中秋親子好去處

仲有個多星期又到，人月兩團圓嘅中秋節
每年中秋必定要做嘅，當然係同家人食返餐飯
再到樓下賞月啦
除左呢啲指定動作外，大家又會有咩特別節目呢？

由2012年開始
每年中秋節我都會召集一眾朋友
齊齊支持Orbis 奥比斯的『愛心獻光明』中秋義賣活動 
呢年，除左訂購義賣禮品外
我地媽媽會『六月小兔BB會』更加舉辦左一個中秋義賣聚會
為奧比斯募集更多善款

2013年，由於朗朗岩岩返N班
無咁多時間去搞活動啦
所以我地只係搞團購，繼續支持奧比斯
馬仔畫嘅月餅盒真係好靚 ^^

今年，我決定帶朗朗一齊去做義工

一齊親身去探望一啲獨居老人
俗語有云，每逢佳節倍思親
係呢啲日子，能夠為佢地送上簡單的祝福及應節的食品
相信已經溫暖到佢地嘅心
今次我係參加左公司舉辦嘅義工活動
大家如果同我一樣想係中秋佳節參與義工活動或者平日都想帶小朋友去做下義工
可以上網搜尋一下不同嘅慈善機構
以下有少少推介
 
香港基督教服務中心
『希望小天使計劃』
係比2歲以上小朋友參與的
除左有即將舉辦的《中秋上門送心意》外
仲有不同嘅義工服務及工作坊比小朋友同家長參與

"透過多元活動推行生命教育，幫助兒童建立良好的品格及價值觀，包括樂於分享、珍愛生命和積極主動的精神，助他們提升正向思維與判斷能力，培育他們成為充滿正能量的「希望小天使」 " 
(quote by 『希望小天使計劃』)

教世軍
『義行動20小時』

小義工活動詳情 - http://www.salvation.org.hk/SSD_Web/cwis/小義工及兒童活動.pdf
 
BB醫生
中秋節探訪 - http://www.doctorbb.org.hk/application?eventid=82   

呢個機構我早前都有介紹過 - 『BB醫生探訪』

近期創辦人亞翹同埋佢太太Vicki仲接受左SCMP訪問添
大家有興趣可以睇睇段訪問 - http://www.scmp.com/news/hong-kong/article/1580602/young-children-bring-joy-elderly-living-homes
中秋節探訪 - http://www.doctorbb.org.hk/application?eventid=82

親子活動，唔止係簡簡單單的帶小朋友去玩 
我希望能夠以身作則，比朗朗一個好榜樣
令佢更加明白分享愛嘅意義

Blogspot：http://pandacarmen.blogspot.hk/2014/08/blog-post_30.html
WeShare：http://www.weshare.hk/pandacarmen/articles/4499745
She Blog：http://blog.she.com/pandarcarmen/2014/08/30/中秋親子好去處/

探索科學‧趣味坊2014

朋友推介我今年帶朗朗去由科學園主辦嘅「 探索科學‧趣味坊」
活動包括可以體驗有不同類型的DIY工作坊
又可以回味一下傳統小食
另外，仲可以睇返場夏日奇趣表演添
每張門券$20，可以玩兩個工作坊或換小食仲可以睇表演一次
朋友send左報名連結比我
報名後就等電郵回覆

(圖片轉載至香港科技園網站)

起初，我仲以為係室外活動黎
老公聽到已經一額汗
點知去到，咦.....好驚喜，係室內活動黎架.....wakaka
逢電郵換領左門券後就去玩
兩個小朋友玩左『自製風車』先
之後再去『自製萬花筒』排隊

再帶佢地去玩充氣彈床
場地安排好好，每次只比5位小朋友入去
入去前都會比消毒潔手液比佢地清潔雙手
朗朗玩完又排過，非常開心
夠鐘就入場睇表演
包括雜耍、花棒、科學魔術等

睇完魔術就去整萬花筒
又再排隊玩充氣彈床
影下相、跑下、笑下
咁樣都係度消磨左3個鐘啦
下年有得玩，一定會再黎玩過

Blogspot：http://www.pandacarmen.blogspot.hk/2014/08/2014.html
WeShare：http://www.weshare.hk/pandacarmen/articles/4499510
She Blog：http://blog.she.com/pandarcarmen/2014/08/28/探索科學‧趣味坊2014/

Share a Coke

唔知大家近期有冇留意到可口可樂有新玩意?!?!
就係罐裝同樽裝可樂都印有不同名字或者潮語
我由細到大最鐘意飲可樂架嘞
所以今次見到 Share a Coke 
真係忍唔住一定要搵齊自己想要嘅名黎收藏
唔洗講，當然要搵齊一家三口啦

Carmen、Jerry、Edwin

我已經養成左，行到邊搵到邊嘅習慣
好快比我買到Carmen 
原來仲有出埋姓氏添
過兩日我已經搵埋 Leung ^^  

依家 iCoke HK仲有個網站可以check下有冇自己個名添

大家想搵搵就去呢個網站啦 > http://promotion.icoke.hk/shareacoke/index.html  
可惜嘅係，暫時無出到 Edwin呢個名...嗚....T___T

另外，去外國Share a coke網站，仲可以整virtual coke或短片添
Dancing Bottles: http://www.shareacoke.com/?v=bl7sMHaqgW 

搵到自己個名或心頭好
可以到 instagram 分享相片
hashtag #shareacokehk 
我分享左啦!!!!

大家若然見到 Jerry 嘅話，可以單聲我知邊度有得買嘛?
又或著想搵咩名可以講聲我知，我見到都可以通報一下喎~

產品試飲 - “每朝健康”綠茶

** 是次產品由Jagger International Ltd提供

平時我每日都會買野飲
多數買一大枝無糖烏龍茶放係公司飲一日
所以今次收到Jagger Int'l Ltd送來10支"每朝健康” 綠茶 (650ml)
又係岩晒我"河車"

來自台灣嘅御茶園每朝健康綠茶
來頭一啲都唔簡單
2014上半年PChome24h購物公佈網購熱銷飲料TOP10
“每朝健康”綠茶榮登熱銷冠軍
News: http://www.ettoday.net/news/20140702/374206.htm

每朝健康綠茶是第一瓶通過人體實驗證
唯一榮獲台灣國家級健康食品認證産品
有助於減少體 脂肪之形成、更能改善腸胃和血脂功能的綠茶

“每朝健康”綠茶成份
水、菊苣纖維、綠茶 (含天然咖啡因 24毫克/100毫升)、維生素C (抗氧化劑)、綠茶香料、碳酸氫鈉(小蘇打)

建議飲用方法
經衛生署核可建議，一天一瓶650cc就可以達到「有助於減少體脂肪之形成」的功效
一般人飲用每朝大概是每天1-2瓶
請考量自己平常飲用茶飲料時的體質狀況來作選擇

注意事項
1. 本産品含有菊苣纖維，飲用後會促進腸道蠕動並生脹氣及排等現象若有不適者，請停止飲用
2. 高血壓及心臓病患者不宜飲用
3. 請洽詢醫生或營養師關飲用本産品之意見，均衡的飲食及適當運動為身體健康之基礎

無糖份嘅“每朝健康”綠茶
茶味濃，但無苦澀嘅味道
好岩我口味
不過要注意嘅係，開瓶後最好係6小時內飲晒
同埋緊記最好唔好冷凍後飲
因為冷藏好易產生天然纖維沉澱，影響口感
而且女性都唔應該飲太多凍飲啦

我不嬲腸胃都麻麻地
唔係每日都有得便便 >0<
由於綠茶含菊苣纖維，有助腸道蠕動
我飲用“每朝健康”綠茶後，真係有改善
唔好笑我，每日都有到想去便便嘅感覺，實在太好了
相信有我一樣差嘅腸胃嘅朋友就會明白 >0<

我依家差唔多每日飲一枝
不過綠茶始終屬於涼性嘅飲品
所以要視乎自己體質去飲用 

依家大家都可以係惠康買到"每朝健康” 綠茶
我尋日出街無袋定一枝
都專登走入惠康買返枝傍身 XD

依家"每朝健康”香港Facebook專頁
仲有有獎遊戲添

詳情 - 【「即讚相、有禮獎」遊戲】 by 每朝健康 香港.
呢個Game 識得玩，一定係叫齊啲friend 一齊影相一齊Like!

 (相片轉載自每朝健康香港Facebook專頁)

”每朝健康”香港
 網址：http://www.jagger.com.hk/
Facebook專頁：www.facebook.com/everymorninghk

Blogspot：http://pandacarmen.blogspot.hk/2014/08/blog-post_25.html
WeShare：http://www.weshare.hk/pandacarmen/articles/4496763
She Blog：http://blog.she.com/pandarcarmen/2014/08/25/產品試飲-每朝健康綠茶/ 

Cine Fan夏日國際電影節 2014 - Pulp Fiction 《危險人物》

好高興可以參與「Cine Fan夏日國際電影節 2014 x WESHARE活動」
上星期五我同老公就去左 The Grand Cinema
欣賞20年前的經典電影 - Pulp Fiction《危險人物》 【修復經典】

(相片轉載自WeShare)

  

簡介

導演：昆頓塔倫天奴 Quentin Tarantino
            美國 1994年
演員：尊特拉華達 John Travolta、森姆積遜 Samuel L. Jackson、
            奧瑪花曼 Uma Thurman、布斯韋利士 Bruce Willis

導演將三個獨立故事拍成一部電影
但每個故事都有連貫性
呢部係一套講述黑道的電影
雖則戲內夾雜大量嘅粗口同血腥場面
但輕鬆抵死嘅方式拍攝，令我睇得開心同投入
我尤其鐘意"The Bonnie Situation"一段
導演將兩個平時殺人唔眨眼嘅殺手變成怕事嘅人
乖乖聽Problem Solver去執爛攤子
加埋由導演客串的朋友角式，整個故事非常幽默過癮

演員方面，造型同演技都無得挑剔
相信大家無睇過呢套戲都一定記得奧瑪花曼嘅造型 (我就係其中一個)
佢同尊特拉華達一齊跳扭腰舞一幕連之前無睇過套戲嘅我都好深印象 
(其實我揀睇呢套就係為左呢幕...haha)
導演係劇情及節奏拿捏得很好
雖然片長154分鐘，但我睇時完全唔覺得時間過左咁耐
再講，雖然呢一套係20年前的電影
但佢嘅拍攝手法完全不落後
導演刻意將不同場口，倒轉次序安排播出
就係呢個巧妙嘅安排先令呢套戲成為經典

Cine Fan夏日國際電影節 2014 將於26.08.2014完結
除左呢部經典作品外，仲有好多不同國家的好戲
可供大家入場欣賞
有興趣嘅話，就請到以下網址了解下

網址：http://cinefan.com.hk/cms/
電影節放映時間表：http://cinefan.com.hk/cms/schdeule/
Facebook 專頁：https://www.facebook.com/pages/Hong-Kong-International-Film-Festival/65600852525

如果大家想入場睇呢套經典的作品
最後一場將於24.08.2014 The Grand Cinema演出，唔好錯過呀
詳情 - 兩部修復經典 最後一場！ by Hong Kong International Film Festival.

Blogspot：http://pandacarmen.blogspot.hk/2014/08/cine-fan-2014-pulp-fiction.html
WeShare：http://www.weshare.hk/pandacarmen/articles/4496482
She Blog：http://blog.she.com/pandarcarmen/2014/08/22/cine-fan夏日國際電影節-2014-pulp-fiction-《危險人物》/

BB 醫生探訪

由於我係返工媽媽，平日只得夜晚可以陪朗朗
所以我好著重星期六、日架
好多時我都希望可以安排唔同嘅活動比佢
8月3日，我安排左一個特別嘅活動
就係同朗朗出席由 "BB醫生 (Doctor BB)" 舉辦嘅長者中心探訪
BB醫生組織由2012年7月成立，8月開始第一次探訪
以「分享有機愛」為理念
希望藉著小朋友純潔嘅愛，為長老帶來歡樂

"何謂「有機愛」？
BB的愛，未受社會洗禮，沒有化學成份，不是基因改造。
BB的愛，是世上最天然、最純真、無添加的愛，我們稱之為「有機愛」"
- 引用BB醫生Facebook簡介

要出席探訪活動，首要條件當然就係參加者必須係『BB』啦
6個月大至6歲大嘅小朋友都可以參加
另外就係要父母先參加簡介會，聽聽探訪要注意嘅野
例如，探訪時會做咩啦、同老友記傾計時有咩野係唔可以提及之類...等等
上過一次簡介會就可以去返佢地網站登記帳戶
再選你想去嘅探訪活動報名即可
要注意嘅係，報名時需捐款一百蚊以支持佢地持續運作
可以用Paypal或信用卡支付捐款

我同朗朗第一次探訪嘅機構
係位於深水埗嘅明愛鄭承峰長者社區中心

我地按時到達集合地點，等埋其他可愛嘅BB醫生
就一齊向目的地出發

到達社區中心，我地就等職員安排出場
3歲或以上嘅BB醫生會個別出黎自我介紹或表演
細少少嘅BB醫生就會全部一齊向老友記打招呼
然後就同佢地交流下
朗朗第一次出席已經夠膽一個人係台上自我介紹
但就未敢表演
落到台佢仲細細聲同我講.....佢怕醜喎 ^^

等大家都自我介紹同表演後
就正式同各位老友記傾下計
我朗朗同佢地握下手，問個好
朗朗又幫佢地貼貼紙，帶上手帶

當我見到咁多老友記因為一班可愛嘅BB醫生而變得歡樂
真心覺得帶朗朗參加探訪係一個好好的決定
老友記嘅心就同小朋友一樣咁純真
好少嘅事已經可以令佢地笑逐顏開
所以我決定同朗朗繼續「分享有機愛」

有興趣想知多啲，可以佢BB醫生嘅網站同Facebook專頁
8月17日仲有簡介會添
想了解多啲，可以去呢度報名 >>> http://www.doctorbb.org.hk/application?eventid=76

網站：http://www.doctorbb.org.hk/
Facebook Page：https://www.facebook.com/doctorbb.org

Blogspot: http://pandacarmen.blogspot.hk/2014/08/bb.html
WeShare: http://www.weshare.hk/pandacarmen/articles/4495451
She Blog: http://blog.she.com/pandarcarmen/2014/08/14/bb-醫生探訪/

產品試用 – PHOENIX.Plux [Care.+]防藍光螢幕保護貼

今次試用嘅產品好適合我

就係Note 3 PHOENIX.Plux [Care.+]防藍光螢幕保護貼

現今科技發達，手提電話已經發展到唔只係打電話咁簡單

上網、Whatsapp、打機、煲劇、寫Blog、分享……

甚至連朗朗學校嘅英文教材，都有手機Apps

由於工作需要，我經常都要用手提回覆短訊

加上我搭車時間又追劇

依家望手提嘅時間，分分鐘仲多過我訓覺

仲有呀，其實我係2010年頭已成功經Lasik手術減近視及散光至零度

但近期我覺得，散光徵狀開始重現，相信係日睇夜睇嘅後遺症

因此送來一塊護眼嘅螢幕保護貼真係一份貼心嘅禮物􀙝

收到Care.+螢幕保護貼我已經急不及待貼上

原來藍光屬高能量可見光束

睇得多對眼睛有害，會引致雙目疲倦、頭痛及失眠呢類問題

Care.+利用日本科研先進技術，令螢幕保護貼有效阻擋由螢幕釋出27%藍光

從而保護雙眼

我白色面嘅Note 3貼上PHOENIX.Plux [Care.+]防藍光螢幕保護貼後

肉眼望會見到顏色為灰色，同一般嘅透明保護貼有分別

剪裁好fit，而且好易處理，我貼一次就搞掂啦

我試用大約一星期，覺得貼上PHOENIX.Plux [Care.+]防藍光螢幕保護貼後

對眼真係感覺無之前咁容易攰

我會持續使用呢個產品啦 ^^

不過最有效嘅護眼方法，當然係讓雙眼多休息

用開Iphone嘅朋友

依家可以下載埋Phoenix.Plux 開發嘅EyeCare Timer iOS 程式

調校時間，自動提示雙眼需要稍作休息

EyeCare Timer iOS 程式免費下載網址：https://itunes.apple.com/us/app/eyecare-timer/id892415161?ls=1&mt=8

PHOENIX.Plux [Care.+]防藍光螢幕保護貼

除左有不同手提電話型號選擇外，仲備有平板電腦同手提電腦選擇

想了解更多或購買嘅產品，佢地大家可以到以下網址或不同嘅銷售點

網址：http://www.phoenixplux.com/shop/
銷售點：http://www.phoenixplux.com/shop/shop-list/

Blogspot: http://pandacarmen.blogspot.hk/2014/08/phoenixplux-care.html 
WeShare: http://www.weshare.hk/pandacarmen/articles/4495349
She Blog: http://blog.she.com/pandarcarmen/2014/08/13/產品試用-phoenix-plux-care-防藍光螢幕保護貼/

我家的好幫手

成日聽人講，香港嘅小孩
好多都高分低能
自理能力一般，甚至係差
主要都係家長過份保護
其實有邊個父母唔愛鍚子女
但過份保護我覺得最終只會害左子女
所以我不嬲都主張要小孩幫忙做家務
同埋係佢地能力範圍內嘅事，而佢又主動提出要自己做
我都會放手比佢試
 
朗朗依家得3歲，當然未能夠獨立咁處理家務啦
佢唯一可能自己做的就係收拾自己嘅玩具
另外，就係用紙拖把幫我抹地
朗朗2歲多就已經成日要求我比佢抹地
我見佢咁願意幫忙，當然放手比佢做
佢仲有板有眼架，識拉開啲野抹不同地方
另外，佢又會幫我手掠衫同收衫

近期我比佢參與多左
例如幫忙洗水果、洗米
收拾碗碟同埋洗碗等等
見到佢咁樂於幫忙，真係抵鍚

仲有.....佢近期仲會自己抹玩具添~~haha
連老公都話佢呢樣好似我
鐘意做家務喎 XD

大家只要肯放手，同唔好嫌小朋友動作慢
就好易幫小朋友養成一個好習慣
成為自己嘅好幫手

Blogpost: http://pandacarmen.blogspot.hk/2014/08/blog-post.html
WeShare: http://www.weshare.hk/pandacarmen/articles/4494794
SheBlog: http://blog.she.com/pandarcarmen/2014/08/08/我家的好幫手/