戒片

其實幾大先開始戒片呢？
好多人有唔同嘅講法
上年夏天，朗朗大約26個月啦
諗住試下啦，係家唔著片
但結果就係次次都要我地提先去，唔記得提就....oh oh
加上婆婆事忙，未必成日記得定時同佢去廁所
所以就暫時擱置在家唔著片計劃
當然我地都會定時問佢去唔去啦
朗朗又好得意
去街又會提出去vv，但係屋企又唔會喎

開學約一個月，學校都開始幫朗朗戒片
返學就唔著片，起初成績幾好
但後來病過無返幾日，再返學又瀨過
老師都有同我夾過，用鼓勵同獎勵嘅方式慢慢來

有次唔知係咪朗朗瀨完尿比人鬧過
之後婆婆話一問佢去唔去就喊
我係家同佢去，又係咁
我就唯有問佢咩事，再同佢講你仲係小朋友
一兩次唔小心瀨左唔緊要，媽媽唔會鬧
只要下次記得通知大家要去vv就ok 啦
之後佢就無扭計

早前我更開始獎勵計劃
準備好一張有一百個空格嘅紙
同朗朗講，每去一次vv就可以親手蓋一個印
儲夠100個印，媽媽會拆一份新玩具比佢玩
估唔到效果非常的好
自此朗朗都會主動提出去廁所
在家已唔需要著片啦，除左訓覺
有時朗朗更可以訓一晚都冇瀨濕片添
期待朗朗儲滿拎獎品的一刻

2014 沙巴遊 - Day 1 (市區遊)

AirAsia 屬廉價航空，如果需要揀位，就要係買飛時揀埋
所以我地當日唔需要預太早去機場
早一日已經幫所有人check-in
10點起飛，我地一早未夠7點就出門口
因為一行12人，又要寄行李同食早餐
預多少少時間比較好

3老表一齊去玩
真係好開心

 
食飽就上機啦
機位唔算太過迫，朗朗大個要買一個位
一家三口坐一邊都幾好
朗朗自然可以獨霸窗口位啦
3個鐘左右嘅機程好過就過

AirAsia 到沙巴係喺2號客運大樓出的

估唔到原來整個2號大樓都只有AirAsia 嘅航班升降

第三日我經特優訂左Local Tour去Weston生態遊

佢地包左第一日嘅接機服務，好方便

等齊人就可以上車

當地導遊首先車我地去市區唱錢

其實我都知去佢介紹嘅地方唱匯率一定唔會係最好

不過算啦，因為我仲要比團費佢先返酒店

搞搞下，返到酒店已經兩點多

我今次揀左有私人碼頭嘅 The Pacific Sutera

馬上搞check-in，幸運地因為酒店冇晒我地訂嘅房種

所以第一日upgrade我地去Suite

房間真係好大，又有露台，仲望到高爾夫球場添

 

Check-in 時已查好左 Shuttle Bus schedule

係咁依放低d野hea一hea就落去買車飛

準備去市區食晏先

6歲以下小朋友唔洗買票

車票每人RM3，回程就唔需要買票

去到Wisma Merdeka (默迪卡廣場)，第一件事係搵野食

其實果度只係一個細細嘅舊式商場

我地求其搵左間餐廳入去食沙巴的第一餐後

就搭返車回程返酒店游水 

酒店泳池都幾大個，可能傍晚時份有少少雨啦

成個泳池得我地一班人係度玩咋

玩到大約6點我地就返房梳洗再去市區食晚飯

第一天嘅晚餐，我地揀左去海鮮大排檔嘅華興

其實果度有幾間海鮮大排檔，包括都幾有人氣嘅雙天

係沙巴食海鮮同係香港差唔多

都係走去魚池揀好想食嘅海鮮

再話比落單嘅伙計知想點整就可以

大大隻麵包蟹我地無揀到呀 :p

  

最後埋單連其他小食，9大3小食左約RM900

食左幾款海鮮

上湯龍蝦、白胡椒炒蟹、奶油虎蝦、魔鬼魚

白胡椒炒蟹都幾香，但係同我係新加坡無招牌嘅比較都仲爭少少

上湯龍蝦個湯都濃味，同香港嘅上湯有分別，味道都ok

奶油虎蝦係最期待嘅菜式

虎蝦分細、中、大、加大 size唔同價錢

我地揀左中size，盛惠每隻RM30

其實個人覺得味道都ok，但就唔係令人眼前一亮，要再三回味嘅程度囉

但其他人就覺得味道偏淡

其餘菜式一般，最唔掂係個星洲炒米，無色無味

埋單比local tour guide卡片佢地有95折

食飽都已經近9點啦

由大排檔行去Central Point 約10分鐘

就到酒店shuttle bus上車點等回程車

未返到酒店朗朗已經呼呼大睡

我同爸爸就當然享受一下安靜嘅時刻啦

嘆返個按摩浴再做個mask先訓

中左JaneClare毒!!!!!!!!!!

自從轉用左JaneClare嘅護膚品

同事見到我皮膚明顯嘅好轉，搞到我又心郁郁去買多d黎用
去到旺角嘅Centre入貨，知道一月份做買一送一優惠
真係抵到你唔信
立即買左活膚爽膚水同藍莓薰香緊緻面膜黎用

心急嘅我為左想立即知道皇牌mask有幾正
面膜主要功效是抗衰老、改善膚色、緊膚、加強肌彈性、保濕
當晚就立即試用
打開包裝，見到有兩張紙包住面膜
撕開後薄薄的一片
敷上後感覺非常貼面

 

唔係好慣post敷緊mask嘅相出黎
就post敷前敷後啦 XD

敷前

敷後

睇相可能唔太覺有咩分別

但自己用完個感覺就覺得好正

聽講第二日上妝會超貼添

不過我轉用左JaneClare後化粧都覺得易左上妝

依家JaneClare除左有買一送一優惠外

一次過買滿3千加即時交會費HK$120入會

仲有兩張香港快運嘅機票送添

可以揀去昆明、清邁、布吉、台中、沙巴同埋檳城

入會後再介紹一個朋友買滿3千，又額外多一張機票

送完即止架  

奕朗N班點滴 (2)

上學期話咁快就黎完結啦~~
重溫一下朗朗呢幾個月嘅校園生活先~

天氣轉冷，當然要轉季啦
康傑冬季校服都好靚架

 



















 

感恩節
送給婆婆的~
感謝婆婆每天悉心的照顧

 
12月係普天同慶嘅日子
學校嘅壁報都換左新look
用小手整成的聖誕樹，好靚呀
 

滋味飲品嚐一嚐

奕朗做小廚師，同同學一齊飲果汁飲

回家睇相時，朗朗第一次講出同事仔個名比我知

叻仔~

健康家庭同樂日
起初以為返學校同朗朗一齊整下小食
但原來係由一班N班小朋友表演
再送出親手同老師一齊整嘅Cookies
雖然朗朗有d怯場，但我覺得佢已經好叻仔啦
睇到我好感動

我的成長故事 - 老師眼中的我
係老師眼中，朗朗係一個開朗活潑嘅小朋友
在爸媽眼中，他除了是開心果，還是小魔怪

2014 沙巴family trip前言

黎緊星期四，我就會做領隊
帶一行共12位家庭成員
一齊向陽光與海灘嘅沙巴出發
好期待

幸福嘅奕朗第3次外遊
依家已經兩歲半，知道咩係去旅行
每次問佢，佢會答我.....去旅行搭飛機，要帶喼喼
經常掛係口邊都知佢有幾開心

第一次坐Air Asia
希望符合期望
4日3夜之旅，3日都係入住較近市區嘅
The Pacific Sutera
除左鄰近市區及機場外，更有私人碼頭
方便我地去其他島嶼玩
準備嘅功夫7788啦
Kota Kinabalu....we are coming!