拍攝婚紗相呢一個項目
終於進入最後階段................取成品 ^^
基本上4月中已經ready比我拎架o勒
拖到今日先得閒去攞
由於要陪媽咪同表妹去整d野
我先去3V放低架車仔先，搞掂其他野先返轉頭去拎
3點左右就一行四個上左去3V o既office
今次係Apple幫我手
佢一次過拎晒我所有成品出黎
嘩......真係好大堆頭囉
但我有d唔好彩......一打開其中一本15寸相簿就發現
佢地做錯左封面
佢地將2本15寸相簿o既封面對掉左 @@
Apple立即話會幫我修改返，令到我今次拎唔齊d野
當Apple拎張大油畫出黎果陣
我都嘩左一聲..........真係冇揀錯，好靚，我好鐘意
但唔知係咩原因，油畫頂 (其實係一條邊邊咁少o既地方) 有少少色差問題
Apple check過話應該係原先張相o既效果
但我覺得唔係，所以佢都承諾幫我重造一張
如果出黎效果係一樣的話，佢地會幫我加個畫框
遮左我覺得有問題o既地方
ok, 我覺得無問題
然後就check埋其他成品啦
全部我都覺得滿意o既
不過有樣野的確要提一提，就係佢地d相簿內頁
比我想像中薄，但我試過佢地d質地，應該唔會好易爛o既
同埋我諗每一個JM o既相簿都應該一樣
所以我又唔太介懷呢個問題
其他成品包括旋轉水晶、艾利水晶、相架等等......品質我都好滿意
係等緊佢地幫我燒埋隻softcopy碟期間
我去左試身間果度8下有咩新衫
跟住見到有位靚女係更衣室走出黎
佢一見到我就同我say hi~~我諗左一陣都認得佢係emily
呵呵...真係比我撞到佢 ^^
佢星期一會去影華僑城，希望佢順利啦
依家post住張部份成品合照先
遲d等2本15寸相簿同埋張油畫歸隊後
再影過一張 ^^
2張12x26 艾利水晶
(1) 4 in 1
(2) 心形排版
2個旋轉水晶
我超鐘意，未來99仲話想我留一個比佢地放係屋企
但我想2個都放係我屋企呀 >0<
2個12寸水晶相架 & 1個8寸熱裱
3本10寸相簿
跟住落黎我會開始post部份相出黎 (但會私友化)
如果有部份朋友睇唔到，唔好意思可能我add漏左你
你留個msg比我，等我add返你呀 ^^
心型排版好特別ar...
回覆刪除[版主回覆05/10/2010 17:12:00]你覆得好快bor~~哈哈~~係呀, 我好鐘意呢張水晶 ^^
你唔系封面個兩本相簿.. 個質素可唔可以..
回覆刪除[版主回覆05/10/2010 17:22:00]我覺得冇問題喎, 其實每本相簿我都逐頁睇過架 不過我唔算係細心o既人，可能有d小問題我睇唔出卦 係呢, 你同3v反映左你個問題未, 我見佢係esd都立即回應你, 希望佢地可以幫你解決你o既問題啦
好虛磡呀...可以加框傢咩...上次我睇框果D係另一隻料黎傢BOR
回覆刪除[版主回覆05/10/2010 18:00:00]其實我之前都有問過，如果我想做畫框得唔得，原來係可以架 may答我，通常佢地都會建議我地做版畫，因為好多時有d景同個畫框唔夾 (因為佢地得一款畫框) 但我依家呢個問題，如果真係張相係咁，我就想用個畫框黎遮一遮囉
但上次婷婷同我請有框果隻冇咁com o既
回覆刪除話好容易爛o既
就係因為咁我先冇揀框
[版主回覆05/10/2010 21:35:00]頭先我都問左亞may, 佢都係咁答我, 所以依家會睇左out put先決定做乜
好靚呀...
回覆刪除唔知第時我個輯有冇咁好效果呢
[版主回覆05/10/2010 21:36:00]多謝呀.....唔洗擔心你輯相實靚o既 ^^
果日真係好想睇你相架..不過試4衫又唔好意思阻住人做野,所以癈事周圍走....我最終都影唔到華僑城呀>.<...
回覆刪除晏d得閒會update我個blog,到時黎你就知點解架啦
[版主回覆05/11/2010 00:09:00]我都係等緊佢地比野我果時, 走去8下有咩新靚衫先見到你咋~~
You also have a 4 in 1ar... Very nice ar... I love 4in1 水晶... You have alot of items also... Nice.
回覆刪除[版主回覆05/11/2010 00:08:00]但我覺得你果個同我呢個有唔同喎, 我呢個係12X26寸架咋 係呀, 因為我都介紹左唔少朋友仔JOIN嘛 ^^
wa.......你d製成品好壯觀
回覆刪除[版主回覆05/11/2010 00:21:00]哈哈哈....所以唔敢影多次啦, 真係當自己住9千呎大屋咩
V3 影D 相確實係有信心保證喎~ 我眼見咁多個新人去影都好ok~ 我都要諗下先得~
回覆刪除[版主回覆05/11/2010 10:45:00]^^ 係呀, 水準真係好好
你個4in1好正呀! 10"吋可以加$要雜誌面??
回覆刪除[版主回覆05/11/2010 12:02:00]3v o既7寸同10寸係已經包埋雜誌面架, 唔洗加$的 ^^
超多野...haha~
回覆刪除[版主回覆05/11/2010 14:26:00]你都唔少野啦~~~XDDD
你果個4 in 1相架..唔係送架咩..點解話同佢地果d唔同呢?
回覆刪除我都諗緊果款要直版定正,我自己一睇就鍾意直版,但正方擺係酒樓睇會靚d,不過我諗我都係揀直版多架啦,擺係屋企靚d
[版主回覆05/13/2010 00:00:00]我個4 in 1係12x26寸艾利水晶黎架, 但我見RYBEL果個係50寸架~~我覺得4 in 1 的話, 直版靚d
你個package咁多野,真厲害!!!
回覆刪除[版主回覆05/13/2010 01:00:00]3V價錢雖然比其他深圳公司貴, 但水準同埋成品真係有保證
可以add埋我ma??? 我都join左3v 6月尾去影呀~~~
回覆刪除[版主回覆05/13/2010 14:20:00]恭喜你先, 我add左你啦~~係呢, 你影咩景呀?
我都仲諗緊, 究竟世界之窗定華僑城好呀, 因為我想影教堂呀~
回覆刪除[版主回覆05/13/2010 14:50:00]我個人認為，華僑城始終仲係屬於新景點，唔係太多人影過.....深圳公司又係得3V獨家可以影茶溪谷，裡面景點又豐富，主要影天然同埋自然O既感覺，真係幾值得去呢度影 世窗就屬於比較舊，太多人影過，主要影建築物，但教堂的確好靚 如果只可以比我揀一個景點, 我自己會揀華僑城啦，因為淨係花田已經無敵呀
聽你咁講, 我又心大心細啦~~~
回覆刪除[版主回覆05/13/2010 15:55:00]所以首先你要諗清楚, 你想影d咩啦 ^^ 其實我影埋世窗係有段估架，原先我諗都冇諗過影世窗, 我係揀仙湖或葵園先 後來，華僑城一出，都唔洗考慮立即join華僑城 點知到影果日，天氣唔好，天陰陰想落雨，3v強烈建議我唔好出去影，因為攝影師幾叻都好難影得靚 但我自己又唔甘心乜都ready晒影唔到相 老公咪話，一係照影啦，影得唔靚再影多次 咁岩3v果時有個舊客優惠，可以平d影多一個外景，咁我就立即join果個優惠，諗住影華僑城酒店先，但酒店又唔接受即日book喎，最後我問3v意見，邊個景點冇咁受天陰影響我就去果度，最後揀左世窗囉，留返華僑城遲d先影 真係錯有錯著，世窗影出黎效果真係唔錯，好開心
我想影教堂, 咁應該係世窗會好D, 但同時又鍾意華僑城, 特別D自然D...好迷呀~~ HAHA
回覆刪除不過你呢輯相真係好靚~~錯有錯著呀~
[版主回覆05/13/2010 18:09:00]影2次囉 XDDDDDDDDDDDD 不過如果真係鐘意教堂...就揀世窗啦, 華僑城個小木教堂冇得比呀
好正呀！睇見咁多款唔同既相簿、大相.......好開心呀！影得好靚呀！
回覆刪除[版主回覆05/15/2010 10:33:00]係呀, 簡直想全部show晒係屋企呀~~~ 但媽咪同99都已經指定要水晶同相架lu XD
我想睇下你d靚相可唔可以add我?
回覆刪除[版主回覆05/19/2010 09:47:00]add左啦 ^^
hihi, 我都想睇咪其他d相呀!
回覆刪除可吾可以 add埋我呢?
[版主回覆05/20/2010 10:24:00]無問題呀~~~add左你啦 ^^
我想問下你呢..你張油畫有冇加油畫框呀?
回覆刪除我唔知加唔加好呀
[版主回覆06/21/2010 10:42:00]油畫同版畫係兩樣野黎架 我問過3v, 佢地話版畫係比較耐放 所以我做左版畫 你揀大相後就要決定做邊款架o勒
我叫左佢地hold住唔好拎d相去整住,所以我仲諗緊要唔要畫框,因為有好似grand d咁
回覆刪除[版主回覆06/22/2010 09:49:00]咁真係要睇你個人喜好o勒, 其實我都有post油畫成品出黎架 週末深圳兩日遊 (筍崗+3V)
喂喂有個問題想問下你呀, 你攞走個d排版d files 大唔大呀? 我發現左排版個d相好細呀, 得 around 400-500kb, 反而7吋冇排版個d 相有 5-6MB lor....想問下你個d 係唔係咁....呀???我驚放大左印出會唔清~~~
回覆刪除[版主回覆06/30/2010 12:11:00]咁我又冇細心留意bor~~~你會再拎d排版file去放大?? 我要返家再望一望先答到你
我想睇下其他相呀~
回覆刪除可否add我呀~
thx~!!
[版主回覆06/30/2010 12:11:00]sure, added
影得好靚呀~~!~ 可以add埋我一齊share嗎??
回覆刪除[版主回覆08/02/2010 07:51:00]好呀~~~ADD左啦
ADD我呀~
回覆刪除[版主回覆01/15/2011 23:27:00]之前add左你都唔記得覆返你添 :p