話咁快就24週啦
仲有大約4個月小B就來臨啦
我真係懶左好多.....有時間都留返黎執屋訓覺
又要努力寫下blog啦
settle左新居o既野後
開始要準備小B o既用品
好彩好多野都有朋友認頭
要添置o既物品都唔算好多
慳返一大筆先
唔知點解我個肚到依家都仲有好明顯咁
有d人估我有左3個月咋 >.<
我依家已經比有左前重左18lbs (我覺得好多囉)
肚圍就35.5寸 (反而肚唔大)
我o既近照
所以到依家搭車都鮮有人讓座比我...仲有人同我爭位添 = =
不過算啦，我都仲未好論盡啫
但我老公就成日覺得我好論盡喎，又叫我咪做咁多家務
驚我整親
又話屋企咁乾淨邊洗日日打掃架
比佢激死....如果唔係得我日日打掃，又邊得黎乾淨呀
好啦...遲d 等我行埋d bb展，再post下我為小B買o既衫仔同埋用品先
咁又系WA~ 你個肚仔唔系好大.~ 35.5 系我 4 個幾月時的呎寸.. 現在去到40 寸了..
回覆刪除[版主回覆02/24/2011 12:09:00]我唔知有冇機去到40寸呢 @@
我都係24wk先覺得個肚大過之前, 之前成日比朋友話唔見肚
回覆刪除[版主回覆02/24/2011 12:09:00]岩岩早兩日同D fd dinner, 佢話我果個似肚腩囉....haha
你都好有人讓位比你......雖然有人同人爭..
回覆刪除但我到而家都冇人讓位比我呀....而家時下既香港人真係....唉
[版主回覆02/24/2011 12:08:00]一時時啦, 10次有1, 2次囉 我老公陪親我搭車, 都有留意D人...好似尋日咁我上到車冇人讓, 佢見到附近有個中年男人拎住d教科書, 佢就話, 估唔到連為人師表都唔讓位...我話...佢可能係備課返home教仔女o既普通男人呢 XDDDDDDDD 當我正想傍係旁邊D玻璃時, 有個後生女讓我 ^^
日日打掃!?? 停工唔駛返工喇??
回覆刪除d人話郁動多d....bb都會健康d....生b時都容易d 嘛.....不過做還做呀...都係小心d好呀!!!
[版主回覆02/28/2011 17:04:00]唔係呀, 我會做在職mama架, 我都係咁諗, 郁動多d我生都容易d啦, 所以唔太辛苦我都會keep住做呀
有咁錫你既老公...好幸福
回覆刪除休息多D啦...對BB都好D...費是整親阿嘛...! 我又覺得個肚都大大地...ccc 加油!
[版主回覆02/28/2011 17:05:00]有咩事整親佢個囝點算喎 XDDDDDD 咁當然..佢都係鍚我啦 唔太辛苦我都會照KEEP住做呀, 咁第時我生果時都冇咁難
依家睇你個肚唔算好大,我驚我第時仲大呀..^^
回覆刪除[版主回覆04/22/2011 19:06:00]到你果時記得好似我咁呀, 個個week keep住影相, 留個紀念
但係比我上次見你張相大咗好多喇喎!!!真係好呀,小B快高長大健健康康呢~~期待你的大肚寫真啊~~
回覆刪除[版主回覆02/28/2011 17:05:00]已經有6個月啦, 唔大就大件事...haha....
比哂你老公做!haha~~~ 媽媽肥少d仲好!生完修身無咁辛苦~最緊要小b係入面健康~
回覆刪除[版主回覆02/28/2011 17:06:00]好難啦, 要佢做佢寧願我做返 XDDD 係呀, 我都唔想肥太多, 因為一來自己辛苦, 兩來BB太大都唔好架
個肚真係唔似 6個月呀~~~
回覆刪除不過最重要都係健康傘 ^^
[版主回覆03/01/2011 16:56:00]肚細個蘿大呀...成個龍躉咁 不過最重要都係bb健康, 肥少少都冇計啦, 到時再減