結婚4週年

人大左，時間硬係過得特別快咁
拍拖4年，結婚4年
咁就同老公相處左8年
不過我覺得我兩個咁多年都無乜變到
一直都咁"憎"大家 XDDDDDDDDDDDDD

每年紀念日，老公都叫我自己決定去邊度慶祝
每次我都會有幾個選擇，再作最後決定
每年Amigo都會係其中一個選擇
但估唔到要到結婚4週年，我先揀中佢 :p

早兩星期訂位，同時通知餐廳我地係黎慶祝週年紀念的
對方就話會安排送我地一個蛋糕
由於正日要湊朗朗
二人世界嘅約會要提前一日
放工同老公係銅鑼灣行過去
半個鐘唔洗就到

Fine Dining同一般餐廳嘅分別係
環境一定優雅
而且食一個 4 Courses Dinner都可以用我兩個鐘時間 ^^
當然啦，要慢慢享受下個氣氛架嘛

 

餐廳送上蛋糕時，安排Live Band黎唱歌
之後又幫我地影左張即影即有相
我覺得呢個安排做得好好
Live Band唱歌又好聽，我點左"I'm Yours"
我因為聽得太投入，所以都無錄低佢地嘅表演
我真係好鐘意呢首歌架
除左結婚當晚有用之外，我換咁多次電話
呢首歌仍然儲存係我嘅播放清單上

即刻同大家再分享下呢首歌先得 XD

食完飯後
再由餐廳行返出去銅鑼灣搭車
行出去雖然只需半小時
但我倆仲有一生咁長嘅路要行 
一定要繼續好好對待大家呀~~

後話....
返到家，朗朗見到支玫瑰
我話因為爸媽去慶祝結婚週年，爸爸送比媽媽架
朗朗扁扁咀問：點解唔送比我?
小朋友，你真係可愛架啫!!!!!!!!!!!!!