原本我冇諗過整架
不過我就一直都好想搵人幫我倆畫張Q版漫畫
張畫有好多用途架
可以要黎印帖...貼紙...利是封...等等
終於比我係網上面搵到人幫手畫
佢都整過幾多作品架
當我將我o既構思forward比佢之後
佢都比左d意見我
依家等佢畫過初稿比我睇
好緊張呀
不過畫之前, 佢幫我整左個logo
哈哈....係紅魔鬼logo黎架
我好鐘意呀)))))
呢排經過d精品店都會留意下d kitty結婚公仔
諗住買對係黎緊11月影相時帶埋去
但Jerry話, 咁快買...咪要擺成年先可以再用囉, 怕對公仔殘左冇咁靚
我又覺得佢講得幾岩bor
所以決定唔買住.....
然後諗起之前麥記都出過幾對結婚kitty公仔
返到屋企立即搵下
比我搵到兩對呀, 一對中式, 一對日式
兩對都好靚
一次過帶晒去影相都好bor ^^
yo~~終於訂左對戒指啦
之前聽媽咪講,uncle果度返左幾款新o既對戒都幾靚
又諗到係時候啦 (我預要1-2個月時間造架嘛)
所以尋日就同埋媽咪一齊去揀
的確,新返果幾對都幾好睇
Jerry都睇中左對新款添
佢戴左上手都幾好睇,我諗住女裝款會幼身返少少啦
點知原來佢試果隻係女裝款黎
我試上手就粗得滯啦
所以只好放棄呢對
最後.............我地都係揀返上次睇中果對
兩隻戒指都粒石都大約20份
Jerry仲嫌細想要大d添
但去到30份o既話,個價錢差唔多係double
同埋我覺得男仔款太大粒石冇咁好睇
最後都係決定要每隻20份
我戴10號半,Jerry戴15號半 ^^
仲有.....uncle話2個week就有得拎添啦
真係快手呀~~~~
暗示又試過,明示都做埋
都好似冇乜表示咁
唔通....真係唔會求婚?!?!?!
雖然,大家一早都講好左幾時結婚
但...始終都好想佢肯諗個特別o既方式同我求婚
唔知要等到幾時呢~~~~~?!?!?!?
仲有...雖然佢知我有寫開blog
但我相信,其實佢冇追看囉....死仔包
送首歌比自已
總有一天等到你
等又再等 為你等又再等 始終等你不到
想了再想 為你想了再想 多麼想你知道
人墮進夜雨霧 只想與你傾吐
我卻找了再找 你叫我找了再找 總也難找到
為你哭又再哭 為你哭又再哭 當初只有苦腦
終有一天 自信總有一天 相親相愛終老
行盡無限錯路 始終也找不到
我的心 你的心 以兩顆心過一生 未來同擁抱
來讓我宣告 痴心熱烈程度
快快前來愛我吧 不要只顧說預告
其實你知道 一起就是最好
偏偏喜歡我在等得這麼苦腦
心有如孤島 四面是濃霧
你若是明白 可否快快步到
等你來宣告 以後亦同步
愛情原是這樣的美好
若是你知道 一起就是最好
始終一天我定必等到 悠悠長早晚畫夜朝與霧
仍然痴痴的繼續等 終會可等到
長夜晨早 還是會等到 等到
還是會等到 還是會等到