我諗每位籌備緊婚禮o既兄弟姊妹們都明白
搞婚禮同倒水係無分別o既
所以大家都會用盡方法去減低開支
亦由於好多服務公司都會推行介紹優惠制度
由舊客介紹新客，通常雙方都會有著數
以下係我join 左而又有介紹優惠o既商戶
MODE
介紹優惠：新客拎舊客優惠卡去報名，雙方套餐價格各可減100蚊
3V
介紹優惠：雙方各得7寸相簿一本 (18張相入相簿)
我已經介紹左好多朋友join架o勒，所以依家都唔會專登再搵
Charming Image
其實無介紹優惠制度，不過你有興趣報名時，話有朋友介紹
佢會計返你平d囉，不過我建議應該先了解佢地offer咩價錢比你先提朋友介紹
因為我都有朋友join果個package抵過我 XDDDDDDDDDDD
如果大家需要幫忙，我樂意幫手架 ^^
務求大家都可以慳得一蚊得一蚊
嘩哈哈~~~
首先要多謝搵我幫手做介紹人o既朋友
無你地o既幫忙，我就換唔到想要o既野 ^^
好啦，入返正題
原先我都冇諗過用7寸相簿黎換單人照package架
因為一個人去影好似無乜癮咁
但後來有blog友問我有冇興趣約埋一齊去
咦...咁又唔同喎
所以係岩岩呢個會展期又積極少少咁幫人做統籌同介紹人
終於比我儲夠5對新客戶去轉一個單人照package啦
岩岩仲約左25/7去影添
希望到時唔好太過熱啦
估唔到3V o既單人照package都係會一對一服務架
so good~~~唔知到時有冇機會再遇返劉老師或者亞杰呢
不過其實我都想比其他攝影師影下唔同o既風格同造型
超期待 =^__^=
* 自此以後，我會留返d quota比其他join左3V o既姊妹去做介紹人架o勒
原先一直講好左，結左婚點都要搬出黎住
但依家樓市升到咁o既地步
真係唔係入市o既時候
但係租地方住的話，又好似唔係好儲到錢咁
而且見到身邊o既朋友置業
佢地都係買d樓齡大少少o既樓，地方超實用，好見駛
月供都係供7千蚊左右，真係同我出去租差唔多
咁倒不如我地盡快儲多d錢
係結婚一、兩年內等樓價有機會下跌返少少時入市
尋晚我地都有討論過呢個問題
亦都覺得咁樣比較好
但依家就引申左另一個問題出黎啦
究竟係佢家住定我家住呢？？
佢當然唔想住去我家啦，佢話冇咁自由喎
但我都一樣，比我都想同自己媽咪住啦
況且我媽咪實冇問題架，我叫左佢試下同佢媽咪傾下呢個問題
睇下佢咩反應先啦
可能佢唔想我地搬返去住呢，唔知架嘛
不過我都擔心最後分配唔到，都係要租住地方先囉
總之，新目標係............2年內置業 ^^
希望能夠達成啦
先前仲大大聲話要DIY呢樣DIY果樣
最後都因為見到其他人o既制作太精美啦
自問冇本事做得到
所以決定唔搞咁多
本來已經係Fiona度訂左6支簽名筆
後來係佢blog見到d戒指座比一般o既戒指枕不同
而且除左可以放戒指外，仲可以放係reception做裝飾
所以又再係Fiona度訂一個
仲買左對Kitty比Fiona幫我設計一個添
佢o既手工我好信得過，所以任佢點發揮
好期待Fiona o既大作
圖copy from Fiona's blog
簽名筆 (其中兩支揀左呢款，另外四支會做Kitty & Daniel)
戒指座 (以呢款為基礎，即係都要英文名縮寫)
我就係買左呢對Kitty黎比Fiona加工啦
好開心又再一次同大家見面
今次雖然我地約早左
但失控o既程度係冇變過o既
今次我地多左2位準新娘朋友，佢地就係Bonnie 同埋Kati ^^
由於同上一次聚會都相隔左一段日子
所以我地o既籌備工作都行進左好多步
最多人完成o既事項都應該係影婚紗相啦
哈哈~~見到大家都影到靚相，真係開心
另外，估唔到我地果晚8位準新娘
已經有4位搵左Kitman幫手做花球啦 (仲要我地4個咁岩坐同一邊添)
唔怪得Kitman果日同我講，9月佢突然好忙啦 XDDDDDDDDD
開心o既時間過得好快，而且亦令我呢個岩岩做完矯視手術o既百厭妹
完全忘卻滴眼藥水囉
我返到去都唔敢話比Jerry知，我滴漏左咁多次呀
好啦...咁又去到十一點啦
又要返歸lu，大家臨走前都計劃5月再出黎聚會
希望到時我都可以再出黎同大家傾計啦
post返張相先 ^^ (偷from小西blog)
由拍攝第一輯相到依家
足足4個月啦，終於完成埋睇排版呢一項
不過最衰之前自己睇相果陣睇得唔夠仔細啦
搞到今次有好多細微野要改動
都係一d影到路牌、花田o既花酒、膚色不均問題.....等等
而有關排版，雖然我唔算係非常滿意
但都已經不錯啦
可能我要求唔高啦，我真係唔知咩先為之一個好o既排版
只要自己睇落順眼就可以了
我共有9本相簿 + 7張大大小小o既油畫
每本我都差唔多寫左1張白紙左右
淨係寫紙仔，已經用左我3個半鐘頭啦
然後就中場休息，去食個tea先
等設計師修改一下後再返去3v作戰
之後3V CS 就叫我入埋去佢地設計部房間
一路指點設計師，一路修改相片同排版o勒
我同Jerry一人坐一邊，你一句我一句咁指出要執漏o既地方
設計師就好似變魔術咁，好快手就改成我地滿意o既樣子出來
油畫我地係執得最嚴謹同埋最耐o勒，無計啦呢張相放最大架
我最終都揀左最多人投票那一張花田做油畫
亦都接受左佢地o既建議去修改
我同Jerry用左成擔心機去執好d相同排版
為左唔好浪費我地o既心機
我最終都決定比100蚊買走所有排版
所以我可以提早同大家分享一下3V o既排版啦......
由於版面有限，我只post出部份我較為喜歡o既排版出黎
12寸相簿排版設計
好開心，已經confirm好晒我o既姊妹團啦
佢地包括 (排名不分先後) 
伴娘 - 表妹亞Be
姊妹 - 細妹癲妹、表妹臨臨、靚女Carman、靚女Wing Wing、靚女Gladys、靚女Gigi
MC - 靚女Wen
由於我問過幾位靚女o既意見
佢地都認為我唔需要包佢地姊妹裙 (我冇指定顏色)
佢地話幫我慳錢，抵錫 >3<
但我點都要包返細妹同埋2個表妹o既裙o既，仲要預一條比姑仔呀 ^^
計過數，係CI度租伴娘衫一件都要500蚊
咁倒不如我造一套比伴娘拎走仲化算
又可以比佢任揀款任揀色
因此我呢期係度做緊research
預計5-6月左右會同佢地去睇款 & 度身
以下係我搵到o既資料：
Joy Marry (Tel: 2470 8899)
尖沙咀百利地下59號舖
* 呢間其實係CI o既姊妹公司，我係CI租衫再係度造姊妹裙的話有現金優惠
Lasting Love (Tel:2730 2998 )
尖沙咀百利2樓12號舖
Leegina Luxury (Tel: 2730 2689)
尖沙咀百利2樓16號舖
永結同心 - Jade (Tel: 3151 7883)
尖沙咀百利2樓110號舖
* 現貨買走$270 (8折)/ 訂做$290(9折), 包改衫身, 不過改衫長要比$50
^ 呢間o既comment都幾好，可以考慮
SWEET - Ice (Tel: 3428 8807)
尖沙咀百利商場2 樓102號舖
POP Corners (Tel: 3188 2336)
尖沙咀百利商場3樓310室 
網上商店 - Joyce Fashion
MDL Beauty Shop
好~~等我有時間去行下百利再慢慢研究先得 ^^
決定繼續獎勵自己
所以plan左一個澳門一日半遊
星期三買好晒套票就等星期五出發
星期五一收工立即換裝，到港澳碼頭同Jerry會合
然後浩浩蕩蕩咁過大海去
到達澳門第一件要辦的事就係去酒店check-in先啦
今次我地訂左澳門16浦索菲特酒店
坐shuttle bus到達酒店，立即拎房上去放低d行裝先
由於第二日係星期六，所以酒店做唔到late check-out比我地
但都upgrade左我地住海景房 ^^
settle down之後就差唔多8點9啦
立即飛的士去新葡京o既自助山食buffet
估唔到食物種類真係幾豐富
而且refill都好快，又新鮮
果然無介紹錯呀
之後返左酒店樓下個賭場玩
哈哈....兩個夾埋輸左2千蚊之後就返上房休息
第二朝係酒店食早餐buffet
其實酒店房間同設備都唔錯，就係唯獨個早餐爭左d
食飽後就上房休息多陣
然後執好行裝又再起行
首先當然係到酒店o既MJ Gallery影相啦
然後就搭車過威尼斯人啦
重頭節目黎啦................登登登登
就係去曼聯旗艦店新開果一層參觀呀
今次去都幾抵，買"球員"通行證158蚊，但買一送一喎
我地係上面影左好多相
仲玩左好多遊戲添，足足逗留左係呢度成個鐘呀
Jerry不知幾開心，佢開心我又開心 ^^
之後就過去新開無耐o既新濠天地o勒
由威尼斯人行過去5分鐘左右架咋
哈哈，我地終於靠輪盤翻身
唔洗輸得咁甘 :p
最後就開始飲飲食食之旅o勒
乜野都走去試
淨係食小食已經好飽啦
根本食唔到晚餐
快樂o既時光過得特別快
又係時間要走lu
下次再黎食返夠本
