好似已經係朗朗10個月大嘅事
原先諗住每年影一輯架
呢度睇下、果度揀下咁.......懶懶閒咁.....
朗朗已經就黎三歲啦
我都未揀定 @@"
有一次係facebook見到幾位朋友都join左一個戶外照團購
見價錢唔貴，我都join埋一份
當時，其實我起初連團購公司嘅作品都未睇過架....XD
不過一心諗住幾個相熟朋友都揀
應該無錯架嘞
拍攝公司: Coochichi Photographer
團購拍攝期限係14年3月尾
原先約左3月4日去影，可惜天雨問題要改期
一改就改到4月啦
影相果個星期，又係天陰陰，間中有雨咁
我不知幾驚又要再改過
好彩天公造美，影相當日非常好天
我揀左有草地、湖景、playgroup、噴水池嘅迪欣湖
一早就帶朗朗去迪士尼玩一陣
然後再行去迪欣湖會合攝影師
原來好耐架 =口=
比約定時間遲5分鐘先到達
一去到就開波啦!!
攝影師開始同朗朗傾計
引下佢笑，一路玩一路影
朗朗就越黎越投入
同哥哥玩得好開心
唔洗睇，我都估到哥哥一定捕捉到朗朗好多可愛嘅笑面
個半鐘嘅拍攝，係非常好嘅天氣及十分順利下完成
我同朗朗去7仔買野食，補充好體力後
又由迪欣湖行返過樂園再玩多轉
我都覺得自己簡直係超人媽媽，擁有無窮無盡嘅精力
當晚，突然收到攝影師哥哥what apps傳來十多張相片
雖然只係拍攝電腦MON咋
但我見到啲相已經開心到爆
影得好靚好自然
等我POST幾張出黎先 ^____________^
非常感謝攝影師哥哥落力咁完成整個拍攝
期待收到相片，到時再同大家分享下
沒有留言:
張貼留言