獨自去偷歡 之 試玩灰熊山谷

朋友問有冇興趣玩灰熊山谷
我呢個咁懶玩精當然唔錯過啦
但由於已經去過幾次，加上年假不多
所以決定放半日假同朋友去，飛甩爸爸同朗朗
不過由於去過咁多次，加上試玩要六點半後
所以我都係請左半日假咋，慳返D嘛，有左小朋友之後
大部份o既假都留返比佢咁滯

嘩!!!!! 估唔到暑假的星期二咁多人
人又多，天氣又熱
第一時間去左shopping先
買夠後先去玩

不過真係度度都多人都癲
上次去冇玩到"Toy Story Land" o既沖天搖控車
所以決定用一個鐘去排
熱足一個鐘，上去玩兩分鐘

人多就有呢樣唔好~~~
仲有....太多同胞啦，講真....都仲係接受唔到佢地D插隊文化
同埋係又迫，唔係又迫一餐埋你身
真係好憫
之後都係周圍HEA下影下相咁啦

等時間過，見差唔多就去睇返場獅子王慶典
睇完出黎時間岩岩好呀
準備入灰熊山谷啦
我地已經諗好左，第一件事去玩極速礦車先
因為係試玩，所以應該大部份人都係香港人
感覺真係同之前爭D架，雖然人多，但無你推我撞咁呀
唔洗五分鐘，我地就上左礦車啦
雖然唔算得上係好刺激果D 機動遊戲，但我覺得都好正呀~

之後就排隊同米奇米妮影相
影相期間發現礦車有故障
真係慶幸我地早玩早著啫
影埋相都天黑啦
咁就完全一日開心之旅
真係多謝朋友比個機會我，早d去試玩迪士尼的新遊戲

出書啦!!!!!!!!!

自從大家開始用數碼相機影相之後
已經開始無再專登去晒相啦
其實我之前都仲有KEEP住揀部份相晒好，然後分類放入相簿內
但慢慢太忙、太多野搞、生左仔
一來無時間處理，二來屋企邊度有咁多地方收埋我D大相簿呀
最後，當然只係買個外置Harddisk返黎儲起所有相就算
加上有冇Facebook相簿，好多時都會Upload上去FB
咁Touchwood真係冇咁d相，勉強都可以係FB睇返D相嘛

但諗諗下又覺得，影埋咁多靚相
唔係成日睇到真係有D可惜
最後，我決定去點點印整文庫本
方便收藏之餘，仲好有心思
之後就的起心肝去搞啦
第一本執的就係我地一家三口第一個旅程呀
之後為左慳D運費
又快快手咁整左我同老公蜜月旅行的相
話就話快快手，其實我都係每日抽少少時間出黎執少少咁
我諗都執左好多日
因為要揀相、排版等，真係唔係易事

完成後用信用卡比錢就可以了
點點印話大約3-4星期可以收到成品
真係好心急
但估唔到約1星期後已經收到電郵話已寄出我的作品
第二日仲經順豐收到添
開心C我啦

見到真係好開心
而且出左版的作品，點點印都會提供返作品的網址比你
方便你同朋友分享添

第一次外遊 - 台灣: http://www.tintint.com/project/info/b6287596128
蜜月: http://www.tintint.com/project/info/a63048215a4

獻醜啦!!!

而且我決定，我會每年送一本比我地O既寶貝仔朗朗
紀錄佢O既成長
我仲會慢慢執返我同老公之前的甜蜜相添
要努力啦!!!!!!!!

點點印: http://www.tintint.com

轉大仔奶粉 Illuma 3

朗朗已經過左一歲啦
之前聽診所姑娘講，半歲後唔一定要轉食2號奶粉
所以朗朗一直食思敏兒1號直到依家
1號存貨所剩無幾時，我就開始考慮轉邊一隻奶粉好
其實好多人見食開的奶粉唔錯，好多時都唔會特別轉牌子
由於朗朗一直有濕疹問題，再加上腸胃一直唔算太好
之前婆婆都叫過我轉牌子架啦，但我覺得朗朗咁細，我唔想比佢轉來轉去
一陣轉果隻唔好又要搵過，怕怕!!!

咁我就開始資料搜集啦 其實上年已經聽過Illuma 呢個牌子
係因為搞媽媽會活動時，有媽媽聯絡過Illuma，看看有沒有合作機會
但我對 Illuma 的認識只限於"接近人奶的奶粉"
點解咁講呢？果時真係未聽過佢地呢個牌子，只係媽媽會內有1、2個bb食緊
略略知道少少
起初聽到個價格時，真係嚇左一跳
我相信呢一隻應該係市面上最貴的奶粉

到依家，Illuma 開始出宣傳片，網站上亦都有好多資料比我去了解佢地的產品
有餵過母乳的媽媽，相信大家都知對BB最好的當然係母乳啦
因為母乳正正就係為BB而設的天然食物
母乳係最容易被BB吸收，但我地一直無去研究過母乳裡面有咩成份
Illuma 就幫我地做左呢個研究
佢地仲將母乳其中一個成份Sn-2成功加入佢地的奶粉裡面
所以，我先知點解Illuma 定價比市面的奶粉高同埋什麼係"親和人體配方"

可能我就咁講大家唔明，你地可以去佢地網站再了解下

http://www.illuma.com.hk/web/inf/index.cfm?action=land.productinnovation&s_displayLang=tc
http://www.illuma.com.hk/web/inf/index.cfm?action=land.productfeature&s_displayLang=tc

上次聽過一位藥劑師講過，選任何食物或藥品
先唔好睇價錢，最重要睇成份，因為價格而影響自己去選一d質素比較好的東西
就會令我地錯過一d野
我都覺得佢講得好有理，尤其係依家d食物太多化學物質啦
所以我都學會先睇成份去選購

一決定幫朗朗轉食Illuma 3

我就開始入貨啦

唔想走黎走去，其實都可以經online訂購o既

朗朗B仲幫手我搬添 XD

另外，之前亦收到Illuma的sms

可以得到一罐900g奶粉試用，剛剛好岩晒我呀 :)

8月大型BB展

好得意，我由有左到生左後
其實都未行過BB展，主要可能大部份物資都由妹妹交比我
需要買的少之又少
直至上年年尾為左幫朗朗訂奶粉先行過一次
岩岩8月呢個，聽其他媽媽講係每年最大型的一個
今次我決定同埋其他朋友去行，唔同老公去
咁先可以盡情購物架嘛

最驚喜o既係，今次我仲收到不少贈券添
媽媽朋友贈送的、PR贈送的，連埋我自己用分換的，總共有九張呀
我當然益埋我D好朋友啦
相約一齊行
本來諗住3號先去架，但朋友話VIP日好似多少少特價野睇
所以就改左VIP日去
點知簡直係失左預算呀
所謂的VIP日同平時冇分別，都係咁多人

今次主要幫朋友買BB睡袋，自己就周圍睇下
再幫朋友們掃奶粉
幫到佢地慳錢我都好開心
呢D就係我o既收穫啦

我的
Cotton Candy 睡袋1個
Comfi 透氣枕1個

可拆式較剪1把
新幹線吸管水杯1個
粟米餐具 1 套

朋友的
Cotton Candy 睡袋4個
餵奶巾1條
牛欄 3 900G 2罐

其餘大家見到的都係贈品 ^^v