽咪的偉大
懷孕時種種的擔憂
生仔果種痛，爸爸就算係旁邊陪產都係感受唔到的
到bb出世後不同的問題都令我好感觸

我會用行動去表現我的感覺，因此好鐘意鍚我愛o既人
記得我都同老公講過，希望每日可以鍚佢一百啖
依家，我都想每日鍚朗朗一百啖
然後有時我就會同老公講，我諗我地細個o既時間，爸爸媽媽都係咁每日鍚我地好多好多次
朗朗病的時候，我心會痛，希望病o既係自己
朗朗曳的時候，我鬧佢打佢，我一樣心痛，更加忍唔住喊
果一刻我終於明白，點解我同妹妹細個比媽咪罰果時佢會喊啦
朗朗依家只係一歲多d，將來將會有更多更多令我憂心的事
終於深切感受到"養兒一百歲長憂99"
係就係老土d，但相信每個為人父母的都係咁諗