Honeymoon 遊記 - Day 1 - Zurich (蘇黎世)

Day 1 - HK > London > Zurich
住宿: Apart Hotel by Hilton

期待以久o既蜜月之旅終於出發啦
前一晚我專登好夜先開始執行李， 搞到凌晨五點幾先訓
為的就係想一上機就訓訓訓
盡量較一較自己個生理時鐘，過到歐洲唔想有jetlag
其實訓左個幾鐘就起身啦
之前已經一早做左網上登機
所以都唔洗話太過早去到機場

本來有諗過揹背囊去架
但蜜月都要揹背囊又好似好慘咁
最後出動左我同細妹o既嫁妝 XDDDDDDDD
兩個Kitty 喼，哈哈...我個紫色喼，去到邊都比人讚呀
又有人問我係邊度買喎，媽咪果然好眼光

check-in後就去貴賓候機室食個早餐
等待出發
呢日我會由HK出發，到達倫敦的Heathrow機場轉機去蘇黎世
第一次坐長途機都算ok啦
有得坐窗口位置，係機上睇左2套戲，食左2餐飛機餐
再唔係就打定d blog同埋小睡
話咁快就過

去到Heathrow機場，等候轉機期間我地又去左食晏

不過機場餐廳o既野食真係麻麻呀，又貴 >0<

到達蘇黎世已經係晚上o既十點啦

連埋轉機，總共用左18個鐘呀.....暈 @@

由於呢晚咁夜先到

我專登book左間近機場o既酒店

又有接駁巴士由機場過去喎，非常方便

酒店環境都算唔錯呀

又夠靜，房間又夠大

不過第一晚我就發現，我帶黎個變壓器竟然漏左最重要果一個插頭

唉....邊個抆走左架...激死我

無辦法之下，唯有唔開netbook同用少d手提先啦

十二點幾左右就休息lu

期待第二日正式開始玩啦