萬眾期待o既曼聯餐廳將會2/5 Grand Opening
我同Jerry係忠實擁蠆又點會錯過呀
我地襯未係咁多人去之前
拿拿聲book定位去食返餐
星期五收工一齊去撐下枱腳之餘，又撐下場啦
平時返工要恤衫西褲o既我地
都專登帶定件波衫返工，收工就變身落去
首先緊係睇下menu有咩好食啦
估唔到menu都做到成本雜誌咁，裡面有好多資料
仲有會歌歌詞添 XDDDDDDDDDDDDDD
食物方面都係一般西式餐廳咁啦
咩都有D，小食、三文治、pizza、意粉.....
我地另外叫左兩杯cocktail
一杯叫做Red Devils 即係紅魔鬼
另一杯叫做Ferdinand 即係里奧費迪南 ^^
我地叫左個小食叫雞腿七重天，味道唔錯
其實係將七種唔同o既醬料放係炸好左o既雞腿上面
紅魔果然無處不在，估唔到洗手間都見到佢地o既蹤影
下面呢幾張相就係o係廁所範圍影架
係咪好奇怪我點解影個電視出黎呢.....其實呢張相唔係我影架
一定要Jerry入左男廁先影到.....哈哈...開估
呢個電視係放左係男廁尿兜入面架
等每個小解中o既男士都可以一路睇波一路去
仲可以比佢地"射"下波添 XDDDDDDDDDDDDDDDDDD
但可惜o既係女廁只係一間好普通o既廁所
未開餐之前，餐廳o既GM仲走黎同我吹水添
問我係咪真係FANS喎~~~我話當然係啦
佢都話試業咁多日，都有好多女FANS黎捧場
佢諗唔到原來HK都好多女仔鐘意睇波架
食飽飽當然要再影下相啦
但由於周圍都坐滿人，所以我都唔係影左好多相
不過間餐廳係TST之嘛，想去幾時去都得
但聽聞佢地有賽事o既日子都比人訂晒位....估唔到咁利害
HK vs Bangkok
我鐘意曼谷果間多d，因為果度比較多簽名波衫同埋收藏品
我都有同GM反映過，佢都話會陸陸續續再做多D裝飾
務求大家黎到都覺得正
希望下次黎可以影多d相啦
下面呢張就係o係曼谷店影o既相
我最鐘意就係bar枱上面果個會變色o既圈圈
同埋唔講唔知，印尼、日本同南韓都有曼聯餐廳架
我o既目標要去晒所有餐廳
當然唔少得係奧脫福果一間啦
沒有留言:
張貼留言