朗朗的成長 @ Baby Mo

上年年尾有時間整理下朗朗D相
我就順便去Baby Mo個網站度upload朗朗d相
睇下有冇機會刊登
之後等到編輯部聯絡我交high resolution相片後
就一直每期留意住
但都未見刊登

最後到兩月號終於見到啦
XDDDDDDDDDDDDDDDDDDDDDDDDDD

每張相都用心揀過架 ^_____^
朗朗又多樣野留念啦!!

雅培Blogger Event - 醒目BB運動會

對上果次帶朗朗參加Blogger Event應該都係上年七月o既事啦
好慶幸得到雅培o既邀請
可以同埋三個好朋友同朗朗的三位好兄弟一齊去由雅培主辦o既BB運動會
今次活動係中環o既First Little Step舉行

準時去到已經有不少Blogger媽媽同佢地o既BB係場地玩緊啦
當然我又遇到不少好耐無見o既Blogger朋友啦
唔少得o既就係我地由結婚已經成日一齊出席活動o既Mrs Chik Chik同佢精靈o既仔仔朗朗啦

開始講解運動會時朗朗好留心

當日分別同分組玩左3個小遊戲
朗朗係第二組的參賽者
係等候期間就周圍玩玩具，不知幾開心
第一組完成後就到朗朗出場啦

Game 1 - 推波波
朗朗係媽媽的協助下，第一個到終點呀
叻叻!!

Game 2 - 鬥快入籃
將波波帶到小型籃球架再投入
呢樣野，朗朗係家都成日玩

 

Game 3 - 擊退熱氣
呢個難少少，因為要用波波掉中熱氣小仔先完成

 

完成每一個項目都有一粒星星
朗朗儲齊三粒啦
佢自己都覺得自己好醒呀，係咪SHOW比人睇
當然唔少得證書一張啦

   

其實呢三個遊戲主要係帶出

雅培奶粉除左有助小朋友腦部全面發展外，亦都可以增強抵抗力
奶粉不含棕櫚油，咁就可以吸收較少的鐵質，更多營養，減少便秘，踢走熱氣

玩完遊戲，飲左果汁後
所以朗朗成場走，不停搵車車黎玩

 
 

朗朗亦有參與其他集體活動
當日朗朗同朋友仔們都玩得非常開心
真係好多謝 Solo Digital 同埋雅培比左個機會我
遇返不少舊朋友之餘，仔仔仲玩得開心

 

 

 

最後 4 Kings 們當然要影大合照啦

今次o既安排我覺得做得好好，係咁多家長同bb出席之下都無咩混亂情況
加上First Little Step o既導師都有落力同小朋友玩
最後每位BB都得到一份豐富o既紀念品添
真係又有得玩，又有得拎
多謝晒希望再有機會出席不同o既BB Blogger 活動啦

望道號 Logos Hope

全球最大海上圖書館船「望道號」係年尾已經抵港
原先我都無特別留意架
後來媽媽會內的媽媽推介，話船上有好多兒童書籍
而且比街買的便宜
所以我都專登抽少少時間上去行下

船上係以Unit為單位
每50Unit就等於HKD10
我總共買左二百幾蚊
收獲都算唔錯呀
仲買左一套好靚o既Toy Story Set
除左朗朗鐘意之外，我自己都非常鐘意呀!!!

朗媽廚房

為左朗朗吸收更多illuma提供o既營養
我有時更加會用奶黎煮正餐比朗朗食添
今日o既午餐就係...............芝士白汁西蘭花火腿碎肉通粉
heheee....個名超長，但其實做法好簡單

材料:
西蘭花               少許  (先烚熟)
火腿                  少許  (切粒)
瘦肉碎               少許 
通心粉               少許 

白汁材料:
Illuma                100ml
麵粉                    少許
BB芝士 (笑牛牌)  一粒

先將所有材料分別準備好待用
之後先輕輕煎下d肉碎
過一陣就落埋d火腿粒，待肉碎半熟就可以將奶倒入
之後加適量o既麵粉再攪拌奶慢慢變杰身
咁就可以放埋涌粉同西蘭花粒啦
最後將芝士放埋入去攪至完全溶晒就完成了

好味o既Illuma通粉大功告成...wakakaka

朗朗急不及待就要食啦

遲d再share下其他BB食譜比大家 ^____^

19個月大

其實朗朗轉Illuma無耐，已經由3餐奶 (早、Tea、臨訓)
轉做依家o既早晚2餐
因為大個仔啦嘛
朗朗正餐都食得唔錯
為左佢可以繼續吸收更多營養
所以我堅持要keep住每日比佢繼續飲奶
我覺得朗朗飲左Illuma後腸胃又好左     
腸胃好D，連皮膚都好D添
真係唔係講笑架
連朗朗睇開o既家庭醫生都建議我繼續比朗朗飲
依家唯一係最怕飲夜奶會蛀牙啫
所以每晚朗朗飲完奶我都要佢刷埋牙先訓架

有幾次，我開少50ml比朗朗飲
點知....飲完後佢喊晒口要我再開
Haha….佢個喊樣陰公到呢…所以依家每次都必定開足200ml
朗朗次次都一滴不淨架
依家主要係睇下點可以由用奶樽變成用普通水杯
唔知大家有冇良方呢.?!?!?!
戒奶樽我覺得好難呀

慶幸我好容易就幫朗朗戒左奶咀啫
估都估唔到，只係幾晚唔比佢用
佢扭都唔扭就訓，依家我直情唔帶奶咀係身呀
但婆婆有時都係照比奶咀佢訓晏覺
其實朗朗差不多出齊牙，可以唔用就最好啦
因為我自己d牙唔靚，我都唔想朗朗好似我咁嘛

奶咀Look已成絕響

向上刷、向下刷
不可放任胡亂刷

三老表迪士尼之旅

難得有時間，今次同婆婆同埋妹妹
帶晒三隻小魔怪一齊去迪士尼玩
其實主要係想影下充滿聖誕氣氛o既樂園

兩老表去到已經好興奮

我地首先去Shopping
之後就到巡遊時間
兩個大小朋友已經開心
期待最鐘意o既卡通人物出現
細B就覺覺豬中
巡遊中途兩個小朋友仲走左出去一齊跳舞添
見到佢地咁開心，我仲開心

跟住就周圍玩啦
都係玩朗朗同Oscar鐘意o既巴斯光年先
之後又係影相時間
兩個爭坐司機位 XD

HEHEHE...終於可以一齊影大合照啦
係我最愛o既薑餅人
同埋原來朗朗都好like薑餅人架

大部份時間都係跑來跑去
我同妹妹就負責排隊等影相
Mickey & Minnie o既聖誕裝真係好靚呀

今次表哥仔就醒目呢
唔玩o既時間，大部份坐朗朗架私家車
朗朗就爛玩到痺，堅持唔坐車仔要自己行
所以食完晏無耐就覓覺豬啦

玩完Toy Story Land就去灰熊山谷
但表哥仔未夠高玩極速礦車，但佢媽咪又好想玩喎
我唯有買支糖請佢食氹住佢啦

最後點少得玩大人小朋友都最愛o既旋轉木馬呀
Happy!!!!!!!!

好少何我地可以玩到天黑都未走
睇埋聖誕樹亮燈同埋飄雪
我地就盡興而歸啦

原來2012年
我同朗朗入左迪士尼4次啦
真係誇張 ^_____^
不過無計啦，我咁鐘意影相
入迪士尼就最多野影啦
下次等細B大個D，再一齊入黎玩