DIY 手作仔

之前咪講過想整D野拎埋去影相o既
終於比我完成左啦
其實原先個構思唔係咁架
本來我想買d凸字粒
但搵黎搵去都搵唔到
最後決定用剪紙代替
不過估唔到效果又幾好喎

好野~~~過2日就到啦.....希望會有藍天啦

2010年9月新娘子聚會

嘩~~超開心呀
終於第一次同成班2010年9月結婚o既姊妹聚會
上一次我錯過左，聽小西講上次得三個人出席
今次我地足足有九個出席呀
岩岩好，三個墟

比大家估中，短短果幾個鐘又邊夠我地傾呀
你一言我一語咁
好快就到十點半啦 (仲要係完全唔覺囉)
睇黎我地遲d再搞function，可能要揀星期六，又或者係假期
哈...下次可能我可以拎埋部份pre-wedding photo出黎比大家睇添 :p

各位add返我blog o既9月新娘
你地可以click下面條link睇下我講果對bear bear
Bear Bear簽名對熊

post返我地o既大合照先 (相片由Dumbo X提供)

(左起) Circle，Pochaccoo，Onionhappy，~車~，Assisi，小西，Dumbo X，Sa-long，豆豆B

泰sweet行 - Day 2

wahahahaha...有時間寫下day 2啦

由於前一日我地早起身
呢日我都諗住訓晏d，但因為唔想唗左個早餐
所以9點幾左右起身刷個牙就落去食野先
呢度d早餐好豐富呀，勁多選擇

食完早餐就返房間
Jerry 就抖一抖，我就預備出門口

又出門口啦~~~
(其實原本plan左係酒店游下水先架，但又唔多願郁咁)

第一件要做的事就係去水門街唱左錢先
唔係唔夠錢洗呀
去得水門街當然要試一試出名o既海南雞飯啦
果然不錯

之後就係shopping o既時間啦
由Big C行到去Zen，又由Zen行去Central World
呢日o既收獲好豐富
我地拎到一袋二袋咁 (全部都係我o既戰利品 XDDDDDDDDD)
好開心，Jerry仲買左好多kitty野比我添
本來想拎d野返酒店先架
但Jerry又怕遲到 (我地book左去做草球按摩)
所以就托住d野去CentralPoint

享受完之後，就去唐人街啦
跟住網友o既提示，去到指定之地鐵站後
選擇搭tuk-tuk去
之後就係海天食魚翅
唉..........講到呢度，唔開心o既事發生啦
冇左部相機.....好彩我有帶netbook得閒果陣save低d相咋
心情立即down晒
第二日都唔想再去玩
Jerry見到我咁立即話第二朝起身立即買返部
我先好心情d咋
之後食埋個宵夜就返酒店啦

Merry Christmas

祝各位好友、blog友、即將結婚o既朋友
聖誕快樂!!!!!!!!!!!!!!!!

今年我收到好多份聖誕節禮物
太多愛錫我o既人啦
多謝晒

泰sweet行 - Day 1

要數返對上果次兩個人去旅行
都應該係差唔多兩年前o既台北之旅
真係超期待
同埋我都三年無去過泰國啦
簡直有辱我"泰后"之名呀

早一晚執齊所需o既野
第二朝天未光就出發啦

唉...唯一失策o既地方係，我竟然諗唔起一早做定online check-in
所以去程我同Jerry要分開坐囉
一前一後，上到機仲發現我隔離位係一位印巴籍男子
Jerry好心同我交換坐
點知坐定後發現，佢另一邊亦都坐著一位印巴籍男子
佢地濃烈o既男人味令到Jerry很不好受
在此要多謝晒Jerry，同我交換坐置坐 XDDDDDDDDD

曼谷新機場果然同香港機場有d相似
我地用左少少時間都搵到個的士站啦
由機場至Pullman King Power Bangkok，連埋機場服務費
都只不過係250baht，仲平過我係網上問net fd o既價錢 ^^

酒店做promotion，連續住3晚可以upgrade做deluxe房
果然好舒適呀

settle down之後，就出發去瞿道瞿啦
其實呢日我覺得唔算太熱，但太陽就真係好猛
我地一路行一路食
都食左唔少野，但就買唔到任何野囉

然後就去Jerry最鐘意o既曼聯專門店shopping啦
原來旅遊書上介紹呢間shop好細架咋
真係去澳門果個好過啦
不過一場黎到
都要買返d野o既，本來好想買雙人床單 & 被鋪架
但無耐佢地得一個size...就係6呎 x 6呎
我諗我地第時張床都唔會咁大囉，無謂唗$$$$$$$$$$

呢一晚我訂左食法國餐
作為補祝Jerry生日o既晚餐 (爭兩日o者 ^^)
未到預約時間前我地係附近商場周圍行
估唔到泰國o既商場都已經整好晒聖誕裝飾
我地都影左唔少相

之後就到好多人推介o既C'est Bon食飯
我地叫左一個9道菜o既set dinner，另外再叫左一個湯 + main course
yummy，果然無介紹錯，算係幾抵食又好味

抖一抖之後就去我每次黎都會幫襯o既Body Tune做泰式按摩
great~~~~~~
享受完之後就返酒店啦
返到酒店都好忙架，又要計一計用左幾多錢
又要save好d相先
Jerry就一早訓左，唔得閒理我咁多lu

泰sweet行前言

終於都有少少時間寫返個遊記

原本呢個曼谷之遊係應該六月尾起行架
諗住當做慶祝拍拖周年紀念
但我剛剛搵到新工
所以擱置左

誰不知，比我係九月份發現國泰做promotion
$990一張機票
嘩，問都未問Jerry我已經hold左位先啦
之後再問準佢後就立即confirm起行並plan行程啦
就由慶祝周年紀念改為慶祝我倆生日之行

Ready........GOGOGOGOGO

準備影第二輯相

時間真係過得快
感覺對上果次影相都仲好似係無幾耐之前o既事
仲有一個星期多去影第二次啦
又開始為影相做準備
唉...因為入冬，怕凍嘛，所以唔多願做扎帶
我覺得手臂好似粗左 (唔知係咪心理作用)
雖然今個冬季食多左
我都冇乜點重到，硬係覺得自己好似肥左咁
好想再減，但屋企人+朋友都叫我唔好再瘦
又因為今個月好多節目
根本都冇乜時間去做facial.........哈
所以今次真係冇乜準備咁

因為我會1月1日去試衫，所以要book定酒店
原先尋日搵3v幫我book左羅湖酒店架 (位置近嘛)
但有jm話發生怪事 (冇啦啦有男人按佢門鐘同敲佢門囉 ~.~")
所以今日我都係改返book如家七斗星
起碼好多jm住過都話ok嘛

另外，我想diy樣野拎埋去影相
但無奈又未買到料喎
希望我整得切啦 ^^

收到免費wedding logo啦 ^^

經過咁多jm o既推介
真係越黎越多人參加申請免費logo
我等左一個月
終於等到個logo啦
當然要post出黎分享下啦 ^^

逛婚紗展

因為收到邀請卡
所以決定行一行今次o既婚紗展
其實自己好多野都confirm左, 都冇乜必要再行架o勒
所以我都冇叫Jerry陪我去
而係叫左另一位將會結婚o既朋友一齊行
今日係第一日, 可能係星期五啦
人流唔多, 但我覺得今次個規模唔算大
好快就行左一個圈
我仲襯冇人排隊, 買埋中式禮餅券添 (奇華)
哈哈...經過3V個booth
馬上去打招呼.......Sandy立即認得我
但估唔到去到夜晚七點幾佢都個booth都坐滿晒新人
所以我唔打擾佢地
再周圍搵下租裙褂o既資料
見到有間叫"鴻運" o既公司, 佢地d褂好似幾靚咁
有少少衝動想落訂hold住個優惠先架
但...我唔係咁魯莽o既人黎o既, 最後都係決定返家上網睇下d comment先
之後折回3V, 坐低同Sandy傾左幾句
又睇左佢地新址一些相片, 但佢地新衫就未影相, 所以冇得睇
呢晚亞杰都係度呀, 我都有同佢傾左兩句
哈哈..我仲借花敬佛, 送左支玫瑰比佢
佢話佢咁大個仔未收過花喎
好彩我真係禁住自己咋, 返黎睇返"鴻運" d comment好似麻麻咁
睇黎我都要上網再搵下租裙褂o既資料先得
因為其實一過左年, 好快就到我o既BD啦
都差唔多要落實係邊度租褂架o勒
唔知大家又有冇咩心水租褂o既地方呢?!?!?

忙 @@

係bangkok返黎都好幾日架o勒
都仲未得閒寫下遊記、post下相
冇計啦，無返幾日工
成張枱都堆到滿一滿喎
到今日都未清得晒
等我清晒枱面d野果陣我就有分享下我o既sweet sweet之旅架o勒
XDDDDDDDDDD

嘻嘻~~等到啦

一直都等緊Jerry o既正式求婚
佢一直都同我講唔會有架o勒
我就不斷咁提佢，記住呀，記住呀))))
其實之前我都提過佢話....上次亞邊個生日你又識推人去求婚
咁你生日係咪都會咁做
佢o既答案都係一樣.....你死左條心啦 XDDDD
岩岩呢個星期六
係佢搞生日o既日子
當佢收到個蛋糕果陣，佢初初就細細聲同我講
"你嫁比我啦，好冇"
岩岩比朋友聽到，立即話佢咁細聲
走去拎支咪過黎比佢
哈哈，估唔到黎到呢一刻我又有D怕醜
然後仲避開唔答佢添
成班FD都叫我唔好應承佢喎 XDDDDDDDDDDDD
不過最後當然都有答應啦
仲詢眾要求下，咀咀添 wahahahahaha
雖然佢o既求婚同人地預備晒花同戒指係有d特別
但...我果一刻真係好開心架
因為真係無諗過佢會當住咁多朋友面前同我求婚 (仲有半跪係度架)
佢問乜我都會應承啦

哈哈哈~~~~~~

20世紀少年之最終章

尋日去左睇優先場
入到去都差唔多FULL HOUSE了
呢套戲終於做到最後一章
好期待個結局會點寫
因為一早已經追看左整套漫畫
覺得漫畫中o既結尾硬係有點感覺仲未完結咁
電影頭兩章我都係o係屋企睇的
兩次都睇到中途有少少眼訓
可能真係太長啦
無計啦，要交待成個故事
的確要花唔少時間
但估唔到入場睇最終章，我去到某一個位都恰一恰著左
哈~~仲比Jerry話我睇幾集都係咁 :p
其實三集都好忠於原著 (因為作著講明唔準改，咁少少改動就有)
有d角式真係同漫畫裡面o既角式好似添
但我比較鐘意電影裡面o既結局
感覺完整d
嘩....睇完行出戲院望一望錶
已經12點半了
咁就消磨左2個半鐘頭o既時間
三集夾埋真係有幾8個幾鐘頭呀

3V之拍攝後感

除左起初因為天氣o既問題令到心情有d低落之外
整個拍攝過程基本上係好順利
同埋好開心
收獲最多當然係我啦
陰差陽錯之下，我可以影多一輯結婚相 ^^

由於係由杰杰操刀，拍攝o既期間我都冇問過佢拎部相機黎睇下相o既效果
只係好專心咁擺pose & 笑
有時杰杰叫我同Jerry擺d對望o既pose時
我地都真係忍唔住會大笑左出黎
蓉蓉o既化粧技巧就有目共暏啦
又set到我所要求o既髮型喎
仲有小玉都真係好細心
每當唔拍我的時間就立即幫我套上外套
以免我冷親
一空閒時又替我怕花絮相

Jerry就成日係我耳邊講笑
忍我大笑，明知我笑得利害得滯會露牙肉架嘛 >0<
我唔要做牙肉王呀 >0<
依家訂左明年1月2日去完成華僑城o既相片
仲有個半月又到啦
到時除左有新衫著之外，仲可以影佢地個空中花園
如果第二次再安排到佢地幾位幫我手就好啦
但所有相片就要等我影埋華僑城先有得睇
好心急呀

3V之花絮 (1) - 世界之窗

景點：世界之窗
攝影師；亞杰
化粧：蓉蓉
助手：小玉

蓉蓉幫我化o既粧真係好靚呀
尤其係個眼粧，好突出
連Jerry都話對眼大到......成個公仔咁
好開心

到達世界之窗啦，天氣好凍
前面果pair就係跳跳虎同埋佢o既老婆Carmen呀

教堂內 (我地係咪好襯呢 ^^)

呢件長拖尾婚紗好襯教堂個feel呀
連蓉蓉都話我識揀 XD

影瀑布係最辛苦o既
因為d水花彈到我身上，凍我地起晒雞皮
但小玉用我個傻瓜機都有咁好o既效果
我相信亞杰影出黎o既更靚

轉粧~~~
Jerry最鐘意我呢個造型
我表妹後尾都話呢個造型靚d，好似灰姑娘喎 ^0^

拎上去o既道具，得kitty & daniel用得著

擺坐係度同伏係度o既pose最辛苦

大功告功
臨走前叫小玉幫我地影返張相 ^^

3V之正式影相日

天公不造美，一早起身看出街已經看到天色灰黑黑，下著細雨
我o既心都立即變成和天空一樣的顏色.....灰晒
如常咁起身梳洗、check-out、買早餐....
準時到達3v ，一入門就見另一pair人改期了
當時跳跳虎 (另一pair同日影相之net fd) 又未到
我個心真係十五十六，真係唔想係所有野都ready之後改
又因為知道我將會由杰老師幫我影，個心都紮實在
好想搏，但yoyo同其他staff都強烈建議我改期
因為佢地認為攝影棚技術點好
都無可能令到個天影出黎變成藍天白雲
同埋係咁o既情況下出去影相，效果唔好係無得補影
我又好擔心喎

後來yoyo就建議我地一係改係酒店影
其實早一日亞may都建議過我轉入酒店影 (我個plan都唔洗加錢)
但入酒店是要早一日決定的
我地唯有叫yoyo再問下酒店有冇得通融下啦
但無論yoyo點講，酒店都話不能夠破例
咁我地都明呢個係酒店o既規定，唔係3v控制範圍之內
但我真係好多謝yoyo肯幫我再三請求酒店幫忙

後來, Jerry可能見我有d唔開心啦
佢就話一係照影啦
真係唔好就加3200影佢地個舊客優惠package (再影其他景點)
但...我一直想以華僑城做主打架嘛
咁我諗既然Jerry都諗住同我影第二次，不如變一變
最後決定加個優惠package去影世界之窗 (因為有室內影, 不大受天氣影響)
然後改影華僑城
一落實左呢個方案，立即好開心咁跑過去試身室
揀過一件長拖尾婚紗影世窗內o既教堂
化粧後出發，一落樓就見到天光左好多, 冇雨了
果一刻都有諗點解自己唔堅持去華僑城呢
但既然都揀左，就無謂再諗啦，開開心心去影先會影得靚架嘛
其實依家咪仲益左我
可以影兩次相 XDDDDDDDDDDDD

3V之試衫篇 (1)

星期日上午，當我地準備動身上深圳時收到3v電話
勸我地改期，果一刻真係超灰，但我真係唔想改
當所有野ready左, 要改真係會好唔開心
3V o既亞may好耐心咁係msn諗左d方案比我
但我始終好想影華僑城，亦都唔想改
因為無人擔保到下一次又會唔會天氣唔好架嘛
後來我都狠下心上左去
我約左3點試衫, 一踏進3v就比人點左相了 XDDDDD
"咦...呢個咪熊貓車"
原來叫我o既係BLOG友 & ESD友
佢兩公婆我分別係YAHOO & ESD識架, 好有緣
大家仲同一日影添
當我知道佢地都決定搏一搏
果一刻我個心都好似壯大左
之後去試衫, 好彩一早做齊功課
一拎比3v個staff, 佢好快手咁搵齊比我就開始試
都試足兩個鐘呀
去片........

入圍服裝

完成試衫之後
我地就放鬆心情去食飯同埋dup骨
之後就返京湖休息
估唔到京湖D房間真係幾好

3V準備編

其實早一兩個星期已經開始準備啦
好似買定D必需品啦
gel甲又整好
今晚最後衝刺，做多次機
希望會firm d，線條會靚d
準備清單新娘
1.  Gridle、nu bra、束褲
2.  婚紗鞋
3.  粉撲2個
4.  卸妝油
5.  面霜
6.  絲襪

新郎
1.  黑色皮鞋
2.  黑色及白色襪各一對
3.  髮Gel
4.  電動鬚刨

其他
(自己準備)
1.  心水造型照
2.  參考樣版及set頭造型書
3.  蚊怕水
4.  道具 (Kitty & Daniel、泡泡槍)
5.  隱形眼鏡 + 藥水
6.  單據
7.  結婚戒指
8.  乾糧、水及飲管
9.  防曬
10. 前一天試衫預約
11.  一晚住宿 - 京湖時尚 

(3V準備)
1.  花球
2.  汽球

免費Wedding logo

為左想要一個Wedding Logo
等我都係度介紹下先
岩岩係blog 友既網誌發現有一個網站可以免費幫新人設計logo，而且我見佢個logo都設計得好靚，因此我都會申請返一個

如果大家有興趣，可以去呢度申請：http://4marry.net/

申請方法: http://4marry.net/forum/thread-2785-1-1.html

決定後的九個月

時間真係不知不覺咁溜走
回想返我地決定結婚o既日子
原來都已經係九個月前
係呢段時間裡面
我經歷了很多轉變, 亦都處理左好多事
最大o既轉變都應該係工作上
原本一直覺得好好o既僱主
突然因為一場金融風暴變成了一個手段狠辣的殺手咁
亦都令我的起心肝轉左工
可幸的是我找到了一份好的工作
而剛剛未來老公亦都係工作上遇上了少許問題
不過我相信好快可以解決
我亦會全力支持他的
另外, 因為一直在籌備婚禮
我都係網上面識左好多朋友
大家經常滔滔不絕咁分享亦令我的生活更加充實
係呢九個月裡面我亦曾經懷疑過自已o既選擇
但呢d都只不過係因為一時氣昏後的想法
到呢一刻其實我對我將來o既婚姻都好有信心
下個星期就係影相o既日子
之前日盼夜盼o既日子估唔到好似一下子就到
真係好期待

我的gel甲

第一次整o既gel甲
係就係簡單少少 (冇畫花 & + 閃粉only)
但我諗影相果時會好突出

特別鳴謝亞Be o既朋友Tracy

剪髮

秀髮留左差唔多羊年啦
終於由碎陰留到可以分界
原本碎濕濕o既頭髮亦都留到厚"dup dup"
我專登唔影相前幾日先剪
係怕一陣有乜依郁
剪得唔好時都有兩個星期時間留返好
本來想挑紅色highligt架，但係紅色又真係好快甩色
到兩個星期後都唔知仲睇唔睇到色呀 (好似誇左少少 XDDD)
但我又怕染淺色會令到D頭髮好似好旱咁
同埋深色頭髮亦有佢o既美
所以最後我揀左染blue black
即係o係室內同埋晚上
大家只會覺得我有一頭烏黑o既秀髮
但係陽光下就會透現出寶藍色
染出黎個效果我好鐘意呀
我諗我會keep住呢個色一段長時間 = =v

仲有半個月

仲有半個月就影相啦
哎吔，呢半個月重左兩三磅 (鬼叫自己恃住瘦左食多左野咩)
我一直都係黎緊半個月減返落去
進入11月，我係唔會再沾半滴酒精架o勒
直到影相後為止
所以11月頭搞生日的朋友，真係唔好意思
我係出席唔到o既 XDDDDDD
尋晚我都好叻架o勒，飲左兩支唔夠
已經全程係度飲冰茶
聽晚哈佬喂出黎飲野，我都係諗住咁咋
為左靚靚，無計啦
玩少d就玩少d，飲少d就飲少d啦

我的BEAR BEAR

收到我對bear啦，原來對bear真係好大隻架
我諗都可以簽到唔少名上去

幾大個箱pack住黎

每隻都附有網紗袋

Carmen & Jerry

Jerry ^^

Carmen ^^