手術當日

好多人都有問過我
做手術前有冇緊張？！驚唔驚有後遺症？！
真係冇喎，可能我真係好想快d無後顧之憂啦
我男朋友仲話我膽生毛添 XDDDDDDDDDD
一早媽咪同細妹同我一齊出門口
但媽咪就陪細妹去睇皮膚醫生先，之後先黎接我
我就自己去食個早餐，然後等做手術
做好晒所有檢查程序同準備妥當後
就坐係手術室門口o既休息室等
哈哈‧‧聽到d機械o既聲音我都唔識驚喎
入到去訓係手術床上
醫生一路同我傾計一路幫我做第一個程序，無刀切割部份
然後再次坐返係休息室等
好快就到第二個程序啦，激光矯視
又係一路傾計一路做
5分鐘唔洗就搞掂啦
完成果一刻我睇野已經清楚左好多 (我諗有七成視力架o勒)
之後係休息室抖左15分鐘，然後再見一見醫生就走得lu
全個過程都只不過係10分鐘唔洗，但等候o既時間就好長囉
後來返到屋企訓左2個幾鐘後
基本上已經完全恢復視力
所以好開心咁準備出去同9月新娘子們gathering啦