呢個星期六日真係好忙呀
除左confirm左主婚人 & 姊妹裙外
仲去左一田大掃貨添
事緣媽咪星期五買左個喼比我做嫁妝
想買埋龍鳳被架
但佢又想我揀自己鐘意o既款
所以最後只係拎左本catalog返黎比我
然後決定星期六朝早再去搏殺
去到一田，第一時間就係迫去雅芳婷
再睇一次實物後就扑槌買紫色果一套 (我真係好鐘意紫色 XDDD)
買婚慶系列係可以免費繡名 & 大婚日子架
仲有一對心型咕臣同埋利是封送添
媽咪話橫掂都係
不如買多一套紅色做替換
最後買埋呢一套
媽咪真係好架啫 >3<
除左辦嫁妝之外
我仲買左一對愛皇健備長炭枕頭
留黎之後用 ^^
當然除左呢D野，我地仲買左好多野
你地睇下我簽左幾多卡
我新居啱啱買咗呢隻款, 一田有幾折呀??? 我係雅芳婷買, hsbc 得 95 折咋! 仲要無心型咕臣送喎, 不過, 我哋唔係要嚟做龍鳯被, 所以無叫佢繡名 ~
回覆刪除呢個愛皇健枕頭, 賣成九百幾蚊個架喎, 你買幾錢呀? 又咁啱既, 我新居都係用佢喎! 不過, 我係因為買咗張超貴床褥, 佢免費送咗兩個比我哋! 呢兩個枕頭真係好舒服, 識得揀佢真係識貨呀, 哈哈.....
[版主回覆06/01/2010 10:09:00]套紫色床品折實後HK$1,009 愛皇健枕頭超特價...HK$299 for 2 wahahahaha....唔知第時我幫襯愛皇健買床褥會唔會又送呢.... 我見平時買普通枕頭都百幾2百一個啦，愛皇健應該有保證卦
嘩, 真係好平呀, 我係雅芳婷買貴好多呀
回覆刪除咁你個枕頭真係買得好抵啦 ! 呢款枕頭真係超舒服, 加埋愛皇建既床褥真係 perfect, 訓到唔願起身, 哈哈 ~~~以我所知, 我有幾個朋友唔同年份買愛皇健床褥都會送枕頭的, 只係, 買單人床褥會送一個, 買雙人床褥會送兩個的。
[版主回覆06/01/2010 10:24:00]一田話呢套床品係7折後再9折囉, 其實出面賣幾多錢真係唔知 如果到時我買床褥再送兩個枕頭的話，咁我就送果2個比dad & mum用 ^^
見你不停買嫁粧好心郁郁去買忝，不過媽咪行動唔太方便，所以買嫁粧既事將會係自己話哂事，應該會再遲多兩個月先去買，廢事擺係屋企阻地方。(屋企地方淺窄。
回覆刪除[版主回覆06/01/2010 14:14:00]我屋企都淺窄架, 不過見咁平, 買定d先囉 哈哈...我得閒就掉我bf d舊野, then塞返我新買o既野入去 XDD